کراچی(شوبزڈیسک)پاکستانی شوبز انڈسٹری کے معروف اداکار گوہر رشید نے خواتین کی ظاہری شخصیت اور جسمانی ساخت کا مذاق اڑانے والوں کو آڑے ہاتھوں لے لیا۔اداکار نے سوشل میڈیا پر اپنے پیغام میں خواتین کے لیے توہین آمیز الفاظ استعمال کرنے اور ان کی ظاہری شکل کی بنیاد پر انہیں تنقید کا نشانہ بنانے کے رویے کی مخالفت کی۔
گوہر رشید نے خواتین کے ساتھ روا رکھے جانے والے ایسے رویوں کے خلاف آواز اٹھائی، جس پر شوبز شخصیات اور مداحوں نے ان کی حمایت کی۔اداکار کی اہلیہ کبری خان نے ان کے مقف پر فخر کا اظہار کیا جبکہ اداکار بلال عباس خان نے بھی محبت بھرا ردعمل دیا۔گوہر رشید کے پیغام کو سوشل میڈیا پر سراہا جا رہا ہے، جہاں صارفین خواتین کی جسمانی ساخت پر تنقید اور تضحیک کے خاتمے کی حمایت کر رہے ہیں۔ ایک خاتون مداح نے بتایا کہ انہیں ماضی میں موٹاپے کی وجہ سے طنز کا نشانہ بنایا جاتا تھا، تاہم اب وہ اپنی جسمانی ساخت کو اعتماد کے ساتھ قبول کرتی ہیں۔
خواتین کی تضحیک پر گوہر رشید کاموقف ، کبری خان بھی حمایت میں آگئیں
