تُرک سفیر کا پی ٹی آئی سے اہم مطالبہ, آج اجلاس طلب

اسلام آباد (مانیٹرنگ ڈیسک)شاہ محمود قریشی کی زیر صدارت تحریک انصاف کے وفد نے ترک سفیر سے ملاقات کی اور پارلیمنٹ کے مشترکہ اجلاس کے بائیکاٹ کی وجوہات کے حوالے سے آگاہ کیا۔ میڈیا رپورٹس کے مطابق شاہ محمود قریشی کی قیادت میں ملنے والے پی ٹی آئی کے وفد نے ترک سفیر سے ملاقات میں ترک صدر کے دورہ پاکستان کے حوالے سے بات چیت کی جبکہ پی ٹی آئی کے وفد کی ترک صدر سے ملاقات کی بھی درخواست کی۔ اس موقع پر شاہ محمود قریشی نے ترک سفیر سے کہا کہ ترکی پاکستان کا قریبی ترین دوست ہے لیکن اصولی موقف کے باعث پارلیمنٹ کے مشترکہ اجلاس میں شرکت نہیں کرسکیں گے۔ترک سفیر نے کہا کہ پی ٹی آئی پارلیمنٹ سے بائیکارٹ کے فیصلے پر نظر ثانی کرے۔