پنڈوڑیاں( نمائندہ خبریں)پنڈوڑیاں اور گردونواح میں غیر قانونی چنگچی رکشوں کے خلاف کارروائی کا مطالبہ، آئی جی اسلام آباد کا فوری نوٹس۔ اہلِ علاقہ کے معززین نے پنڈوڑیاں اور گردونواح میں غیر قانونی طور پر چلنے والے چنگچی رکشوں کے خلاف مثر کارروائی کے لیے آئی جی اسلام آباد کو درخواست پیش کی۔ درخواست پر آئی جی اسلام آباد نے فوری نوٹس لیتے ہوئے متعلقہ تھانے کے ایس ایچ او کو مسئلے کے حل اور غیر قانونی چنگچی رکشوں کے خلاف قانون کے مطابق ضروری کارروائی کرنے کے احکامات جاری کر دیے۔اہلِ علاقہ نے آئی جی اسلام آباد کی جانب سے فوری نوٹس لینے اور احکامات جاری کرنے کے اقدام کو سراہتے ہوئے امید ظاہر کی ہے کہ متعلقہ پولیس حکام اس معاملے پر عملی اقدامات کرتے ہوئے غیر قانونی چنگچی رکشوں کا مسئلہ مستقل بنیادوں پر حل کریں گے، تاکہ شہریوں کو درپیش مشکلات سے نجات مل سکے
