لاہور(سپورٹس ڈیسک)انڈر 19 ایشیا کپ دوسرے سیمی فائنل میں بھارت کامیاب، فائنل میں پاکستان سے مقابلہ انڈر 19 ایشیا کپ کرکٹ ٹورنامنٹ کے دوسرے سیمی فائنل میں افغانستان کو 8 وکٹوں سے شکست دے بھارت نے فائنل کیلئے کوالیفائی کرلیا۔ عمان میں کھیلے گئے سیمی فائنل مقابلے میں افغانستان نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 227 رنز بنائے۔ اس کے ساتھی ہی ایونٹ کی دوسری فائنلسٹ ٹیم بھارت بن گئی جس کا فائنل میں پاکستان سے سامنا ہوگا۔ یہ میچ ہفتے کے روز کھیلا جائے گا۔خیال رہے کہ گروپ اسٹیج کے دوران پاکستان نے حمزہ یوسف کی شاندار سنچری کی بدولت بھارت کو دلچسپ مقابلے کے بعد شکست دے دی تھی۔
