اسلام آباد (آن لائن+ مانیٹرنگ ڈیسک) سپریم کورٹ آف پاکستان نے حکومت کی جانب سے مردم شماری2017ءمیں مشروط تاریخ مسترد کردی، چیف جسٹس آف پاکستان نے ریمارکس دیئے ہیں ہم انصاف نہیں دے سکتے تو اس ادارے کی کیا ضرورت ہے ،ہمارے فیصلوں پر عمل نہیں کرنا تو سپریم کورٹ بند کر دیں۔ جمعہ کے روز چیف جسٹس آف پاکستان جسٹس انورظہیرجمالی کی سربراہی میں سپریم کورٹ کے تین رکنی بینچ نے مردم شماری میں تاخیر سے متعلق ازخود نوٹس کیس کی سماعت کی، سماعت کے دوران اٹارنی جنرل نے عدالت کے روبروموقف اختیارکیا کہ فوج کی عدم دستیابی کے باعث مردم شماری نہ ہو سکی تاہم آئندہ برس مارچ اوراپریل میں مردم شماری کرائی جاسکتی ہے۔ جسٹس امیرہانی نے ریمارکس دیئے کہ مردم شماری کرانا آئینی تقاضا ہے اس پرشرط نہیں لگائی جا سکتی، آبادی کے اعدادوشما ر ہی معلوم نہیں،حکومت نے تاریخ کو فوج کی دستیابی سے مشروط کر دی ہے مردم شماری کے لیے اس قسم کی یقین دہانی قابل قبول نہیں،چیف جسٹس آف پاکستان نے حکومت کی جانب سے مردم شماری مشروط تاریخ مسترد کرتے ہوئے ریمارکس دیئے کہ حکومت کی دی گئی تحریر محض دکھاوا ہے، ہمیں واضح اورایک تاریخ بتائیں، مردم شماری کا نہ ہونا موجودہ اور پچھلی حکومتوں کی ناکامی ہے، مردم شماری کروائی تو اسمبلیوں کی سیٹوں کو بڑھانا پڑے گا، لوگوں کو بیوقوف بنائیں نہ عوام کا پیسہ ضائع کریں، کہہ دیں کہ مردم شماری کروانا حکومت کے بس کا کام نہیں، مردم شماری نہیں کرانا توادارہ شماریات بند کردیں، کیوں نہ مردم شماری کے تاخیر کے ذمہ داروں کیخلاف کارروائی کی جائے ۔کہاں لکھا ہے کہ مردم شماری کے لئے فوج کی ضرورت ہے جہاں کوئی ایمرجنسی ہو فوج کوطلب کر لیا جاتا ہے، تمام کام فوج کو کرنے ہے تو دیگر اداروں کی کیا ضرورت ہے۔جسٹس انور ظہیر جمالی نے مزید ریمارکس دیئے کہ ہربڑی سیاسی جماعت جمود کے حق میں ہے، ہم انصاف نہیں دے سکتے تواس ادارے کی بھی کیا ضرورت، حکومت کہہ دے کہ سپریم کورٹ کی ضرورت نہیں ہے، اگر سپریم کورٹ کے فیصلوں پر عمل نہیں کرنا تو سپریم کورٹ کو بند کردیں۔ اٹارنی جنرل کا کہنا تھا کہ فوج بھی ریاست کا ادارہ ہے، مارچ یا اپریل میں مردم شماری کرانے کو تیار ہیں، سپریم کورٹ نے حکومت سے غیر مبہم اور واضح تحریری جواب طلب کرتے ہوئے مزید سماعت یکم دسمبر تک ملتوی کر دی۔

لاہور ( این این آئی) وفاقی وزیر خزانہ سینیٹر اسحاق ڈار نے کہا ہے کہ عمران خان کو لندن یاترا سے کچھ نہیں ملے گا، بلاول کا ایک مطالبہ پورا کر دیا اور باقی تین اپنے وقت پر پورے ہوں گے، پانامہ کا معاملہ عدالت میں ہے، عمران خان کو نہ دھرنے میں کامیابی ملی اور نہ اب ملے گی ، حق اور سچ کی فتح ہو گی ،ملک مشکلات سے گزر رہا ہے جسے آگے لیجانے کے لئے ہمیں سیاسی یکجہتی کی ضرورت ہے اختلافات نہیں ہونے چاہئیں ،ملکی سیاست کہیں نہیں جا رہی ، تمام ادارے اپنا کام کرر ہے ہیں حکومت اپنی مدت پوری کرے گی اور 2018ءکا سال 2013ءسے بہتر ہو گا ۔ ان خیالات کا اظہار انہوں نے گزشتہ روز پیپلز پارٹی کے سینئر رہنما و سابق وفاقی وزیر جہانگیر بدر کے انتقال پر انکی رہائشگاہ علی ٹاﺅن آمد کے موقع پر لواحقین سے اظہار تعزیت اور فاتحہ خوانی کے بعد میڈیا سے گفتگو کرتے ہوئے کیا ۔ اسحاق ڈار نے کہا کہ جہانگیر بدر مرحوم سے 50سالہ رفاقت تھی اور ان سے میری بہت گہری دوستی تھی ۔ حصول تعلیم کے دوران ہمارے راستے جدا ہوئے ۔جہانگیر بدر نے دوستی بھی نبھائی اور پارٹی کے ساتھ مخلص بھی رہے ۔انہوںنے کبھی بھی کسی حوالے سے اپنی پارٹی پر کوئی کمپرومائےز نہےں کےا اس حوالے سے وہ بہت قابل قدر انسان تھے ان کے جانے سے اےک بہت بڑا خلا پےدا ہوگےا ہے اور تمام سےاسی جماعتےں اےک اچھے دوست سے محروم ہوگئی ہےں ۔ انہوں نے کہا کہ مرحوم جہانگیر بدر نے سیاست میں ہمیشہ تحمل ، برداشت اور رواداری کا فروغ دیا ، سیاست میں ہمارے راستے جدا تھے لیکن دوستی رہی ۔ انکی کی پیپلز پارٹی کے لئے قابل قدر خدمات تھیںاور انکے بیٹے کا نام بھی نصرت بھٹو نے رکھا تھا ،اللہ مرحوم کے گناہ معاف فرمائے ۔ ایک سوال کے جواب میں انہوں نے کہا کہ ملکی سےاست کہی نہےں جارہی انشاءاللہ مسلم لےگ (ن) کی حکومت اپنی مدت پوری کرے گی۔ ہمیں چارٹر آف اکانومی پر ضرور دینا چاہیے۔ انہوں نے کہا کہ تمام ادارے اپنا کام کررہے ہےں اور انشاءاللہ پاکستان ترقی کی جانب جانا شروع ہوگےا اور آپ دےکھےں گے کہ 2018ءمےں وہ پاکستان نہےں ہوگا 2013ءمےں تھا ۔انہوںنے پانامہ کےس مےں پی ٹی آئی کے وکےل حامد خان کے حوالے سے کئے گئے سوال کے جواب مےں کہاکہ ہمار امسئلہ نہےں یہ پی ٹی آئی کا مسئلہ ہے اور اس حوالے سے وہ ہی بہتر بتا سکتے ہےں۔ انہوںنے کہاکہ ملک مشکلات سے گزر رہا ہے ہمیں اس کو آگے لے کر جانا چاہیے اور اس کے لئے سیاسی یکجہتی کی ضرورت ہے اختلافات نہیں ہونے چاہئیں۔ عمران خان کی لندن روانگی کے حوالے سے سوال کے جواب میں انہوں نے کہا کہ ہمیں کسی پر شک نہیں کرنا چاہیے ، ہو سکتا ہے کہ عمران خان لندن میں اپنے بچوں سے ملنے گئے ہوں۔ لیکن عمران خان کو لندن یاترا سے بھی کچھ حاصل نہیںہو گا۔ پانامہ لیکس کے حوالے سے سوال کے جواب میں اسحاق ڈار نے کہا کہ پامانہ کا معاملہ عدلت میں ہے اور حق اور سچ کی فتح ہو گی۔ کیس کے لئے ہمارے وکلاءتبدیل نہیں ہوئے بلکہ وہی ہیں اور حامد خان پی ٹی آئی کے وکیل ہیں اور ان کو ہٹانے کے حوالے سے پی ٹی آئی ہی بہتر جواب دے سکتی ہے ۔بلاول بھٹو کے حوالے سے بات کرتے ہوئے انہوں نے کہا کہ بلاول بھٹو جب بھی ملے انہیں بیٹا کہہ کر پکارا۔ بلاول کے 4مطالبات میں سے ایک پورا کر دیا گیا ہے دیگر تین مطالبے اپنے وقت پر پورے ہوں گے۔

لاہور (اپنے سٹاف رپورٹرسے) وزیر اعلیٰ پنجاب محمد شہباز شریف کی زیرصدارت اعلیٰ سطح کا اجلاس منعقد ہوا جس میں پنجاب ہیلتھ ریفارمز روڈمیپ پر پیش رفت کا تفصیلی جائزہ لیا گیا۔ 3 گھنٹے تک جاری رہنے والے اجلاس میں عوام کوعلاج معالجے کی بہترین سہولتیں فراہم کرنے کیلئے متعدد فیصلے کئے گئے۔ اجلاس کے دوران وزیراعلیٰ نے 103 بنیادی مراکز صحت کی اپ گریڈیشن اور 1200نرسوں اور 178 فارماسسٹ کی اضافی اسامیوں پر بھرتی کی منظوری دی۔ اجلاس کے دوران اچھی کارکردگی دکھانے والے ہسپتالوں کے عملے کو نقد انعامات اور تعریفی سریٹفکیٹس دینے کا بھی فیصلہ کیا گیا۔ وزیراعلیٰ نے ہسپتالوں کی کارکردگی جانچنے کیلئے رینکنگ نظام پر عملدرآمد کی منظوری دیتے ہوئے کہا کہ اچھی کارکردگی دکھانے والے ہسپتالوں کے عملے کو نقد انعامات کے ساتھ تعریفی سرٹیفکیٹس بھی دیئے جائیں گے اور یہ نقد انعامات اور تعریفی سرٹیفکیٹس ماہانہ کی بنیاد پر ضلع، ڈویژن اور صوبائی سطح پر دیئے جائیں گے۔ انہوں نے ہدایت کی کہ اس ضمن میں کارکردگی جانچنے کیلئے جامع میکانزم مرتب کیا جائے۔ تاکہ اس پروگرام پر جلد سے جلد عملدرآمد کا آغاز کیا جاسکے۔وزیراعلیٰ نے اجلاس میں صوبے کے 103 بنیادی مراکز صحت کی اپ گریڈیشن کی منظوری دی، اپ گریڈیشن کے بعد ان بنیادی مراکز صحت میں مریضوں کو 24 گھنٹے طبی سہولتوں کی فراہمی کو یقینی بنایا جاسکے گا جبکہ ایم بی بی ایس کی ڈگری حاصل کرنے والے ڈاکٹروںکیلئے دیہی علاقوں میں ایک سال تک خدمات کی فراہمی لازمی ہوگی۔ وزیراعلیٰ شہبازشریف نے اجلاس سے خطاب کرتے ہوئے کہا کہ پنجاب حکومت صحت عامہ کی معیاری سہولتوں کی فراہمی کیلئے انقلابی پروگرام پر عمل پیرا ہے اور مریضوں کو جدید و معیاری طبی سہولتوں کی فراہمی ہمارا مشن ہے۔ شعبہ صحت کی بہتری کیلئے جاری اصلاحاتی پروگرام پر پیش رفت کے اچھے نتائج سامنے آ رہے ہیں اور ہم سب نے مل کر مریضوں کو علاج معالجے کی وہ سہولتیں فراہم کرنی ہیں جو ان کا حق ہیں۔پنجاب ہیلتھ ریفارمز روڈمیپ کی ٹیم نے اجلاس کے دوران بتایا کہ پنجاب حکومت نے امیونائزیشن کوریج کو بہتر بنانے کے حوالے سے شاندار کارکردگی دکھائی ہے اور صرف 2 برس کے دوران پنجاب حکومت کی امیونائزیشن کوریج 56 فیصد سے بڑھ کر 82 فیصد تک پہنچ گئی ہے جو بھارت سے بھی بہت بہتر ہے جہاں اس وقت امیونائزیشن کوریج 70 فیصد ہے۔وزیر اعلیٰ پنجاب محمد شہباز شریف کی زےر صدارت اعلیٰ سطح کا اجلاس منعقد ہوا جس مےں پنجاب واٹر روڈ مےپ اورسالڈ وےسٹ مےنجمنٹ روڈ مےپ کے مختلف امور کا جائزہ لےا گےا۔ ڈےفڈ کے خصوصی نمائندے سرمائےکل باربرنے پنجاب واٹر روڈ مےپ اورسالڈ وےسٹ مےنجمنٹ روڈ مےپ کے حوالے سے برےفنگ دی۔ اجلاس مےں لوکل گورنمنٹ،پبلک ہےلتھ انجےنئرنگ اورٹی اےم اےز مےں منظورشدہ تکنےکی اسامےوں کو پرکرنے اور سٹاف کیلئے تربےتی پروگرام کی منظوری دی گئی ۔ وزےراعلیٰ پنجاب محمد شہبازشرےف نے اجلاس سے خطاب کرتے ہوئے کہا کہ پنجاب حکومت عوام کو پےنے کے صاف پانی کی فراہمی کے اربو ں روپے کے بڑ ے پروگرام پر عمل پےرا ہے۔ خادم پنجاب صاف پانی پروگرام کے تحت صوبے کی دےہی آبادی کو پےنے کے صاف پانی کی فراہمی ےقےنی بنائی جائے گی۔صاف پانی پروگرام مفاد عامہ کا بڑا اہم منصوبہ ہے اوراس پروگرام کو محنت، لگن اورعزم سے آگے بڑھانا ہے۔ وزیراعلیٰ پنجاب محمدشہباز شریف نے عوامی نیشنل پارٹی کے سینئر نائب صدر حاجی محمد عدیل کی وفات پرگہرے دکھ اور افسوس کا اظہار کیا ہے۔ وزیراعلیٰ نے اپنے تعزیتی پیغام میں حاجی محمد عدےل مرحوم کی سیاسی خدمات کو خراج عقیدت پیش کرتے ہوئے کہا کہ وہ ایک سچے اور محب وطن سیاستدان تھے۔وزیر اعلی پنجاب محمد شہباز شریف سے آج یہاں آزاد جموں و کشمیر کے صدر مسعود خان نے ملاقات کی-دونوں رہنما¶ں نے مقبوضہ کشمیر میں نہتے کشمیریوں پر بھارتی قابض افواج کی بربریت اور مظالم کی شدید مذمت کی-وزیر اعلی شہباز شریف نے اس موقع پر گفتگو کرتے ہوئے کہا کہکشمیریوں کو ظلم و جبر اور طاقت کے استعمال سے ان کے آزادی کے حق سے محروم نہیں کیا جا سکتا -کشمیر تقسیم ہند کا نامکمل ایجنڈا ہے -خطے میں پائیدار امن کے لئے تنازعہ کشمیر سمیت دیگر مسائل حل کرنا ضروری ہے- اقوام متحدہ کی قرار دادوں کی روشنی میںکشمیریوں کے حق خود ارادیت سے انکار بھارتی کی ہٹ دھرمی کا منہ بولتا ثبوت ہے-انہوںنے کہا کہ کشمیریوں کو اقوام متحدہ کے چارٹر کے مطابق بنیادی حق سے محروم رکھنا ظلم ہے- بندوق کی گولی اور ظلم و جبر سے کشمیریوں کی حق خود ارادیت کی تحریک کو دبایا نہیں جا سکتا -وزےراعلیٰ پنجاب محمد شہبازشرےف سے متحدہ عرب امارات کے سفےرعےسی عبداللہ الباشاالنعےمی(Mr.Essa Abdulla Al Basha Al Noaimi) کی قےادت مےں اعلی سطح کے وفد نے ملاقات کی – جس میںباہمی دلچسپی کے امور،پاکستان اور متحدہ عرب امارات کے مابین تعلقات کے فروغ اورمختلف شعبوں مےں تعاون بڑھانے پر تبادلہ خےال ہوا-وزیر اعلی شہباز شریف نے متحدہ عرب امارات کے سفیر اور وفد کے دیگر اراکین سے عربی زبان میں گفتگوکی-متحدہ عرب امارات کے وفد نے وزیر اعلی شہباز شریف کی عربی زبان پر شاندار دسترس کی تعریف کی-وزیر اعلی نے اس موقع پر گفتگو کرتے ہوئے کہا کہ پاکستان ا ور متحدہ عرب امارات کے مابےن تارےخی برادرانہ تعلقات موجود ہیں اورپاکستان کی تعمےر و ترقی مےں متحدہ عرب امارات کا تعاون لائق تحسےن ہے ۔

لاہور (مانیٹرنگ ڈیسک) پاک بحریہ نے کمال مہارت کا ثبوت دیتے ہوئے ناصرف بھارتی آبدوز کی پاکستان سمندری حدود میں داخلے کی کوشش ناکام بنائی بلکہ اس کا پتہ لگانے کے بعد 3 سے 4 روز تک حراست میں بھی رکھا۔تفصیلات کے مطابق ایڈمرل (ر) تسنیم احمد نے نجی ٹی وی سے گفتگو کرتے ہوئے کہا کہ بھارتی سب میرین کے پاکستان آنے کے تین سے چار مقاصد ہو سکتے ہیں۔ ایک مقصد پاکستان اور چین کی مشترکہ جنگی مشقوں کی نگرانی ہو سکتا ہے جبکہ دوسرا مقصد گوادر پورٹ کے افتتاح کے بعد اس کی نگرانی، تیسرا مقصد پاک بحریہ کی نیول بیس کی نگرانی ہو سکتا ہے اور یہ بھی ہو سکتا ہے کہ ملک دشمنوں کی مدد کیلئے اسے بھیجا گیا ہو۔ ان کا کہنا تھا کہ یہ جرمن ساختہ آبدوز ہے جو دنیا کی بہترین آبدوزوں میں سے ایک ہے اور میرے علم کے مطابق اس کا پتہ فضائی نگرانی کے ذریعے چلایا گیا ہے اور اگر واقعی ہماری نیوی نے اپنی صلاحیتوں کا استعمال کرتے ہوئے اس کا پتہ لگایا ہے تو یہ انتہائی زبردست بات ہے اور پاک بحریہ کی صلاحیتوں کا منہ بولتا ثبوت ہے۔انہوں نے کہا کہ میرے علم میں یہ بات بھی آئی ہے کہ اس کا پتہ لگانے کے بعد اسے پانی کی سطح پر آنے پر مجبور کیا گیا اور پھر 3 سے 4 دن تک اسے حراست میں رکھا گیا جس کے بعد اسے پاکستانی حدود سے دور دھکیلا گیا۔