برطانیہ میں توانائی کے بڑھتے بلوں اورمہنگائی کیخلاف شہریوں کا احتجاجی مظاہرہ

لندن (این این آئی) برطانیہ کے دارالحکومت لندن میں توانائی کے بڑھتے ہوئے بلوں اور اشیائے ضروریہ کی قیمتوں میں اضافے کے خلاف شہریوں کی بڑی تعداد نے احتجاجی مظاہرہ کیا تھا۔ برطانوی میڈیا کے مطابق مظاہرین نے پارلیمنٹ ہاس کے باہر جمع ہو کر حکومت کے خلاف نعرے بازی کی اور مطالبہ کیا کہ غریب اور متوسط طبقے کو فوری معاشی ریلیف فراہم کیا جائے۔ شرکا کا کہنا تھا کہ سردیوں کی آمد کے ساتھ ہی گیس اور بجلی کے نرخوں میں اضافے نے عام آدمی کی زندگی اجیرن بنا دی ہے اور حکومت کو عوام دوست پالیسیاں تشکیل دینی چاہئیں۔