لاہور (نیا اخبار رپورٹ) تحریک انصاف میں اختلافات کی بھی سونامی آ گئی، جہانگیر خان ترین اور شاہ محمود قریشی میں بھی بول چال بند، نعیم بخاری کو جہانگیر خان ترین کی مخالفت مہنگی پڑ گئی، انکو پارٹی سے نکالنے پر غور، پارٹی میں بڑھتے ہوئے اختلافات نے عام انتخابات سے پہلے عمران خان کی مشکلات میں مزید اضافہ کر دیا۔ ذرائع کے مطابق تحریک انصاف کے وائس چیئرمین شاہ محمود قریشی ضمنی انتخابات میں جہانگیر خان ترین کے بیٹے علی ترین کی ضمنی انتخابات میں حصہ لینے کی مخالف کر رہے ہیں ذرائع کا کہنا ہے کہ اس معاملے پر جہانگیر خان ترین اور شاہ محمود قریشی میں بول چال بھی آجکل بند ہو چکی ہے اور پارٹی معاملات کے حوالے سے بھی دونوں رہنماﺅں کے درمیان کسی قسم کا کوئی رابطہ نہیں جبکہ جہانگیر خان ترین کے بیٹے کو ٹکٹ دینے کی مخالف کی وجہ سے نعیم بخاری کو بھی پارٹی کے اندر شدید مشکلات کا سامنا کرنا پڑ رہا ہے جسکی وجہ سے انکو پارٹی سے فارغ کرنے پر غور ہو رہا ہے اور جہانگیر خان ترین نے عمران خان کو شاہ محمود قریشی اور نعیم بخاری کے حوالے سے اپنے تحفظات سے بھی آگاہ کر دیا ہے۔ پارٹی کے سینئر رہنماﺅں کے درمیان بھی اس معاملے پرچہ میگوئیوں کا سلسلہ جاری ہے ان کا کہنا ہے کہ نعیم بخاری نے برے وقت میں عمران خان کے کندھے سے کندھا ملا کر پانامہ کیس کا مقابلہ کیا لیکن پارٹی سربراہ جہانگیر خان ترین کے آگے کسی کو خار میں نہیں لاتے، جو آنے والے دنوں میں پارٹی کے لئے الارمنگ صورتحال ہو سکتی ہے۔
