آکینڈ (خصوصی رپورٹ) نیوزی لینڈ کی وزیر اعظم جیسٹن آرڈرن نے کہا ہے کہ ٹرمپ مجھے جسٹن ٹروڈو کی اہلیہ سمجھتے رہے، ان کو پھپتاوا ہے کہ انہوں نے کیوں امریکی صدر ڈونلڈ ٹرمپ کے ساتھ ملاقات کا قصہ اپنے دوستوں کو سنایا۔ آرڈرن کی ملاقات ٹرمپ کے ساتھ ویتنام میں ایپک اجلاس میں ہوئی تھی۔ ایک مقامی کا میڈین نے صحافیوں کو بتایا کہ آرڈرن کا کہنا ہے کہ ملاقات میں امریکی صدر کافی دیر تک ان کو کینیڈا کے وزیر اعظم جسٹن ٹروڈد کی اہلیہ سمجھتے رہے۔ اس انٹرویو کے بعد نیوزی لینڈ میں کافی شور مچا کہ صدر ٹرمپ نیوزی لینڈ کی وزیر اعظم کو نہیں جانتے تھے۔ تا ہم آرڈرن نے نیوزی لینڈ ٹی وی سے بات کرتے ہوئے اس کی تردید کی۔ کسی کو ایسا لگا کہ ایسا ہے ۔ لیکن میری صدر ٹرمپ کے ساتھ ملاقاتوں میں مجھے ایسا نہیں لگا کہ وہ میری شناخت کے حوالے سے کنفیوز ہیں۔ انہوں نے تصدیق کی کہ انہوں نے اس قصے کا ذکر اپنے دوستوں کے ساتھ کیا تھا۔
