واشنگٹن(مانیٹرنگ ڈیسک)پاکستان میں اچانک دھند کیسے آئی؟اس کی وجوہات کیا ہیں؟اس دھند جسے سموگ کا نام بھی دیا جارہا ہے اس کے انسانی صحت پر کیا اثرات پڑسکتے ہیں؟اس سموگ کی تحقیق کیلئے مختلف ادارے کام کررہے ہیں،وزیر اعلیٰ پنجاب نے بھی 20رکنی کمیٹی قائم کررکھی ہے۔ پاکستان میں تو اس کی تحقیق جاری تھی لیکن امریکی خلائی ادارے ناسا نے ہمسائے ملک بھارت کے ملوث ہونے کا انکشاف کرکے سب پاکستانیوں کو حیران کردیا ہے،ناسا کا کہنا ہے کہ بھارتی پنجاب میں کسانوں کی جانب سے جلائی جانے والی فصلوں کی باقیات اور گھاس سے کثیف دھواں فضا میں جاتا ہے جو سرد موسم میں منجمند ہوکر گاڑھے دھویں یا اسموگ کی صورت میں بھارت اور پاکستان پر چھایا رہتا ہے۔ سیٹلائٹ سے لی گئی تصاویر اور ڈیٹا پر مشتمل ناسا کی رپورٹ میں کہا گیا ہے کہ دھند کی وجہ محض دیوالی کی آتش بازی نہیں بلکہ اس میں زرعی فضلے مثلاً چاول کے پھوگ کو لگائی جانے والی آگ بھی شامل ہے۔ اس کی وجہ سے ایک جانب تو معمولاتِ زندگی مثلاً ٹرانسپورٹ اور پروازیں تاخیر کی شکار ہورہی ہیں تو دوسری جانب لوگ سانس اور آنکھوں کے امراض سمیت کئی بیماریوں کے شکار ہورہے ہیں اور یہ انسانی دماغ کو بھی متاثر کرتی ہے۔ محکمہ موسمیات پاکستان کے سربراہ ڈاکٹر غلام رسول کے مطابق بھارتی پنجاب میں قائم کوئلے کے بجلی گھر بھی اس دھند کی وجہ ہے اور قدرتی طور پر چلنے والی ہواو¿ں کے تحت یہ دھند سردیوں میں بڑھتے بڑھتے سندھ پنجاب سرحد کے قریب پہنچنے لگی ہے۔ واضح رہے کہ گزشتہ تین چاروز سے لاہور سمیت پنجاب کے مختلف علاقوں میں دھند چھائی ہوئی ہے جس میں عجیب سے کثافت شامل ہے جس سے آنکھوں کو جلن اور سانس لینے میں تکلیف ہوتی ہے،اس دھند کے باعث مختلف علاقوں میں حادثات بھی ہوئے ہیں۔

اسلام آباد (این این آئی) وفاقی وزیر پٹرولیم و قدرتی وسائل شاہد خاقان عباسی نے کہا ہے کہ موسم سرما میں لوڈ مینجمنٹ کا دورانیہ پچھلے سال سے کم رہے گا، گھریلو صافین کیلئے گیس کی قیمتوں میں اضافہ کی کوئی تجویز زیر غور نہیں، او جی ڈی سی ایل نے تین نئے مقامات سے تیل اور گیس دریافت کرلی ہے، گھوٹکی میں خمیسو، خیرپور میں کندن واری اور متھری فیلڈ سے مجموعی طور پر 30 ایم ایم سی ایف ڈی گیس سسٹم میں جلد آنا شروع ہو جائے گی، موجودہ حکومت کے دور میں کوئی گیس کنکشن ترجیحی بنیاد پر نہیں دیا جا رہا،مقامی سطح پر لوگ کمپریسر کی روک تھام کی کوشش کریں تو گیس کمپریسرز کے استعمال کی حوصلہ شکنی ہو سکتی ہے۔ وہ جمعرات کو یہاں پریس کانفرنس سے خطاب کررہے تھے۔ اس موقع پر سیکرٹری پٹرولیم ارشد مرزا اور وزارت پٹرولیم اور آئل اینڈ گیس ڈویلپمنٹ کمپنی لمیٹڈ کے افسران بھی موجود تھے۔ شاہد خاقان عباسی نے کہا کہ پچھلے ہفتہ کے دوران او جی ڈی سی ایل نے تین نئے مقامات سے تیل اور گیس دریافت کیا ہے، ان میں ضلع گھوٹکی میں خمیسو، خیرپور میں کندن واری اور متھری فیلڈ سے مجموعی طور پر 30 ایم ایم سی ایف ڈی گیس سسٹم میں جلد آنا شروع ہو جائے گی، جب سے موجودہ حکومت برسر اقتدار آئی ہے تیل و گیس کی 90 دریافتیں ہوئی ہیں جو ایک ریکارڈ ہے جبکہ دریافتوں کی کامیابی کی شرح بھی 35 فیصد سے بڑھ کر 55 فیصد ہو گئی ہے، پچھلی حکومت کے دور میں 35 دریافتیں ہوئی تھیں۔ انہوں نے کہا کہ دنیا میں تیل کی قیمتیں کم ہونے کی وجہ سے سرمایہ کاری میں کمی ہوئی ہے لیکن پاکستان میں سرمایہ کاری بڑھ رہی ہے، موجودہ حکومت کے دور میں مجموعی طور پر 319 کنوﺅں کی کھدائی کی گئی ہے اور 944 ایم ایم سی ایف ڈی گیس سسٹم میں شامل کی گئی ہے جس میں سے 466 ایم ایم سی ایف ڈی گیس نئی فیلڈز اور 478 موجودہ فیلڈز سے شامل ہوئی ہے۔ اسی طرح سسٹم میں 32 ہزار بیرل یومیہ تیل کا بھی اضافہ ہوا ہے، اس میں 11 ہزار نئی فیلڈز اور 21 ہزار بیرل موجودہ فیلڈز سے سسٹم میں شامل کیا گیا ہے، یہ او جی ڈی سی ایل اور پی پی ایل کی بہت بڑی کامیابی ہے، اگر سسٹم میں اضافی تیل شامل نہ کیا جاتا تو ہماری درآمد مزید بڑھ جاتی۔ انہوں نے کہا کہ ہمارے دور میں 2 ڈی بلاکس میں 21 ہزار کلومیٹر اور 3 ڈی بلاکس میں 18 ہزار کلومیٹر کی حدود میں سروے کیا گیا ہے، سابق حکومت سے یہ 30 فیصد زیادہ ہے، ہم یہ صرف دعویٰ نہیں کر رہے بلکہ حقائق پر مبنی اعداد و شمار دے رہے ہیں۔ انہوں نے کہا کہ کنر پیساکھی فیلڈ میں 10 سال سے پراسیسنگ پلانٹ نہیں لگ رہا تھا، اب یہ کام مکمل ہو گیا ہے اور رواں موسم سرما سے پہلے 180 ایم ایم سی اضافی گیس اس سے سسٹم میں آ جائےگی ¾ 400 ٹن یومیہ ایل پی جی اور 4 ہزار بیرل تیل یومیہ سسٹم میں شامل ہو گا۔ انہوں نے کہا کہ موجودہ حکومت کی کامیاب پالیسی کا نتیجہ ہے کہ تیل و گیس کی پیداوار میں اضافہ ہو رہا ہے، ابھی مزید کامیابیاں بھی ملیں گی۔ ایک سوال کے جواب میں انہوں نے کہا کہ رواں موسم سرما کے دوران گیس کی لوڈ مینجمنٹ پچھلے سال سے کم ہو گی، 18 ویں ترمیم کے بعد گیس پیدا کرنے والے صوبے ہی اپنے صوبوں سے پیدا ہونے والی گیس استعمال کرنے کے مجاز ہیں لیکن مشترکہ مفادات کونسل میں اس معاملہ کو زیر غور لایا جانا چاہئے تاکہ گھریلو صارفین کو پریشانی کا سامنا نہ کرنا پڑے، پنجاب میں گھریلو صارفین کیلئے گیس کی طلب 24 فیصد زیادہ ہے۔ انہوں نے کہا کہ موجودہ حکومت کے دور میں کوئی گیس کنکشن ترجیحی بنیاد پر نہیں دیا جا رہا اور اوگرا جتنی بھی اجازت دیتا ہے اسی کے مطابق کنکشن فراہم کئے جاتے ہیں، اب تک ایس این جی پی ایل 2013ءکے آخر تک دی جانے والی درخواستوں پر کنکشن جاری کر رہی ہے لیکن رواں مالی سال کے دوران یہ بڑھ کر 2015ءتک جمع کرائی جانے والی درخواستوں تک کنکشن پہنچ جائیں گے۔ اس کے علاوہ حکومت نے ارجنٹ گیس سکیم بھی شروع کی ہے اس سے بھی صارفین مستفید ہو سکتے ہیں تاہم اس میں بھی میرٹ کا خیال رکھا جاتا ہے۔ انہوں نے کہا کہ موجودہ حکومت کے دور میں ایس این جی پی ایل نے 10 لاکھ گیس کنکشن دیئے ہیں۔ انہوں نے کہا کہ ایل پی جی کی قیمتوں کو ہم نے کنٹرول کیا ہے، مشترکہ مفادات کونسل نے ایل پی جی کی قیمتوں کو ریگولیٹ کرنے کی اجازت دےدی ہے اس سلسلہ میں طریقہ کار طے کیا جا رہا ہے، معاملات کو جلد حتمی شکل دےدی جائے گی تاہم ایل پی جی کی دستیابی کی صورتحال بہت بہتر ہے۔

لاہور (خصوصی رپورٹ) لاہور بورڈ آف انٹرمیڈیٹ اینڈ سکینڈری ایجوکیشن نے میٹرک کے سالانہ امتحان 2017ءکے شیڈول کا اعلان کردیا۔ امیدوار 14 دسمبر تک آن لائن رجسٹریشن کراسکیں گے۔ امتحان کا آغاز یکم مارچ سے ہوگا۔ ترجمان لاہور بورڈ کا کہنا ہے کہ جسٹریشن کا آغاز 11 نومبر سے ہو گا۔ امیدوار مقررہ تاریخ تک رجسٹریشن کرا دیں بصورت دیگر انہیں امتحان میں بیٹھنے کی اجازت نہیں دی جائے گی۔