ینگون ( اے این این ) سرکاری فوج نے مسلم آبادی کو گن شپ ہیلی کاپٹروں سے نشانہ بنایا،کارپٹ بمباری سے 430عمارتیں تباہ ،مقامی مسلم برادری نے واقعہ پر شدید احتجاج کرتے ہوئے کہا ہے کہ مسلمان آبادی پر حملے برما کی فوج کا پسندید مشغلہ ،عالمی برادری کی خاموشی افسوسناک ،مظالم کی آزادانہ تحقیقات کی جائے۔غیر ملکی خبر رساں ادارے کے مطابق میانمار فوج کی جانب سے جاری بیان میں کہا گیا ہے کہ ریاست ریکھائن میں روہنگیا مسلمانوں کے دیہاتوں میں سرچ آپریشن کیا گیا اس دوران گن شپ ہیلی کاپٹروں کا بھی استعمال کیا گیا جس میںمتعددروہنگیائی مسلمان مارے گئے ہیں ۔ جب کہ انسانی حقوق کی تنظیم ہیومن رائٹس واچ کا کہنا ہے کہ اس دوران میانمار فوج کے ہاتھوں 30 روہنگیا مسلمان اپنی جانوں سے ہاتھ دھو بیٹھے اور فوج نے مسلمانوں کے کئی دیہاتوں کو بھی آگ لگادی۔انسانی حقوق کے ادارے ہیومن رائٹس واچ کی طرف سے جاری کی گئی تصاویر میں جلے ہوئے گاو¿ں دِکھائے گئے ہیں۔ ہیومن رائٹس واچ کا کہنا ہے کہ اس علاقے میں 430 عمارتوں کو جلایا گیا۔ دوسری جانب سوشل میڈیا پر جو تصاویر اور ویڈیوزوائرل ہوئی ہیں اس میں میانمار فوج کے ہاتھوں قتل ہونے والوں میں خواتین اور بچے شامل ہیں جب کہ سیکڑوں افراد اپنے گھروں کو چھوڑ کر دوسرے علاقوں میں محفوظ مقامات پر منتقل ہو گئے ہیں۔میانمار کی حکومت نے تسلیم کیا ہے کہ اس کی فوج نے ریاست رخائن میں ان دیہات پر گن شپ ہیلی کاپٹروں سے فائرنگ کی جہاں روہنگیا مسلم اقلیت آباد ہے۔میانمار کی فوج کا کہنا ہے کہ مارے جانے والی لوگ خنجروں اور لاٹھیوں سے لیس تھے۔فوج کے مطابق یہ حملہ مسلح عسکریت پسندوں کے خلاف کلیئرنس آپرشن تھا۔ریاست رخائن میں کسی آزاد میڈیا کو رسائی حاصل نہیں ہے اس سے کسی بھی سرکاری بیان کو کافی تنقیدی نگاہ سے دیکھنا پڑتا ہے۔میانمار کے سرکاری میڈیا کے مطابق قتل ہونے والے روہنگیا مسمانوں نے فوج پر حملے کئے جس کے بعد یہ کارروائی عمل میں لائی گئی جب کہ روہنگیا مسلمانوں نے سرکاری میڈیا کے موقف کی سختی سے تردید کرتے ہوئے کہا کہ میانمار کی فوج نے مسلمانوں کے دیہات پر گن شپ ہیلی کاپٹروں سے کارپٹ بمباری کی ۔ مقامی مسلم کمیونٹی نے واقعہ پر شدید احتجاج کیا ہے اور کہا ہے کہ مسلم آبادی پر حملے برما کی فوج کا پسندیدہ مشغلہ بن چکا ہے اس پر عالمی برادری کی خاموشی افسوسناک ہے ۔میانمار کی فورسز کے مظالم کی آزادنہ تحقیقات کرائی جائے ۔

سئیول(اے ایف پی) کرپشن سیکنڈل پر جنوبی کوریا کے دارالحکومت سئیول میں شہریوں کی بہت بڑی تعداد نے ملکی صدر پارک گون کے خلاف ایک انتہائی بڑے مظاہرے میں شرکت کی ہے، یہ لوگ کرپشن سیکنڈل کے تناظر میں خاتون صدر سے مستعفیٰ ہونے کا مطالبہ کررہے تھے، مظاہرے کے منتظمین کے مطابق اس احتجاج میں10 لاکھ کے قریب لوگ شریک تھے، مظاہرے کی سکیورٹی کیلئے حکام نے پچیس ہزار پولیس اہلکار تعینات کررکھے تھے، اس مظاہرے میں سکولوں کے نو عمر طلباءبھی شامل تھے۔ مظاہرین مطالبہ کررہے تھے کہ وہ بہتر انداز میں اپنے فرائض انجام دینے میں ناکام رہی ہیں لہذا وہ اپنے منصب سے مستعفیٰ ہوجائیں، ملک میں ہونے والے مظاہروں کو گزشتہ ایک دہائی کے دوران سب سے بڑے حکومت مخالف مظاہرے قرار دیا جارہا ہے، رپورٹ کے مطابق حکومت کی مظاہرین سے پرامن رہنے کی اپیل کے باوجود ویک اینڈ پر حکومت مخالف مظاہرین پر قابو پانے کیلئے پولیس کے25 ہزار اہلکاروں کو دارالحکومت سئیول میں طلب کرلیا تھا، ایوان کے صدر کے ترجمان یونگ یون کک نے اپنے بیان میں کہا کہ حکومت مخالف مظاہروں کے دوران سخت عوامی رد عمل سامنے آسکتا ہے، جنوبی کوریا کے نائب وزیر اعظم لی جون سک نے پریس کانفرنس کے دوران کہا کہ ہمیں امید ہے کہ مظاہروں کے دوران عوام تعاون کرینگے تاکہ مظاہروں کی قانونی حیثیت برقرار رہے۔

واشنگٹن، بیجنگ، اسلام آباد (آئی این پی) نو منتخب امریکی صدرڈونلڈ ٹرمپ کی جیت کے بعد امریکا میں نفرتیں بڑھنے لگیں،ٹریفک کی خلاف ورزی پر جرمانے کی بجائے پولیس اہلکار نے پاکستانی نژاد ڈرائیورکو دھمکی دی کہ میں تم سے تمام چیزیں چھین لوں گا،پاکستانی نژادشہری سی این این کے صحافی ڈیوڈ گریگوری کاڈرائیورہے،جو واقعے کے وقت کارمیں پچھلی نشست پرموجود تھے، انہوں نے یہ جملہ سنا بھی اوربعدمیں بتایا کہ پولیس آفیسر نے ڈارئیور کو یہ بھی دھمکی دی کہ میں تمارا سر بھی اتار لوں گا۔اس واقعے کو انٹر نیٹ پر شیئر کئے جانے کے بعد پولیس حکام اورمیئر نے امریکی صحافی سے رابطہ کیااور پاکستانی ڈرائیور سے ملاقات کی اور کہا کہ پولیس اہلکار کی شناخت کیلئے تفتیش شروع کردی گئی ہے۔ دریں اثنا امریکہ کے نومنتخب صدر ڈونلڈ ٹرمپ نے شہریوں کو ہدایت کی ہے کہ مسلمانوں کو ہراساں کرنا چھوڑدیں۔ ٹرمپ نے کہاکہ وہ یہ کہناچاہتے ہیں کہ ایسا مت کریں، یہ خطرناک ہے کیونکہ وہ اس ملک کو اکٹھاکرنے جارہے ہیں۔خلیج ٹائمز کے مطابق یہ پہلی مرتبہ ہے کہ مسلمانوں کو ہراساں کیے جانے کی رپورٹس پر نومنتخب صدر نے کھلے عام ایسا نہ کرنے کی ہدایت کی۔اپنے ایک انٹرویومیں ڈونلڈٹرمپ کاکہناتھاکہ مجھے یہ سن کر بہت دکھ ہوااور میں کہتاہوں کہ اسے روکیں، میں یہ کہتاہوں اور یہ کیمرے کے سامنے کہتاہوں، اسے روکیں۔وہ مبینہ طورپر مسلمانوں، سیاہ فام اور اقلیتوں کے خلاف نفرت انگیز مہم سے متعلق سوال کا جواب دے رہے تھے ۔وہ درجنوں فحش ویب سائٹس جو امریکی حکومت چلارہی ہے ، لیکن کیوں اور کیسے؟ حقیقت جان کرکوئی شخص ہمت بھی نہ کرے کہ۔ ۔ ۔ ٹرمپ کاکہناتھاکہ معاشرے کے کچھ افراد ان سے خوفزدہ ہیں کیونکہ وہ انہیں جانتے نہیں، وہ کہناچاہتے ہیں کہ نہ ڈریںاس کی وجہ صرف یہ ہے کہ وہ مجھے نہیں جانتے، ہم اپناملک واپس لینے جارہے ہیں۔ٹرمپ کاکہناتھاکہ ابھی ابھی الیکشن ہوئے ہیں اور کچھ لوگوں کو وقت چاہیے ، لوگ احتجاج کررہے ہیں ، اگر ہیلری کامیاب ہوجاتیں اور اگر میرے لوگ سڑکوں پر نکلتے توہرکسی نے کہناتھاکہ یہ خطرناک بات ہے اور رائے متضاد ہوتی ، یہاں دوہرامعیار ہے ۔ جبکہ پاکستان نے نومنتخب امریکی صدر ڈونلڈ ٹرمپ کے ساتھ انکے ایک قریبی ساتھی کے ذریعے رابطہ کیا ہے تاکہ دہشت گردی کیخلاف جنگ اور جنوبی ایشیا کی پیچیدہ صورتحال جیسے اہم امور پر نئی امریکی انتظامیہ کے ساتھ ہم آہنگی پیدا کی جا سکے۔ میڈ یا رپو رٹ کے مطا بق ان رابطوں سے آگاہ ایک اعلیٰ افسر نے بتایا کہ امریکہ میں پاکستانی سفیر جلیل عباس جیلانی نے وزیراعظم نواز شریف کی طرف سے ڈونلڈ ٹرمپ کو خط لکھا جس میں انہیں صدر منتخب ہونے کی مبارکباد دی اور پاکستانی حکومت کی طرف سے مل کر کام کرنیکی خواہش کا اظہار کیا گیا ہے۔ ان سفارتی ذرائع کے علاوہ حکومت نے غیر روایتی ذرائع اختیار کرتے ہوئے ڈونلڈ ٹرمپ کے مشیروں کے ذریعے بھی بالواسطہ رابطہ کیا ہے۔ ان مشیروں میں سے ایک پاکستانینژاد امریکی ساجد تارڑ ہیںجن سے پاکستان نے رابطہ کیا ہے۔ساجد تارڑ اس وقت نمایاں ہو کر سامنے آئے جب انہوں نے ڈونلڈ ٹرمپ کے لیے مسلمانوں کی حمایت حاصل کرنے کی تحریک شروع کی جو کہ ایک جراتمندانہ اور غیرمقبول فیصلہ تھا کیونکہ پاکستانیوں سمیت مسلمانوں کی اکثریت ہلیری کلنٹن کی حامی تھی۔ تاہم ڈونلڈ ٹرمپ کی کامیابی کے بعد ساجد تارڑ امریکہ میں نمایاں شخصیت بن کر ابھرے ہیں، وہ ٹرمپ کی انتخابی مہم چلانے کے لیے مقرر کیے گئے 36مشیروں میں سے ایک ہیں۔ ساجد تارڑ کا تعلق منڈی بہاو¿الدین سے ہے وہ 30 سال قبل امریکا گئے تھے انھیں 90 کی دہائی میں امریکی شہریت ملی، وہ اکثر پاکستان آتے رہتے ہیں اور اسلام آباد میں بھی انکا ایک گھر بھی ہے۔ انھیں ٹرمپ انتظامیہ میں اہم ذمہ داری سونپے جانے کا امکان ہے۔ساجد تارڑ نے فلوریڈا سے خصوصی انٹرویو دیتے ہوئے اس امر کی تصدیق کی کہ حکومت پاکستان نے ان سے رابطہ کیا ہے تاکہ ڈونلڈ ٹرمپ اور ان کی حکومت تک رسائی حاصل کی جا سکے۔ تاہم انھوں نے واضح کیا کہ ٹرمپ دہشتگردی کیخلاف بہت سخت موقف اختیار کرینگے، اس معاملے پر اب سیدھی بات ہوگی۔ انھوں نے متنبہ کرتے ہوئے کہا کہ پاکستان کو اپنا گھر درست کرنے کی ضرورت ہے کیونکہ ٹرمپ انتظامیہ دہشتگردی کے معاملے پر محض لفاظی برداشت نہیں کرے گی۔انہوں نے کہا کہ پراو¿ڈ پاکستانی اور پراو¿ڈ مسلم امریکن کے طور پر وہ نئے امریکی صدر سے درخواست کرینگے کہ وہ پاکستان کی مالی امداد پر نظر ثانی کریں۔ کئی دہائیوں سے امریکی امداد عام پاکستانیوں تک نہیں پہنچ سکی بدقسمتی سے صرف امیروں اور اشرافیہ نے ہی اس سے فائدہ اٹھایا ہے یہ عمل اب تبدیل ہونا چاہیے۔ انھوں نے کہاکہ خارجہ پالیسی کے حوالے سے ٹرمپ اپنے سابق صدور کی پالیسیوں کا دوبارہ جائزہ لیں گے اور یقیناً وہ افغانستان اور جنوبی ایشیا کے حوالے سے اپنی حکمت عملی اختیار کرینگے۔ علاوہ ازیںنومنتخب امریکی صدر ڈونلڈ ٹرمپ نے غیر قانونی مہاجرین کو امریکا سے نکل جانے پر زور دیتے ہوئے اعلان کیا ہے کہ صدراتی ذمہ داریاں سنبھالتے ہی وہ 30 لاکھ مہاجرین کو ملک بدر کردیں گے یا انھیں قید کرلیا جائے گا۔غیر ملکی میڈیا کے مطابق ڈونلڈ ٹرمپ نے ٹی وی چینل سی بی ایس کے پروگرام 60 منٹس میں اعلان کیا کہ یا وہ ان مہاجرین کو ملک سے نکال دیں گے یا انھیں قید کرلیا جائے گا۔نو منتخب امریکی صدر نے کہا کہ ہم کیا کرنے جارہے ہیں کہ ایسے افراد کے خلاف کارروائی عمل میں لائی جائےگی جو مجرم ہیں اور ان کے جرائم کا ریکارڈ موجود ہے، گینگ کے افراد، منشیات فروخت کرنے والے، یہ تقریبا 20 لاکھ ہیں اور شاید 30 لاکھ بھی ہوسکتے ہیں۔یاد رہے کہ ڈونلڈ ٹرمپ اس سے قبل مسلمانوں کے خلاف تعصب اور ان کو ملک سے نکالنے کے بیانات پر کئی مرتبہ تنقید کی زد میں آچکے ہیں اور یہ پہلی مرتبہ نہیں ہے کہ انھوں نے اس قسم کے موقف کا اظہار کیا وہ اس قبل بھی مہاجرین کو ملک سے نکالنے کے حوالے سے اپنے بیانات کی وجہ سے میڈیا کی شہ سرخیوں کا حصہ بنتے رہے ہیں۔خیال رہے کہ 9 نومبر 2016 کو امریکا میں ہونے والے صدارتی انتخابات میں ڈونلڈ ٹرمپ کی شکست اور ہیلری کلنٹن کی کامیابی سے متعلق تمام تبصرے، تجزیے اور سروے نتائج غلط ثابت ہوئے تھے اور ری پبلکن پارٹی کے رہنما ڈونلڈ ٹرمپ ڈیموکریٹک پارٹی کی ہیلری کلنٹن کو اپ سیٹ شکست دے کر 4 سال کے لیے امریکا کے 45 ویں صدر منتخب ہوگئے۔ دریں اثنائنو منتخب امریکی صدر ڈونلڈ ٹرمپ کی جانب سے اہم عہدوں کے لیے افراد کی انتخاب کا عمل جاری ہے۔ چیف آف اسٹاف اور مشیر خاص کے ناموں کا اعلان کردیا ہے۔نو منتخب امریکی صدر ڈونلڈ ٹرمپ کی جانب سے مختلف عہدوں کے لیے افراد کی انتخاب کا عمل جاری ہے۔ڈونلڈ ٹرمپ نے وائٹ ہاﺅس چیف آف اسٹاف کے لیے رینس پرائبس جبکہ چیف اسٹریٹجسٹ اور مشیر خاص کے لیے اسٹیو بینن کو نامزد کردیا ہے۔ٹرمپ کی جانب سے جاری بیان میں ان کا کہنا تھا کہ اسٹیو بینن اور رینس پرائبس دونوں بہت قابل افراد ہیں جنہوں نے الیکشن مہم کے دوران بھرپور محنت کی اور ہمیں تاریخی فتح سے ہمکنار کرایا اور اب یہ مل کر امریکا دوبارہ عظیم بنانے میں بھی مدد کریں گے۔پریبس نے صدارتی مہم کے دوران ٹرمپ اور رپبلکن پارٹی کے درمیان پل کا کام کیا تھا۔وہ 2011 میں آر این سی کے چیئرمین منتخب ہوئے تھے۔ انھوں نے پارٹی کے ترجمان اور چیف فنڈ ریزر کی حیثیت سے بھی خدمات سرانجام دی ہیں۔انھوں نے کہا کہ وہ ٹرمپ کا چیف آف سٹاف بننے پر فخر محسوس کر رہے ہیں۔’میں نومنتخب صدر اور قوم کی خدمت کا یہ موقع ملنے پر ان کا بہت شکرگزار ہوں۔ ہم ایسی معیشت وضع کریں گے جو سب کے کام آئے گی، ہم اپنی سرحدیں محفوظ بنائیں گے، اوباما کیئر کو ختم کریں گے اور بنیاد پرست اسلامی دہشت گردی کو شکست دیں گے۔’نئی انتظامیہ کے لیے بڑا چیلینج ڈونلڈ ٹرمپ اور رپبلکن پارٹی کے مرکزی دھارے کے درمیان مفاہمت کا مسئلہ ہو گا۔ انتخابی مہم کے درمیان ان میں خلیج پیدا ہو گئی تھی۔ دوسری جانب چینی صدر شی جن پنگ اور نو منتخب امریکی صدر ڈونلڈ ٹرمپ نے اس بات پر رضامندی ظاہر کی ہے کہ دونوں جلد ہی دونوں ممالک کے تعلقات پر مذاکرات کے لیے ملاقات کریں گے۔چین کی سرکاری میڈیا سی سی ٹی وی کے مطابق سوموار کو شی جنپنگ نے ٹیلیفون پر مسٹر ٹرمپ سے بات چیت کی ہے اور کہا ہے کہ دنیا کی دو بڑی معیشت کو ایک دوسرے کے تعاون کی ضرورت ہے اور یہ کہ بہت سی چیزوں میں تعاون ہو سکتا ہے۔خیال رہے کہ ڈونلڈ ٹرمپ اپنی مہم کے دوران چین خلاف بولتے رہے ہیں اور انھوں نے چین کے بنے سامان پر 45 فیصد کا محصول لگانے کی بھی بات کی تھی۔منتخب ہونے سے قبل مسٹر ٹرمپ نے ایشیا کی بڑی معیشت چین کو امریکہ کا ‘دشمن’ بھی قرار دیا تھا اور الزام لگایا تھا کہ چین نے مصنوعی طور پر اپنی کرنسی کی قیمت کم رکھی ہے تاکہ وہ اپنے برآمدات کو تقویت پہنچا سکے۔سی سی ٹی وی کے مطابق صدر جن پنگ اورڈونلڈ ٹرمپ نے ‘قریبی تعلقات برقرار رکھنے، بہتر عملی تعلقات بنانے اور باہمی مفاد کے مسائل اور باہمی تعلقات کو بہتر بنانے کے لیے قریبی ممکنہ تاریخ میں مذاکرات کرنے کا عہد کیا ہے۔’مسٹر ٹرمپ نے ‘قوت کے ساتھ امن قائم کرنے’ اور امریکی بحریہ کو مضبوط بنانے کی پالیسی اپنانے کا عہد کیا ہے۔بہر حال مسٹر ٹرمپ نے دور دراز کے فضول کے مسائل میں اپنی عدم دلچسپی کا عندیہ دیا اور ٹرانس پیسفک پارٹنرشپ کے تحت آزاد تجارت کے معاہدے کو زیادہ اہمیت نہیں دی۔خیال رہے کہ اس مجوزہ معاہدے میں بہت سے ایشائی ممالک شامل ہیں اور اس سے وہاں امریکی اثرورسوخ میں اضافہ ہوگا لیکن امریکہ میں روزگار کی کمی کے سبب اسے مسٹر ٹرمپ نے اسے زیادہ اہمیت نہیں دی۔سی سی ٹی وی کے مطابق مسٹر ٹرمپ نے چین کو بڑا اور اہم ملک قرار دیا اور اس کے ساتھ کام کرنے کی خواہش کا اظہار کیا۔ ان کے خیال سے چین امریکی تعلقات دونوں ممالک کے لیے ‘سودمند’ ہیں۔ موجودہ صورتحال کے حوالے سے امریکی وزیر خارجہ جان کیری نے کہا ہے کہ نئی امریکی انتظامیہ کو ماحولیاتی تبدیلیوں پر توجہ دینا ہوگی۔نیوزی لینڈ کے شہر ولنگٹن میں میڈیا سے گفتگو کے دوران جان کیری نے کہا کہ وہ 20 جنوری کو صدر براک اوباما کے عہدہ صدارت کی مدت ختم ہونے تک پیرس کے تاریخی معاہدے پر عملدرآمد کےلئے اپنی کوششیں جاری رکھیں گے۔ انہوں نے کہا کہ امریکیوں کی اکثریت کو اس بات کا ادراک ہے کہ ماحولیاتی تبدیلیاں درحقیقت وقوع پذیر ہو رہی ہے اور اس معاملے پر توجہ دی جانی aچاہیے۔جان کیری نے کہا کہ ہم انتظار کریں گے کہ نئی انتظامیہ کس طرح اس معاملے کو دیکھتی ہے تاہم میرا خیال ہے کہ ہم درست سمت میں ہیں اور یہی وہ راستہ ہے جس کے لیے امریکی عوام بھی پرعزم ہیں۔ انھوں نے مزید کہا کہ انتخابی مہم اور طرز حکمرانی میں فرق ہوتا ہے اور میرا خیال ہے کہ نئی انتظامیہ کو اس معاملے پر اپنی وضاحت پیش کرنے کی ضرورت ہوگی۔

راولپنڈی، جہلم(نیوز ایجنسیاں، بیورو رپورٹ) بھارتی فورسز کی جانب سے لائن آف کنٹرول پر بھمبر سیکٹر میں بلااشتعال فائرنگ سے 7فوجی جوان شہید ہو گئے، پاک فوج کی جانب سے جوابی کارروائی میں بھارتی چیک پوسٹوں کو موثر طریقے سے نشانہ بنایا۔پاک فوج کے شعبہ تعلقات عامہ (آئی ایس پی آر)کے مطابق بھارتی فورسز کی جانب سے لائن آف کنٹرول پر بھمبر سیکٹر میں بلااشتعال فائرنگ سے 7فوجی جوان شہید ہوگئے، بھارت کی جانب سے رات گئے ایل او سی پر فائرنگ کی گئی۔آئی ایس پی آر کے مطابق پاک فوج کی جانب سے جوابی کارروائی میں بھارتی چیک پوسٹوں کو موثر طریقے سے نشانہ بنایا گیا۔ ذرائع کے مطابق پا ک فوج کی موثر جوابی کارووائی میں متعدد بھارتی فوجی ہلاک ہوئے اور کئی مورچے بھی تباہ ہوگئے ۔یادرہے کہ بھارت نے اس سال 222سے زائد بار سیز فائر کی خلاف ورزیاں کیں،لائن آف کنٹرول پر 184جبکہ ورکنگ باﺅنڈری کی 38بار خلاف ورزیاں کی گئیں،گذشتہ 13سال میں پہلی دفعہ حالیہ کشیدگی کے دوران توپ خانے کا استعمال کیا گیا۔ نجی نیوز چینل کے مطابق لائن آف کنٹرول کے بھمبر سیکٹر پر بھارتی فوج کی بلا اشتعال فائرنگ اور گولہ باری سے7 پاکستانی فوجی شہید ہوئے جس پر پاک فوج نے بھر پور جوابی کارروائی کرتے ہوئے تین بھارتی چوکیوں کو نشانہ بنا کر تباہ کردیا جبکہ15سے20 بھارتی فوجی بھی مار دیئے۔ دوسری طرف سیکرٹری خا رجہ نے بھارتی ہائی کمشنر گوتم بمبانوالہ کو دفتر خاجہ طلب کر کے شدید احتجاج کیا اور احتجاجی مراسلہ بھی تھمادیا دفترخارجہ کے ترجمان نفیس زکریا نے کہا ہے کہ بھارت مسلسل بلا اشتعال فائرنگ کررہا ہے اور ایل او سی کی خلاف ورزیوں پر کئی بار بھارتی ہائی کمشنر کو طلب کیا گیاہے۔پیر کودفترخارجہ کے ترجمان نفیس زکریا نے بھمبرسیکٹر میں بھارتی فورسز کی جانب سے بلااشتعال فائرنگ کی شدید مذمت کرتے ہوئے کہا ہے کہ بھارتی جارحیت کا پاک فوج کی جانب سے بھرپور جواب دیا گیا۔نفیس زکریا کا کہناتھا کہ بھمبر سیکٹر پر وطن کے لیے جان قربان کرنے والے بہادرجوانوں کو سلام پیش کرتے ہیں۔ان کا کہناتھا کہ بھارت نے کشمیریوں پر ظلم وبربریت کی انتہا کردی ہے اور کشمیر سے توجہ ہٹانے کےلئے بھارت اشتعال انگیزی کررہا ہے۔ پاک فوج کے تعلقات عامہ کے ادارے (آئی ایس پی آر ) کی جانب سے جاری کردہ بیان میں بتایا گیا کہ کنٹرول لائن پر شہید ہونے والے جوانوں کی نماز جنازہ جہلم میں ادا کرنے کے موقع پر آرمی چیف جنرل راحیل شریف سمیت ڈی جی ایم آئی اور کور کمانڈرز نے بھی شرکت کی ۔ آئی ایس پی آر کے مطابق آرمی چیف جنرل راحیل شریف نے اس موقع پر اعلیٰ سطحی اجلاس میں شرکت کی جہاں انہیں لائن آف کنٹرول کی تازہ صورتحال پر بریفنگ دی گئی۔ڈی جی آئی ایس پی آر عاصم باجوہ نے کہا ہے کہ بھارتی جارحیت پر خاموش نہیں رہتے بھرپور جواب دیتے ہیں،سرحدوں پر پاک فوج کی جوابی کارروائی میں مارے گئے بھارتی فوجیوں کی ہلاکتوں کی تعداد ہمارے شہید فوجیوں سے 3 گنا زائد ہے، بھارت ہلاکتیں چھپاتا ہے لیکن ہم اپنی شہادتیں نہیں چھپاتے۔ پاک فوج کے شعبہ تعلقات عامہ کے ڈائریکٹر جنرل میجر جنرل عاصم باجوہ نے کہا ہے کہ ہمارے 7 جوان لائن آف کنٹرول پر بھارتی فوجیوں کی فائرنگ سے شہید ہوئے، یہ بہت افسوس ناک واقعہ ہے، ایل او سی اور ورکنگ باﺅنڈری پر بھارتی جارحیت ستمبر میں شروع ہوئی جو تاحال جاری ہے، قبل ازیں بھی ہمارے دو فوجی جوان شہید ہوئے تھے۔ ڈی جی آئی ایس پی آر نے کہا کہ لائن آف کنٹرول کی خلاف ورزی پر ہم نے ہمیشہ جواب دیا اور کبھی خاموش نہیں رہے، سال 2016 میں بھارت نے اب تک ایل او سی پر 199 بار اور ورکنگ باﺅنڈری پر 38 بار فائرنگ کی، جارحیت میں ستمبر کے بعد انتہائی تیزی آئی، ورکنگ باﺅنڈ پر اکتوبر سے قبل صرف ایک بار لیکن اکتوبر سے اب تک 37 بار فائرنگ ہوئی۔