پیرس(این این آئی) فرانس کے دارالحکومت پیرس میں ایلیسی پیلس کے باہر سلوواکی صدر پیٹر پیلیگرینی کے استقبال کی تقریب کے دوران فرانسیسی اعزازی دستے کا دو اہلکار اچانک بے ہوش ہوکر زمین پر گر پڑے۔غیرملکی خبررساں ادارے کے مطابق یہ واقعہ اس وقت پیش آیا جب سلوواکی صدر کی گاڑی فرانسیسی صدارتی محل کے داخلی دروازے پر پہنچی۔ پیٹر پیلیگرینی فرانسیسی صدر ایمانوئل میکرون سے ملاقات کے لیے پیرس پہنچے تھے۔استقبالی تقریب کی ویڈیو میں دیکھا جاسکتا ہے کہ اہلکار کے زمین پر گرتے ہی صدر ایمانوئل میکرون اور وہاں موجود دیگر حکام فوری طور پر اس کی جانب بڑھے۔بعد ازاں عملے کے دیگر ارکان نے متاثرہ اہلکار کو وہاں سے ہٹا دیا۔ تاحال اہلکار کے بے ہوش ہونے کی وجہ اور اس کی طبی حالت کے بارے میں مزید تفصیلات سامنے نہیں آئیں۔یہ واقعہ سلوواکی صدر کی آمد کے عین وقت پیش آیا، جس کے باعث استقبال کی تقریب کچھ دیر کے لیے متاثر ہوئی۔
استقبالیہ تقریب میں میکرون کے سامنے دو فرانسیسی گارڈ اچانک زمین پر گر پڑے، ویڈیو وائرل
