فضائی آلودگی سے بچاو کا گرین پنجاب کا 7 سالہ منصوبہ التواء کا شکار کروڑوں ہڑپ کر لئے گئی

ملتان (چودھری عبدالوسیم سے) فضائی آلودگی سے بچاؤ کے لئے گرین پنجاب کا سات سالہ منصوبے پر عملدرآمد نہ ہوسکا۔ 2020 سے 2027 تک پی ایچ اے اور محکمہ جنگلات کو پنجاب بھر گرین پنجاب منصوبے کا ٹاسک دیا گیا ہر سال
دس لاکھ پودے لگانے کا ٹاسک صرف فائلوں کی حد تک محدود رہا ،پی ایچ اے ملتان کی دو نرسریوں سمیت پنجاب کی 47سرکاری نرسری ویران جبکہ پنجاب بھر میں پابندی کے باوجود گرین زون میں سینکڑوں پرائیویٹ ہاوسنگ سکمیوں کی منظوری دے دی گئی گرین پنجاب منصوبے پر عمل درآمد نہ ہونے سے لاہور ملتان فیصل آباد رحیم یار خان بہاولپور سمیت دیگر شہروں کا ایئر کوالٹی انڈیکس میں خطرناک حد تک اضافہ ہوگیا ہے زرائع کے مطابق ملتان سمیت پنجاب بھر میں سموگ میں خوفناک حد تک اضافے کی ایک وجہ ماہرین ماحولیات درختوں کی کمی بھی قرار دے رہے ہیں 2020 میں اس وقت کی حکومت نے صوبے بھر گرین پنجاب کا سلوگن عام کیا اور پی ایچ اے کو صوبے بھر میں گرین پنجاب سات سالہ منصوبے کے تحت ہرسال پنجاب میں دس لاکھ پودے لگانے کا ٹاسک دیا گیا تاہم مزکورہ منصوبے کو صرف فرضی شجرکاری مہم کے تحت ناکا م بنادیا گیا ملتان میں صرف ہر سال ڈیرھ لاکھ پودے لگانے کی رپورٹ دی گئی تاہم ملتان میں لگائے پودے بدقسمتی سے درخت نہ بن سکے جس کی وجہ سے فضائی آلودگی میں خوفناک حد تک اضافہ ہوچکا ہے ہارٹیکلچر ملتان ایجنسی کی دو نرسریوں سمیت پنجاب کے دیگر شہروں میں پی ایچ کی 47 نرسری ویران پڑی ہیں جس پر عوامی حلقوں کا کہنا ہے سرکاری نرسریوں میں پودے تیار نہیں ہوتے ہیں لگائے بھی نہیں گئے ہیں کروڑوں روپے گرین پنجاب منصوبے کے نام پر خوردبرد کرلیے گئے ہیں فرضی رپورٹس کے تحت سب اوکے قرار دیا گیا عوامی حلقوں اور ماہرین ماحولیات کا کہنا ہے ملتان سمیت پنجاب بھر میں گرین زون میں ہزاروں ایکڑ رقبے پر سینکڑوں پرائیویٹ ہاوسنگ سکمیوں کی منظوری دے دی گئی ملتان میں بہاولپور بائی پاس پر دو بڑی پرائیویٹ ہاوسنگ سکمیوں کی منظوری گرین زون میں دی گئی ہے بوسن روڈ وہاڑی روڈ خانیوال روڈ سمیت دیگر گرین زون میں ایم ڈی اے ضلع کونسل میونسپل کارپوریشن نے پرائیویٹ کالونیاں قائم کردی گئی ہیں جس کی وجہ ملتان کے ایئر کوالٹی انڈیکس میں ریکارڈ اضافہ ہوچکا ہے۔
نرسریاں