لاہور(ویب ڈیسک) نیب نے آشیانہ اقبال اسکینڈل میں سابق وزیراعلیٰ پنجاب شہبازشریف کے خلاف ریفرنس تیار کرلیا جو 24 نومبر کو فائل کیے جانے کا امکان ہے۔ذرائع کے مطابق نیب لاہور کی ٹیم نے آشیانہ اقبال اسکینڈل ریفرنس سے متعلق چیئرمین نیب کو بریفنگ دی جس کے بعد شہبازشریف سمیت 4 افراد کے خلاف ریفرنس 24 نومبر کو فائل کیے جانے کا امکان ہے۔ذرائع کا کہنا ہے کہ نیب ریفرنس کے متن میں کہا گیا ہے کہ شہبازشریف نے اختیارات کا غلط استعمال کرتے ہوئے پرائیویٹ افراد کو فائدہ پہنچانے کی کوشش کی، شہباز شریف نے بطور وزیراعلیٰ غیر قانونی طور پر پی ایل ڈی سی کے بورڈ آف ڈائریکٹرز کی طاقت کا غیرقانونی استعمال کیا۔ذرائع کا کہنا ہے کہ شہباز شریف کی شریک ملزم فواد حسن فواد سے باہمی ملی بھگت سے میرٹ پر آنے والی کمپنی کا ٹھیکہ منسوخ کروایا گیا، اس کے علاوہ ملزم نے مبینہ طور پر من پسند کمپنی کو غیر قانونی منافع دینے کی غرض سے ٹھیکا منسوخ کروایا اور اسی کمپنی سے غیرقانونی طور پر مالی فوائد حاصل کیے، شہباز شریف نے 21 اکتوبر 2014 کو آشیانہ اقبال پراجیکٹ کا ٹھیکہ پی ایل ڈی سی سے ایل ڈی اے کو منتقل کرنیکا حکم دیا، ان اقدامات سے پی ایل ڈی سی کے وجود کی نفی ہوتی نظر آئی اور حکومتی خزانے کو کروڑوں کا نقصان پہنچا۔ریفرنس میں مزید کہا گیا ہے کہ ملزم شہباز شریف نے غیرقانونی طور پر ہی ایل ڈی اے کو ٹھیکہ منتقل کرنیکی منظوری دلوائی جب کہ اس وقت کے ڈی جی ایل ڈی اے احد خان چیمہ تھے، اس طرح پبلک پارٹنر شپ کے تحت ٹھیکہ منظور نظر میسرز بسم اللہ انجینرنگ کو دے دیا گیا جو پیراگون کی پراکسی کمپنی تھی۔

اسلام آباد(ویب ڈیسک) دفتر خارجہ نے تحریک حریت جموں و کشمیر کے سینیئر رہنما حفیظ اللہ میر کے وحشیانہ قتل کی مذمت کی ہے۔ترجمان دفتر خارجہ کی جانب سے جاری بیان میں مقبوضہ کشمیر میں بھارتی مظالم سمیت تحریک حریت جموں و کشمیر کے سینیئر رہنما حفیظ اللہ میر کے وحشیانہ قتل کی مذمت کرتے ہوئے کہا گیا ہے کہ پاکستان بھارتی قابض افواج کے ہاتھوں 3 کشمیریوں کی شہادت اور 8 کے زخمی ہونے کی مذمت کرتا ہے۔ترجمان دفتر خارجہ کا کہنا تھا کہ پاکستان او آئی سی کی طرف سے کشمیریوں کی مکمل حمایت کو سراہتا ہے جب کہ اقوام متحدہ کے ہائی کمشنر برائے انسانی حقوق کی طرف سے تحقیقات کی سفارش پر جلد عملدرآمد پر بھی زور دیتا ہے۔

لاہور (صدف نعیم سے )وزیر اعلیٰ عثمان بزدار کی زیر صدارت اعلیٰ سطحی اجلاس جو تین گھنٹے سے زائد وقت جا ری رہا ،میں عیدمیلاد النبیﷺ کے حوالے سے تقریبات کے انتظامات،صو بہ بھر میں امن و اما ن کی صو رتحا ل کا جا ئزہ بھی لیا گیا۔انہوں نے کہا کہ وز یر اعظم عمرا ن خا ن کی خصو صی ہدا یت پر اس بار جشن میلا د مصطفی ﷺپہلی با ر پنجا ب میں سر کاری سطح پر منایا گیا۔شا ندا ر اندا ز میں تقریبات کا اہتما م کیا گیا ۔سکیو رٹی کے فو ل پر وف انتظاما ت کئے گئے ۔عثمان بزدار نے کہا کہ قا نون نا فذ کر نیوا لے ادا رے پو ری طرح چو کس رہیں۔داخلی اور خا رجی را ستو ں کی کڑی نگرا نی جا ری رکھی جا ئے۔اجلا س میں وز یر قا نون راجہ بشا رت ،چیف سیکر ٹر ی ،ایڈیشنل چیف سیکر ٹر ی دا خلہ ،آئی جی ،متعلقہ حکا م نے شر کت کی۔

لاہور (ویب ڈیسک )گزشتہ روز سے سوشل میڈیا پر ایک خاتون کی ویڈیو گردش کر رہی ہے جس کے حوالے سے افواہ زور پکڑے ہوئے کہ وزیراعظم نوازشریف کے داماد اور مریم نواز کے شوہر کیپٹن صفدر نے مبینہ طور پر دوسری شادی کر لی ہے تاہم اب ان افواہوں پر وہ خود میدان میں آ گئے ہیں اور تردید جاری کرتے ہوئے بڑا اعلان کر دیا ہے۔تفصیلات کے مطابق کیپٹن صفد ر کے ترجمان نے بیان جاری کرتے ہوئے کہاہے کہ کیپٹن صفدر نے دوسری شادی نہیں کی ہے اور اس سے م تعلق چھلنے والی تمام تر افواہیں بے بنیاد اور من گھڑت ہیں۔ترجمان کا کہناتھا کہ کیپٹن صفدر ان جھوٹے الزامات کے خلاف قانونی کارروائی کا حق محفوظ رکھتے ہیں۔انہوںنے الزامات لگانے والوں کو چیلنج کرتے ہوئے کہا کہ جھوٹی خبریں پھیلانے والے اگر خود کو سچا مانتے ہیں تو وہ آئیں اور حلف دے کر کہیں کہ کیپٹن صفدر نے دوسری شادی کی ہے۔

لاہور (ویب ڈیسک )ملک بھر میں جشن ولادت رسول شایان شان طریقے سے منایا جارہا ہے اور عاشقانِ رسول اپنے اپنے انداز میں نبی مہربان حضرت محمد مصطفی صلی اللہ علیہ وآلہ وسلم سے عقیدت کا اظہار کر رہے ہیں۔ مختلف شہروں میں میلاد النبی کے جلوس اور ریلیاں برآمد ہونا شروع ہوگئیں، کراچی کے علاقے ملیر کے مختلف حصوں سے ریلیوں کا آغاز ہوگیا، اس موقع پر سیکیورٹی کے سخت اقدامات کیے گئے ہیں۔پنجاب کے شہر راجن پور میں مرکزی جلوس چوک الہ آباد سے نکالا گیا جو اپنے مقررہ راستوں پر رواں دواں ہے، نارووال شہر اور گرد و نواح میں موبائل سروس جزوی طور پر معطل ہے۔کامونکی میں جشن عید میلاد النبی کا مرکزی جلوس غوثیہ چوک سے نکالا گیا جو شہر کے مختلف راستوں سے ہوتا ہوا غلہ منڈی پر اختتام پذیر ہوگا۔بلوچستان کے ضلع مستونگ میں 12 ربیع الاول کے موقع پر جامیہ مسجد مدینہ سے ریلی نکالی گئی جب کہ سبی میں مرکزی جلوس نشتر روڈ سے نکالا گیا اور قلات میں مرکزی جلوس جامعہ مسجد خیل سے نکالا گیا جو مقررہ راستوں پر درود و سلام پڑھتے ہوئے رواں دواں ہے۔شہر قائد میں مذہبی جماعتوں کی جانب سے نماز ظہر کی ادائیگی کے بعد جلوس نکالے جائیں گے، جمعیت علماء پاکستان کا جلوس کورنگی سے برآمد ہوگا جب کہ انجمن غوثیہ کا جلوس ٹاور سے آرام باغ تک، جماعت اہلسنت اور انجمن نوجوانان اسلام کا جلوس میمن مسجد سے نکالا جائے گا اور سنی تحریک کا جلوس جامعہ کلاتھ سے نمائش تک جائے گا۔پولیس کی جانب سے مرکزی جلوس کی سیکیورٹی کے لیے 4 ہزار سے زائد اہلکار تعینات ہوں گے۔حیدرآباد کے علاقے لطیف آباد اور سٹی کے علاقوں سے ریلیاں برآمد ہونا شروع ہوگئیں جو مختلف راستوں سے ہوتی ہوئیں حیدر چوک پہنچیں گی۔خیرپور میں جماعت اہلسنت کی جانب سے 12 ربیع الاول کے موقع پر جلوس برآمد ہوگیا جس میں ہزاروں افراد شریک ہیں، تھرپارکر میں مرکزی ریلی فیضان مدینہ مٹھی سے نکالی گئی ہے اور شہریوں کی جانب سے کشمیر چوک پر محفل میلاد کا بھی انعقاد کیا گیا ہے۔سیہون میں جشن میلاد النبی کی مرکزی ریلی کا آغاز درگاھ ویہڑ شریف سے ہوا جس میں موٹر سائیکلیں اور رکشوں سمیت بڑی تعداد میں گاڑیاں بھی شامل ہیں۔دن کے آغاز پر ملک کے مختلف شہروں میں توپوں کی سلامی دی گئی۔جشن ولادت رسول صلی اللہ علیہ وآلہ وسلم کے موقع پر ملک بھر میں گھروں، مساجد، گلی محلوں اور اہم عمارتوں پر چراغاں کیا گیا ہے۔کراچی کے گلی کوچوں اور عمارتوں کو برقی قمقموں سے سجادیا گیا ہے، شہر میں 12 ربیع الاول کو دو مرکزی جلوس نکالے جارہے ہیں۔لاہور کی عمارتیں بھی روشنیوں سے جگمارہی ہیں، داتا دربار سے پنجاب اسمبلی تک مشعل بردار ریلی نکالی گئی جبکہ پنجاب اسمبلی میں بھی محفل میلاد کا اہتمام کیا گیا۔حب اور قلات میں بھی موٹر سائیکلوں، رکشوں اور کاروں پر مشتمل ریلی نکالی گئی۔ فیصل آباد میں بھی عمارتوں اور مساجد پر چراغاں کیا گیا ہے، جہلم میں مسلمانوں کے ساتھ مسیحی برادری نے بھی محفل میلاد مصطفیٰ کا انعقاد کیا اور کیک کاٹا۔حیدرآباد میں جشن ولادت رسول صلی اللہ علیہ وآلہ وسلم شایان شان طریقے سے منایا جارہا ہے۔ سکھر اور میر پورخاص میں بھی گھروں، گلیوں اور محلوں کو برقی قمقموں سے سجایا گیا ہے۔ میر پور خاص کے چاندنی چوک پر ڈیڑھ سو پاو¿نڈ وزنی کیک کاٹا گیا۔ لاڑکانہ میں درگاہ مشوری شریف پر دو روزہ میلہ منعقد کیا گیا، نواب شاہ، ٹنڈو الہ یار، پڈ عیدن، ٹھٹھہ اور بدین سمیت سندھ کے مختلف شہروں میں جشن عید میلادالنبی صلی اللہ علیہ وآلہ وسلم شایان شان طریقے سے منایا جارہا ہے۔خیبر پختونخوا کے ضلع مانسہرہ اور کوہاٹ میں مختلف مقامات پر مساجد اور گھروں میں محافل کا انعقاد کیا گیا اور ریلیاں نکالی گئیں، آزاد کشمیر کے شہروں مظفر آباد اور میر پور میں بھی جشن ولادت رسول کے موقع پر چراغاں کیا گیا ہے۔

لاہور (خبر نگار) وزیر اعلیٰ پنجاب سردار عثمان بزدارسے وفاقی وزیر پٹرولےم غلام سرورخان کی قیادت میں راولپنڈی کے اراکین صوبائی اسمبلی نے ملاقات کی، جس مےں فلاح عامہ کے کاموں، ترقیاتی منصوبوں اور عوامی مسائل کے حل کے حوالے سے تفصیلی تبادلہ خیال کیا گیا۔وزےراعلیٰ سردار عثمان بزدار نے اس موقع پر گفتگوکرتے ہوئے کہا کہ عوام کی حقیقی معنوں میں خدمت کے جذبہ سے سرشار ہیں اور ہمارا صرف اےک ہی اےجنڈا ہے اوروہ صرف عوامی خدمت ہے-عوام کی امنگوں پر پورا اتریں گے جبکہ مشاورت سے مسائل کی نشاندہی کے بعدجامع پالیسیاں مرتب کر کے اقدامات کئے جا رہے ہیں ۔انہوںنے کہا کہ معیشت کو بحال کرنے کیلئے مشکل فیصلے کئے گئے ہےں۔عوام بھروسہ رکھے، یہ مشکلات وقتی ہیں۔ تحریک انصاف کی قیادت عوامی مینڈیٹ پر پورا اترے گی۔ انہوںنے کہا کہ اقتدار کے ایوانوںمیں سادگی کو فروغ دیا ہے اور اس کا آغاز وزیراعظم عمران خان نے خود مثال قائم کرکے کیا ہے۔ تحریک انصاف کی حکومت وی آئی پی کلچر کے خلاف ہے اور ملک کو درست سمت پر ڈال کر نئے پاکستان کی تعمیر کی بنیاد رکھ دی ہے۔ نئے پاکستان کی تعمیر ایک کٹھن اور مشکل مرحلہ ہے جس میں کامیابی کا واحد راستہ خلوص نیت سے عوام کی فلاح و بہبود ہے۔ نیا پاکستان ہم سب نے مل کر بنانا ہے اور ایسے اقدمات کئے جا رہے ہیں جس سے عوام کو تبدیلی نظر بھی آئے گی۔ عوام نے تحریک انصاف کو تبدیلی کیلئے ووٹ دیا ہے، عوام کی توقعات پر پورا اترنے کیلئے وزیر اعظم عمران خان کی قیاد ت میں تحریک انصاف کی حکومت دن رات کام کر رہی ہے اور عوام کی خدمت کے علاوہ ہماری کوئی اور دوسری ترجیح نہیں ہے، عوام کو ان کو حق دلایا جائے گا اور اس مقصد کیلئے تندہی اور لگن کے ساتھ کام، کام اور صرف کام کرنا ہو گا تاکہ عوام کو ریلیف اور سہولیات میسر آ سکیں۔انہوںنے کہا کہ تحریک انصاف کی حکومت صدق دل سے عوام کی خدمت میں مصروف ہے، عوام کو مایوس نہیں کریں گے۔ مسائل ضرور ہیں اور ان کی بنیادیں اور جڑیں کافی گہری ہیں مگر عوامی بہبود کا تحریک انصاف کا عزم مستحکم اور قوی ہے ۔ عوام کے اعتماد کو کبھی ٹھیس نہیں پہنچنے دیں گے ۔ انہوں نے کہا کہ پنجاب میں نیا بلدیاتی نظام متعار ف کرایا جا رہا ہے جو حقیقی انداز میں عوام کے مسائل کے حل میں مدد گا ر ہوگا اور اپنے مسائل کے حل کیلئے عوام کو اہل اقتدار کے ایوانوں کے چکر لگانے کی ضرورت نہیں ہو گی بلکہ عوام کے مسائل ان کی دہلیز پر ان کی مرضی کے مطابق حل کئے جائیں گے اور یہی وہ تبدیلی ہے جس کیلئے عوام نے تحریک انصا ف کو ووٹ کی طاقت سے خدمت کا مینڈیٹ دیا ہے۔ وزیر اعلیٰ نے کہا کہ مختصر وقت میں ایسے اقدامات کئے گئے ہیں جو پہلے کبھی ملکی تاریخ میں نہیں ہوئے۔ انہوں نے کہا کہ کرپشن ملک کا ناسور ہے ، کرپشن کا خاتمہ کرکے رہیں گے۔ وزیراعلیٰ نے اراکین اسمبلی پر زور دیا کہ وہ عوام سے قریبی ر ابطہ رکھیں اوراپنے علاقے میںجاکر عوامی مسائل حل کرےں۔ وفاقی وزیر پٹرولیم غلام سرور خان نے اس موقع پر کہا کہ عوامی وزیر اعلیٰ کے انتخاب پر وزیراعظم عمران خان کے شکر گزار ہیں اور پنجاب عمران خان کے تبدیلی کے وژن پر پوری طرح عملدرآمد کر رہا ہے-انہوںنے کہا کہ ٹیم کی قیادت ایک ایسے سیاست دان کے پاس ہے جو عوام کے مسائل سے پوری طرح آگاہی رکھتا ہے۔ وزیر اعلیٰ سے ملاقات کرنےوالے اراکین صوبائی اسمبلی ا مجد محمود چوہدری، عمار صدیق خان،چوہدری محمد عدنان، چوہدری ساجد محمود،لطاسب ستی، عابدہ راجہ، ملک تیمور مسعود، راجہ صغےر، عمر تنویر بٹ، واثق عباسی، چوہدری جاوید کوثراوردےگر شامل تھے۔ وزیر اعلیٰ پنجاب سردار عثمان بزدار نے حضرت محمد کی ولادت باسعادت کے پرمسرت اور بابرکت موقع پر امت مسلمہ کو مبارکباد دی ہے۔ وزیر اعلیٰ عثمان بزدار نے عےدمےلاد النبی کے موقع پراپنے پیغام میں کہا ہے کہ خاتم الانبیائ، محسن انسانیت حضرت محمد کی ولادت باسعادت تاریخ انسانی کا سب سے بڑا واقعہ ہے۔ محسن انسانیت حضرت محمد اپنے اعلیٰ کردار اور اسوہ حسنہ کے ذریعے دنیا کیلئے ایک مثال بنے اور مختصر مدت مےں مثالی سماجی اور معاشی نظام دےا۔ رسول اکرم کی مثالی طرز حکمرانی سے دنیا کی بہترین اسلامی فلاحی ریاست ”مدینہ“ قائم ہوئی لیکن آج ضرورت اس امر کی ہے کہ اس مثالی ریاست مدینہ کی جھلک ہمہ وقت ہمارے سامنے ہو تاکہ ہم اپنے مسائل کو ا±سوئہ حسنہ کی روشنی میں حل کر سکیں۔انہوںنے کہا کہ نبی آخرالزماں نے امن وآشتی، اخوت، احترام انسانےت، مساوات، عفوودرگزر اور عدل و انصاف کا درس دےا ۔ حضوراکرم کی تعلےمات پر عمل پےرا ہو کرمعاشرے سے ظلم ،زےادتی،ناانصافی اور بدامنی کا خاتمہ کےا جاسکتا ہے اورآپ کے اسوہ حسنہ پر عمل پےرا ہوکرپاکستان کو درپےش تمام مسائل سے نجات دلا کرامن کا گہوارہ بناےا جاسکتا ہے۔ بدامنی اوردہشت گردی کی آگ مےں جلتی انسانےت کو آپ کی تعلےمات پر عمل پےراہوکر ہی امن و سکون مل سکتا ہے ۔ آپ کی زندگی کو مجسم قرآن قرار دیا گیا ہے جس میں امت کےلئے مکمل رہنمائی اور ہدایت موجود ہے۔وزیراعلیٰ پنجاب سردار عثمان بزدار سے برطانوی ریڈنگ کلچرل سوسائٹی (RCS) کے تین رکنی وفد نے چیئرمین ڈاکٹر شاہد شریف کی قیادت میںملاقات کی۔وفد کے ارکان میں ڈاکٹر آصف بٹ اور عبدالنوید شامل تھے۔وزیراعلیٰ پنجاب کے ترجمان ڈاکٹر شہباز گل بھی اس موقع پر موجود تھے۔ ملاقات میں باہمی دلچسپی کے امور پر تبادلہ خیال کیا گیا۔ وفد کی قیادت کرنے والے ڈاکٹرشاہدشریف نے وزیراعلیٰ پنجاب کو بتایا کہ ان کے دورے کا مقصد ثقافت کا تبادلہ، کینسرکے بارے مےں آگاہی،موبائل میڈیکل کیمپس اورپاکستان کے دور دراز علاقوں میں لوگوں کی فلاح وبہبود اور انہیں طبی خدمات فراہم کرنے کےلئے ائیر ایمبولینس کے حصول کےلئے فنڈریزنگ کے اقدامات کے بارے مےں مشاورت شامل ہے۔ریڈنگ کلچرل سوسائٹی کے چیئرمین ڈاکٹر شاہد شریف نے وزیراعلیٰ پنجاب سردار عثمان بزدار کو برطانیہ کے دورے کی بھی دعوت دی جسے وزیراعلیٰ نے قبول کےا۔

اسلام آباد، واشنگٹن (مانیٹرنگ ڈیسک، نیوز ایجنسیاں) مریکی صدر ڈونلڈ ٹرمپ کے حالیہ پاکستان مخالف بیانات پر دفتر خارجہ نے امریکی ناظم الامور کو طلب کرکے غیر ضروری اور بے بنیاد الزامات پر سخت احتجاج ریکارڈ کروایا۔ترجمان دفتر خارجہ کے مطابق سیکرٹری خارجہ تہمینہ جنجوعہ نے احتجاجی مراسلہ امریکی ناظم الامور سفیر پال جونز کے حوالے کیا۔ترجمان کے مطابق مراسلے میں پاکستان کے حوالے سے صدر ٹرمپ کے غیر ضروری اور بے بنیاد الزامات پر سخت احتجاج کیا گیا۔ترجمان دفتر خارجہ کے مطابق پاکستان نے امریکی صدر کی حالیہ ٹویٹس پر مایوسی کا اظہار کیا اور کہا کہ القاعدہ کے خلاف جنگ میں پاکستان نے اہم کردار ادا کیا، ان تمام اقدامات کے باوجود اس قسم کے بیانات ناقابل قبول ہیں۔ترجمان کے مطابق اس موقع پر سیکرٹری خارجہ نے کہا کہ پاکستان نے دہشت گردی کے خلاف جنگ کی بہت بھاری قیمت ادا کی ہے اور خطے کو دہشت گردی سے پاک کرنے کے لیے ہماری کوششیں کسی سے ڈھکی چھپی نہیں۔انہوں نے کہا کہ امریکا کو یہ ہرگز نہیں بھولنا چاہیے کہ القاعدہ کی اعلیٰ قیادت پاکستان کے تعاون کے باعث ہی پکڑی یا ماری گئی اور القاعدہ کی لیڈر شپ کو پکڑنے میں پاکستان کی کاوشوں کو امریکا نے بارہا تسلیم کیا۔ترجمان نے امریکی ناظم الامور کو یہ بھی باور کروایا کہ پاکستان نے افغان جنگ کےلئے اپنے فضائی، زمینی اور سمندری راستے فراہم کیے اور وہ امریکا اور خطے کے دیگر ممالک سے مل کر افغان جنگ کے خاتمے اور مفاہمتی عمل کے لیے کوشاں ہے۔سیکرٹری خارجہ نے کہا کہ امریکی بیانات اور الزامات ان کوششوں کو نقصان پہنچا سکتے ہیں۔واضح رہے کہ حال ہی میں ایک ٹی وی انٹرویو میں امریکی صدر ڈونلڈ ٹرمپ نے ایک مرتبہ پھر دہشت گردی کے خلاف جنگ میں پاکستان کی قربانیوں کو نظرانداز کرتے ہوئے کہا کہ تھا کہ پاکستان نے ہمارے لیے کچھ بھی نہیں کیا۔ڈونلڈ ٹرمپ کا کہنا تھا کہ ہم پاکستان کو سالانہ ایک ارب 30 کروڑ ڈالر سے زیادہ دیتے تھے، ہم پاکستان کو سپورٹ کر رہے تھے اور القاعدہ سربراہ اسامہ بن لادن وہاں ملٹری اکیڈمی کے قریب آرام سے رہائش پریز تھا۔پاکستان میں ہر کوئی اسامہ بن لادن کے بارے میں جانتا تھا لیکن انہوں نے ہمیں اس حوالے سے آگاہ نہیں کیا۔ امریکی محکمہ دفاع (پینٹاگان)نے اسلام آباد کو جنوبی ایشیا میں واشنگٹن کا اہم اتحادی قرار دیتے ہوئے کہا ہے کہ دونوں ملکوں کے فوجی تعلقات میں کسی قسم کی تبدیلی نہیں آئی۔پینٹاگان کے ڈائریکٹر پریس آپریشنز کرنل راب میننگ نے میڈیا نمائندوں سے غیر رسمی گفتگو میں کہا کہ پاکستان جنوبی ایشیا میں امریکا کا اہم اتحادی ہے۔ان کا کہنا تھا کہ خطے میں پاکستان اور امریکا کے مشترکہ مفادات ہیں اور پرامن اور مستحکم افغانستان کے لیے پاکستان کا کردار کلیدی ہے۔راب میننگ کا مزید کہنا تھا کہ پاک-امریکا فوجی تعلقات میں کسی قسم کی تبدیلی نہیں آئی۔ پاکستان کے بھرپور ردعمل پر امریکی حکومت گھٹنے ٹیکنے پر مجبور امریکہ نے پاکستان سے تحریری طور پر رابطہ کرلیا۔ امریکی سینئر حکام نے پاکستان کے وزارت خارجہ سے رابطہ کرلیا۔ نجی ٹی وی کے مطابق امریکی حکام نے وزارت خارجہ کو سفارتی سطح پر رابطہ جاری رکھنے کی یقین دہانی کراتے ہوئے عندیہ دیا کہ پومپیو کے دورے میں طے کردہ معاملات پر رابطے جاری رکھے جائینگے۔ امریکی سفارتی ذرائع کا کہنا ہے کہ پاکستان کے تعاون کو قدر کی نگاہ سے دیکھتے ہیں امریکی حکام کا موقف تھا کہ امریکہ پاکستان کے مزید تعاون کی ضرورت رہے گی۔ پاکستان کی قربانیوں کا اعتراف کرتے ہیں۔