اسلام آباد (نامہ نگار خصوصی) وزیراعظم نوازشریف نے سیالکوٹ ورکنگ باو¿نڈری بھارت کی بلا اشتعال فائرنگ کی شدید الفاظ میں مذمت کرتے ہوئے کہا ہے کہ سیز فائر کی خلاف ورزیاں قبول نہیں ، سخت جواب پر مجبور نہ کیا جائے، بھارت حالیہ واقعات کا جواب دے، ہماری امن پسندی کا غلط مطلب نہ لےا جائے ،بلااشتعال فائرنگ کا منہ توڑ جواب دینگے،کنٹرول لائن اور ورکنگ باو¿نڈری پر سیز فائر کی حالیہ خلاف ورزیوں کی تحقیقات کر کے ذمہ داران کو کیفر کردارتک پہنچایا جائے ،ہم نے ہر ممکن تحمل کا مظاہرہ کیا،امن کی خواہش کو ہماری کمزوری نہ سمجھا جائے ،مقبوضہ کشمیر میں بھارتی مظالم انسانی اقدار کے منافی ،عالمی برادری نوٹس لے،بھارت نوشتہ دیوار پڑھ لے اور دیرینہ مسئلہ کشمیر کے خوش اسلوبی سے تصفیے کیلئے اقوام متحدہ کی سلامتی کونسل کی زیرالتوا قراردادوں پر عملدرآمد کرے،پاکستان ہر سطح پر کشمیریوں کی حمایت جاری رکھے گا۔ان خیالات کا اظہار انھوں نے اپنے دو الگ الگ بیانات میں کیا ہے جن میں بھارت کی بلا اشتعال فائرنگ کی مذمت کی گئی اور 27اکتوبر کی مناسبت سے کشمیریوں کے یوم سیاہ کے موقع پر یکجہتی کا اظہار کیا گیا۔نواز شریف نے بھارت کی بلا اشتعال فائرنگ کی شدید الفاظ میں مذمت کرتے ہوئے بھارت کو دوٹوک پیغام دیا ہے کہ بھارت جنگ بندی معاہدے کی خلاف ورزی کررہا ہے، ہرممکن حد تک تحمل کا مظاہرہ کیا، امن کی خواہش کو کمزوری تصور نہ کیا جائے ، خلاف ورزیاں جاری رہیں تو منہ توڑ جواب دیا جائے گا ۔وزیراعظم نواز شریف نے واضح کیا کہ ہم امن پسند ہیں ، تنازعات کا حل مذاکرات سے چاہتے ہیں ۔ بھارت کی جانب سے امن کوششوں کا موثر جواب نہ دینا افسوسناک ہے ۔وزیراعظم کا کہنا ہے کہ بھارت سیز فائر کی حالیہ خلاف ورزیوں کے ہ واقعات کی تحقیقات کرے ، حقائق پاکستان کو فراہم کرے اور بھارتی فوج کو ہدایت دے کہ وہ جنگ بندی معاہدے کا احترام کرے ۔بھارت کی جانب سے جنگ بندی کی خلاف ورزیاں جاری رہیں تو منہ توڑ جواب دیاجائے گا۔بھارت سرحدی دیہات کو دانستہ ہدف بنانے سے گریز کرے ۔واضح رہے کہ بھارت کی جانب سے ورکنگ بانڈری پر بلا اشتعال فائرنگ کا سلسلہ 21 اکتوبر سے جاری ہے جس میں اب تک 6 پاکستانی شہری شہید اور 20 سے زائد زخمی ہو چکے ہیں۔ وزیراعظم نوازشریف نے کہا ہے کہ 27 اکتوبر 1947ءکو انسانی تاریخ کا سیاہ باب رقم کیا گیا۔ بھارت نے مقبوضہ کشمیر پر قبضہ کیا جو تاریخ کا سیاہ ترین دن تھا۔ 8 جولائی کو برہان وانی کی شہادت کے بعد مقبوضہ کشمیر میں بھارتی مظالم بڑھ گئے بھارت نے اقوام متحدہ کی قراردادوں کے باوجود دہشت گردی جاری رکھی بھارت کیخلاف یوم سیاہ کے موقع پر اپنے پیغام میں ان کا کہنا تھا کہ مسئلہ کشمیر حل کئے بغیر خطے میں امن ممکن نہیں بھارت نے مقبوضہ کشمیر میں تمام انسانی اقدار کو روند ڈالا۔ عالمی برادری سے وعدوں کے باوجود بھارت اپنے وعدوں سے منحرف ہے۔ یوم سیاہ منانے کا مقصد بھارتی تسلط کو بین الاقوامی سطح پر اجاگر کرنا ہے مقبوضہ کشمیر میں بھارتی بربریت انتہا کو پہنچ چکی ہے۔ وزیراعظم نوازشریف سے قطر کے وزیر دفاع نے ملاقات کی۔ نجی ٹی وی کے مطابق قطر کے وزیردفاع نے وزیراعظم نوازشریف سے طویل ملاقات کی جس میں دونوں ممالک کے مابین دوطرفہ تعلقات پر تبادلہ خیال کیا گیا۔ ملاقات کے دوران وزیردفاع سے بات کرتے ہوئے وزیراعظم نے کہا کہ پاکستان اور قطر کے درمیان گہرے برادرانہ تعلقات قائم ہیں۔ پاکستان‘ ترکی اور قطر دفاعی پیداوار کے شعبے میں مل کر کام کررہے ہیں۔ ان کا مزید کہنا تھا کہ دونوں ملکوں کے تعلقات مستحکم بنیادوں پر استوار ہیں جو معاشی استحکام کیلئے اہم ہیں۔ کوئٹہ حملے میں بہت سی قیمتی جانیں ضائع ہوئیں۔ قطر کے وزیر دفاع نے امیر قطر کی جانب سے سانحہ کوئٹہ پر تعزیت کا اظہار کیا۔

پبی(آن لائن)جمعیت علماءاسلام ف کے مرکزی سربراہ مولانا فضل الرحمن نے کہا ہے کہ ایک طرف لائن آف کنٹرول پر بھارتی جارحیت جاری ہے۔ اور دوسری طرف عمران خان اسلام آباد کو بند کرکے ملک میں انتشار پھیلانا چاہتے ہیں جس کی ہم ہرگز اجازت نہیں دے سکتے۔ عمران خان اور اس کے کارکن گرم زمین پر پاﺅںنہیں رکھیںگے اس مرتبہ اسلام آباد کی زمین گرم ہے۔ اوران کے کارکن گیدڑوں کی طرح راہ فرار اختیار کریں گیدڑ شیروں کامقابلہ نہیں کرسکتے۔ وزیر اعظم نوازشریف کاانتخابی نشان شیر ہے ۔ تو پھر وہ کیوں ان سے گھبرارہے ہیں۔ عمران خان نے ڈی چوک میں جو جنسی الودگی پھیلائی تھی اس کا تعفن اور اس کی بد بو اب بھی اسلام آبا دسے ارہی ہے ۔کسی کو جمہوریت ڈی ریل کرنے نہیں دیں گے۔ جے یوائی ف کے کارکن ہر غیر جمہوری غیر ائینی کام کا راستہ روکیں اوران عناصر کے خلاف بھر پور جہاد کااعلان کرتے ہیں۔ ان کو کسی طور پر ملک کے خلاف سازش کرنے نہیں دیں گے۔ عمران خان امریکہ اور اس کے اتحادیوں کے ایما پر سی پیک اور پاکستان کی معاشی ترقی کے درپے ہیں ہم عمران خان کایہ خواب کبھی پورا ہونے نہیں دیں گے۔ جس طرح عمران خان دھرنوں میں پہلے ناکام ہوچکاتھا دو نومبر کااحتجاج بھی اسی طرح ناکام ہوگا تبدےلی ناچ گانوں سے نہیں آتی اور نہ کنٹےنرز پر کھڑے ہوکر ملک کے اہم شاہراہوں کو بند کرنے سے آتی ہے بلکہ تبدےلی کےلئے پارلےمنٹ کے اندر جمہوری انداز میں جدوجہد سے آتی ہے ۔ شیخ رشید نے بھی کہہ دیا ہے کہ عمران خان پاگل ہیں۔ خیبرپختونخوا میں تبدیلی خان اصل چہرہ سامنے اچکا ہے اب وہ اسلام آباد کی طرف مارچ کررہے ہیں۔ خیبرپختونخوا کی صوبائی حکومت صوبے میں چوہے مار نہ سکی و ہ اسلام میں شیروں کا کیا مقابل کرے گی۔ ان خےالات کااظہار انہوں اضاخےل میں منعقدہ جے یوائی ف ےوتھ کانفرنس سے خطاب کرتے ہوئے کےا۔ تقریب کی صدارت جے یوائی کے صوبائی صدر قاری عدنان نے کی کانفرنس سے وفاقی وزیر اکرم خان درانی، جے یوائی صوبائی امیر مولانہ گل نصیب خان صوبائی جنرل سیکرٹری شجاع الملک سینٹر طلحہ محمود، سینٹر حافظ حمد اللہ ، مفتی کفایت اللہ، مولانا فضل علی حقانی، مولانا عین الدین سمیت کئی مقررین نے خطاب کیا۔ یوتھ کانفرنس میں ہزروں طلباءاور نوجوانوں نے شرکت کی۔ جلسہ عام سے خطاب کرتے ہوئے مولانا فضل الرحمن نے اپنے خطاب میں کہا کہ سات اٹھ اورنو اپریل کو جے یوائی کی صد سالہ تقریبات شروع ہورہی ہیں جو اس ملک کی سیاسی تاریخ میں اہم سنگ میل ثابت ہوگا۔ انھوں نے کہا کہ اج کی یوتھ کانفرنس میں دینا بھر پر ثابت کردیا کہ خیبرپختونخوا کے نوجوان کایہ جلسہ عام حد نگاہ تک نوجوان ہی نوجوان ہیں۔ اس عظیم اجتماع کے بعد ثابت ہوگیا ہے کہ جے یو ائی کے نوجوان مغربی تہذیب کی یلغار کو مستر د کرچکے ہیں۔انھوں نے نوجوانوںپر زور دیا کہ وہ صد سالہ تقریبات کی کامیابی اور ملک سے مغربی تہذیب کی یلغارکو روکنے کے لیے نوجوان نسل تک یہ پیغام پہنچائیں۔ انھوں نے کہا کہ آج کشمیری یوم سیاہ منارہے ہیں ہم کشمیر مسلمانوں کی پر زور مزمت کرتے ہیں اور ہم مقبوضہ کشمیر کے نہتے مسلمانوں کابھر پور ساتھ دیں گے۔

اسلام آباد‘راولپنڈی‘ لاہور‘ کراچی (نمائندگان خبریں) پولیس نے تحریک انصاف کے یوتھ کنونشن پر دھاوا بول دیا اور لاٹھی چارج کرتے ہوئے کئی کارکنان کو حراست میں لے لیا۔ اسلام آباد حکومت نے شیخ رشید کا جلسہ اور 2نومبر ناکا م بنانے کے لئے تمام تیاریاں مکمل کر لیں ہیں ، ذرائع کے مطابق لال حویلی اور بنی گالہ کو سیل کرکے عمران خان کو نظر بندکرنے کی اطلاعات موصول ہوئی ہیں ،حکومت کا کریک ڈاﺅن تیار ہے ،جگہ جگہ مظاہرے جاری ہیں ،اطلاعات کے مطابق عمران گرفتاری کی صورت میں یا نظر بندی کی حالت میں عوام سے ویڈیو لنک پر خطاب کر ینگے ۔اسلام آباد میں تحریک انصاف کا یوتھ کنونشن جاری تھا کہ اس دوران پولیس اور ایف سی نے کنونشن پر دھاوا بول دیا اور لاٹھی چارج کرتے ہوئے کئی کارکنان کو گرفتار کرلیا، پولیس اور ایف سی کے دھاوے پر تحریک انصاف کے کارکنان اور سکیورٹی اہلکاروں کے درمیان جھڑپیں بھی ہوئیں اور اس دوران پولیس اور ایف سی نے تحریک انصاف کی خواتین کارکنان سے بھی بدتمیزی کی، کارکنان نے گرفتاریوں پر شدید مزاحمت کی جس پر سکیورٹی اہلکار کارکنان کو ڈنڈوں سے مارتے ہوئے اٹھاکر لے گئے اور گاڑیوں میں ڈال دیا۔کنونشن پر پولیس کے دھاوے کے خلاف تحریک انصاف کے وائس چیرمین شاہ محمود قریشی نے شدید مزاحمت کی اور گرفتاریوں کی شدید مذمت بھی کی۔ شاہ محمود قریشی کا کہنا تھا کہ پولیس نے ہمارے یوتھ کنونشن پر لاٹھی چارج کیا، ہمارے کارکنان کے ہاتھ میں کوئی ڈنڈا تک نہیں تھا، مسلم لیگ (ن) کی جمہوریت سب دیکھ لیں، یہ نوازشریف کی بادشاہت ہے۔ انہوں نے کہا کہ کس قانون کے تحت خواتین سے بدتمیزی کی گئی، کسی نے ہمارے ہاتھ میں کوئی ڈنڈا یا پتھر دیکھا، آئی جی اور کمشنر اسلام آباد بتائیں یہ کس کے حکم پر کیا جارہا ہے۔اس موقع پر میڈیا سے بات کرتے ہوئے اسد عمر کا کہنا تھا کہ حکومت جتنا تشدد کرے گی اتنی بڑی تعداد میں عوام اسلام آباد پہنچے گی۔ تحریک انصاف کے رہنما فیصل واڈا نے کہا کہ ہمیں یوتھ کنونشن کی اجازت مل گئی تھی، اب حکومت اسلام ا?باد میں دفعہ 144 لگائے یا 244، ہم اپنا احتجاج ضرور کریں گے۔ انہوں نے کہا کہ پولیس نے ہمارے پر امن کارکنان پر ڈنڈے برسائے، احتجاج ہمارا حق ہے اور اس سے ہمیں کوئی نہیں روک سکتا، پولیس عورتوں کو چانٹے ماررہی ہے یہ کس قانون کےتحت ہورہا ہے۔دوسری جانب اسلام ا?باد انتظامیہ کا کہنا ہےکہ تحریک انصاف نے یوتھ کنونشن کی اجازت نہیں لی تھی اور کنونشن کی منسوخ پر دوپہر کو ہوٹل بند کردیا تھا۔پولیس اور انصاف سٹوڈنٹس فیڈریشن میں تصادم‘ سکیورٹی فورسز کا فلیگ مارچ‘ ہوٹلوں‘ گیسٹ ہاﺅسز اور کیٹرنگ والوںکو سیاسی لوگوں کو رہائش اور کھانا نہ دینے کے نوٹس پہنچادیئے گئے۔ تحریک انصاف کے وکلاءنے شہر بند کرنے سے متعلق اسلام آباد ہائی کورٹ کا فیصلہ چیلنج کرنے کا اعلان کیا ہے جبکہ عمران خان نے کہا ہے کہ دھرنا ہر قیمت پر ہو گا،دنیا کی کوئی طاقت ہمیں دھرنے سے نہیں روک سکتی، ہمارے کارکنوں کی پکردھکڑ بند نہ ہوئی تو انتشار پھیلے گا، ہمارے لوگ رکنے والے نہیں ہیں اور انہیں کوئی روک نہیں سکے گا، نوازشریف ضمیروں کے سوداگر ہیں، ان کی بادشاہت کی مذمت کرتا ہوں، وہ فوجی آمرکی پیداوار اور انہوں نے ہمیشہ امیرالمومنین بننے کی کوشش کی ،دو قومی نظریے کو تباہ کردیا ہے، نوازشریف کے پاس احتساب یا استعفی دینے کے علاوہ کوئی دوسرا آپشن موجود نہیں،اتنے لوگ لاو¿ں گا یہ بلوں میں گھس جائیں گے۔ بنی گالہ میں میڈیا سے بات کرتے ہوئے عمران خان کا کہنا تھا کہ وزیراعظم اربوں روپے کی کرپشن میں پکڑے گئے ہیں، نوازشریف نے کرپشن کے لئے ادارے اور دو قومی نظریے کو تباہ کردیا ہے، نوازشریف کے پاس احتساب یا استعفی دینے کے علاوہ کوئی دوسرا آپشن موجود نہیں ہے۔ ان کا کہنا تھا کہ حکومت ہمارے پرامن جمہوری حق کو نقصان پہنچانے کی کوشش کررہی ہے،عمران خان نے کہا کہ دھرنے کو روکنے کے لیے حکومت نے غیر آئینی اور غیر قانونی حربے استعمال کرنے شروع کردیے ہیں اور اگر یہ سلسلہ نہ رکا تو معاملہ انتشار کی جانب جاسکتا ہے۔ اگر ہمارے کارکنوں کی پکڑ دھکڑ بند نہ ہوئی تو انتشار پھیلے گا، ہمارے لوگ رکنے والے نہیں ہیں اورانہیں کوئی روک نہیں سکے گا۔ نوازشریف ضمیروں کے سوداگر ہیں، ان کی بادشاہت کی مذمت کرتا ہوں، وہ فوجی آمرکی پیداواراورانہوں نے ہمیشہ امیرالمومنین بننے کی کوشش کرتے ہیں۔ عمران خان کا کہنا تھا کہ قوم ڈوب رہی ہے، ڈھائی کروڑ بچے اسکول سے باہر ہیں، ملک کی ایک بڑی آبادی غذائی قلت کا شکار ہے، لوگ بھوکے مررہے ہیں اور اسٹیٹس کوکے لوگ کہہ رہے ہیں کہ اسلام آباد بند ہوجائے گا تو ان کے بچے اسکول کیسے جائیں گے، کیا وہ ڈھائی کروڑ بچے پاکستانی نہیں جو اسکول نہیں جا رہے۔ ان کا کہنا تھا کہ ان لوگوں کا ضمیراوراخلاقیات مرچکی ہے اورمیں اسٹیٹس کوکے لوگوں کو تکلیف دوں گا۔ کل جو شہبازشریف نے ڈرامے سے بھرپورتقریرکی انہیں توایوارڈ ملنا چاہیئے، شہبازشریف نے 6 ارب روپے کے قرضے لے رکھے تھے انہیں تو 2013 میں الیکشن لڑنے کی اجازت ہی نہیں ملنی چاہیئے تھی، شہبازشریف کوان کی کل کی تقریر پر بھارتی فلموں میں کام کرنا چاہئے۔ عمران خان نے کہا ہے کہ کوئی بھی طاقت 2 نومبر کا دھرنا نہیں روک سکتی اگر کسی نے کارکنوں کو روکنے کی کوشش کی تو اس کا اپنا ہی نقصان ہوگا کیونکہ لوگ فیصلہ کرچکے ہیںکہ وزیراعظم کو گھر جانا ہوگا یا احتساب کے لئے خود کو پیش کرنا ہوگا۔ انہوں نے کہا کہ انصاف کے اداروں کو بتانا چاہتا ہوں پرامن احتجاج ہمارا آئینی حق ہے۔ حکومت ہمارے آئینی حق کو نقصان پہنچا رہی ہے۔ اسلام آباد پولیس کی بھاری نفری نے لال حویلی کا گھیراﺅ کرلیا سامان بھی اٹھا کرلے گئی دوسری جانب پولیس نے پی ٹی آئی رہنما جہانگیر ترین کے گھر کا محاصرہ کرنے کے بعد اچانک واپس چلی گئی۔ پنجاب اسمبلی میں قائد حزب اختلاف میاں محمود الرشید نے اراکین صوبائی اسمبلی کے گھروں پر پولیس کے چھاپوں کی شدید مذمت کرتے ہوئے کہا کہ پنجاب پولیس چادر اور چار دیواری کا تقدس پامال کرنے سے باز رہے۔ پولیس نے تحریک انصاف کے رکن صوبائی اسمبلی اعجاز خان کے بھائی کو گرفتار کرلیا ہے۔ دو نومبر کے احتجاج کے پیش نظر حکومت نے تحریک انصاف کے رہنماﺅں کے خلاف گھیرا تنگ کردیا۔ اسلام آباد میں جہانگیر ترین کے گھر کے بعد لاہور میں پی ٹی آئی رہنما عبدالعلیم خان کے لاہور کے علاقے گلبرگ میں واقعہ دفتر اور گھر کو بھی پولیس نے گھیرے میں لے لیا۔ ملازم سے پوچھ گچھ کی گئی پوچھ گچھ کے دوران علیم خان گھر پر موجودنہیں تھے۔ ذرائع کے مطابق لاہور میں تحریک انصاف کے رہنما عبدالعلیم خان کے دفتر کے باہر پولیس کی بھاری نفری موجود ہے۔ انہیںحراست میں لئے جانے کا بھی امکان ہے۔ پی ٹی آئی اور عوامی مسلم لیگ کے کارکنوں کی طرف سے اسلام آباد میں لاٹھی چار ج وگرفتاریوں کے خلاف احتجاج کے دوران راولپنڈی کے مختلف علاقے میدان جنگ بن گئے ۔جہاں رات گئے تک صورتحال سخت کشیدہ رہی ، فریقین ایک دوسرے کواشتعال دلواتے رہے ، کارکنوں کی پکڑ دکھڑ جاررہی ، لال حویلی کے مقام پر جلسے اوراسکے سٹیج کے لیے آنے والے سامان کو پولیس نے ضبط کر لیا،جسکے بعد احتجاج کا سلسلہ شدت اختیار کیاجاتارہااور پی ٹی آئی کے کارکنوں نے مختلف سڑکوں پر ٹائر جلاکر ٹریفک کو جام کردیا، رات گئے تک پولیس کی جانب سے 150افراد کو حراست میں لے لیاگیا۔ذرائع کے مطابق اسلام آباد میں پی ٹی آئی کے کنونشن کو پولیس کی جانب سے سبوتاژ کیے جانے اور کارکنوںبالخصوص خواتین کو تشدد کا نشانہ بنائے جانے پر کارکنوں میں شدیداشتعال پایاجاتارہااور آج جمعے کے لیے احتجاج کرنے کی منصوبہ بند ی کے لیے مختلف مقامات پر اجلاس طلب کیے گئے ، اسی دوران ضلعی انتظامیہ نے راولپنڈی میں دفعہ 144نافذ کرنے کے بعد اسکی تشہیر شروع کردی ، دوسری جانب پولیس اور قانون نافذ کرنے والے دیگر اداروں کے اہلکاروں نے پی ٹی آئی کے ہونے والے اجلاسوں کے مقامات کو ڈھونڈناشروع کردیا، پی ٹی آئی کے راہنماﺅں کے گھروں اوردفاتر کے باہر پولیس اہلکار پہنچاشروع ہوگئے ، جبکہ نامعلوم اورپرائیویٹ نمبر وں سے کال کرنے اور کارکن بن کر لوکیشن پوچھنے کا عمل شروع ہواتو راہنمااور متحرک کارکنوں نے دیگر کو آگاہی دے کر خفیہ مقامات پر پہنچناشروع کر دیا، اسی دوران پولیس نے پی ٹی آئی کے کارکنوں اور راہنماﺅں کی گرفتاری کے لیے چھاپے مارنے شروع کردئیے دوسری جانب پولیس کی بھاری نفری لال حویلی پہنچ گئی جہاں کارکنوں پہلے سے موجود تھے انھوں نے پولیس کو دیکھ کر گو نواز گو کے نعرے لگانے شروع کردئیے ، پولیس نے سٹیج کے لیے آنے والے 2 ٹرک سامان کو روک لیا۔ ایف سی ا ہلکار بنی گالہ واپس چلے گئے۔ ایف سی کے 60اہلکار عمران خان کے گھر کے باہر لگے بیرئیر تک پہنچے تو دوسری جانب تحریک انصاف کے کارکن جمع تھے۔ دو تین منٹ ایف سی فورس وہاں کھڑی رہی پھر وہاں سے واپس روانہ ہو گئی۔ پولیس اہلکاروں کی بڑی تعداد گھر کے اطراف میں بدستور تعینات ہے۔ لال حویلی کو چاروں طرف سے مکمل طور پر سیل کر دیا گیا۔ اعلیٰ پولیس افسران کی موجودگی میں لال حویلی کو سیل کیا گیا۔ حویلی کے باہر 25 سے 30 کنٹینر لگا دیئے گئے۔ لال حویلی کی جانب آنے والی سڑکوں کو بھی کنٹینر لگا کر بند کر دیا گیا راستوں کو بند کرنے کیلئے 100 کنٹینر لگائے گئے۔ چیئرمین تحریک انصاف کی بنی گالہ رہائش گاہ کو سیل کر دیا گیا، کسی کے اندر جانے اور باہر آنے پر پابندی لگا دی گئی۔ حکومت نے دھرنے کے شرکاءکو روکنے کیلئے پنجاب، سندھ، سرحد کو بند کرنے کا فیصلہ کر لیا۔ نجی ٹی وی کے مطابق پنجاب اور سندھ کی سرحد کو کسی بھی وقت سیل کیا جا سکتا ہے۔ عمران خان کو بنی گالہ رہائش گاہ کے اندر نظر بند کرنے کا امکان ہے، ایف سی کی مزید نفری کو رہائش گاہ کے اطراف میں تعینات کر دیا گیا۔ پہاڑی والی سمت میں بھی ایف سی کی ڈیوٹی لگا دی گئی۔

راولپنڈی(بیورو رپورٹ)آرمی چیف جنرل راحیل شریف سے وزیراعلیٰ پنجاب شہباز شریف، وزیر خزانہ اسحاق ڈار اور وزیر داخلہ چودھری نثار علی خان کی ملاقات ہوئی جس میں ملک کی موجودہ سیاسی صورتحال پر تبادلہ خیال کیا گیا۔ ذرائع کے مطابق آرمی چیف جنرل راحیل شریف سے سیاسی رہنماﺅں کے وفد کی ملاقات اسلام آباد میں ہوئی جس میں اعلیٰ عسکری قیادت بھی شریک تھی۔ ملاقات میں عسکری اور سیاسی رہنماﺅں نے ملک کی موجودہ سیاسی صورتحال پر تبادلہ خیال کیا جبکہ اہم عمارتوں کی سکیورٹی کیلئے فوج کی تعیناتی پر تبادلہ خیال بھی کیا گیا۔ ذرائع کے مطابق ملاقات میں سیاسی قیادت نے تازہ ترین ملکی داخلی اور خارجی صورتحال پر بھی تبادلہ خیال کیا۔ پاک فوج کے شعبہ تعلقات عامہ ( آئی ایس پی آر) کے مطابق سربراہ پاک فوج جنرل راحیل شریف سے شہباز شریف، چوہدری نثار اور اسحاق ڈار پر مشتمل سیاسی رہنماو¿ں کے وفد نے آرمی ہاو¿س میں ملاقات کی جب کہ ملاقات میں ڈی جی آئی ایس آئی لیفٹیننٹ جنرل رضوان اختر بھی موجود تھے۔ آئی ایس پی آر کے مطابق سیاسی وفد کی ملاقات سہ پہر 4 سے ساڑھے 5 بجے تک جاری رہی جس میں حکومتی وفد نے آرمی چیف کو قومی سلامتی کے اجلاس کی خبر لیک ہونے کی تحقیقات سے آگاہ کیا جب کہ وفد نے آرمی چیف کو اپنی سفارشات بھی بتائیں۔