آبنائے ہرمز کی بندش نے عالمی تیل کی مارکیٹ میں ہلچل مچا دی ہے جس سے قیمتوں میں اضافہ اور فیول کی قلت کے خطرات پیدا ہوگئے ہیں۔ عالمی ماہرین نے خبردار کیا ہے کہ تیل کی قیمتیں غیر معمولی طور پر 200 ڈالر فی بیرل تک پہنچ سکتی ہیں۔

آبنائے ہرمز کی بندش کے  سبب عالمی تیل کی سپلائی میں تقریباً 11 ملین بیرل کی کمی واقع ہوئی ہے۔ سعودی عرب اور متحدہ عرب امارات نے متبادل راستوں کے ذریعے 10.9 ملین بیرل یومیہ فراہم کرنے کی کوشش کی جبکہ انٹرنیشنل انرجی ایجنسی نے 2 ملین بیرل یومیہ کے ذخائر جاری کیے۔ دیگر اقدامات کے ذریعے تقریباً 3.7 ملین بیرل یومیہ کا فرق پورا کیا گیا ہے۔

بلوم برگ کے مطابق امریکی حکومتی اہلکار اور عالمی مالیاتی تجزیہ کار اب اس امکان پر غور کر رہے ہیں کہ اگر موجودہ صورتحال برقرار رہی تو قیمتیں 200 ڈالر فی بیرل تک پہنچ سکتی ہیں جو عالمی معیشت کے لیے خطرناک ثابت ہو سکتا ہے۔ ماہرین نے 1970 کی دہائی کے تیل بحران کی مثال دیتے ہوئے خبردار کیا کہ آبنائے ہرمز کی بندش ایک بڑے عالمی بحران کا پیش خیمہ ہو سکتی ہے۔

کئی ماہرین  کا کہنا ہے کہ ایشیا میں فیول کی قلت واضح ہو رہی ہے جس کے اثرات مغربی ممالک تک پھیلنے کا خدشہ ہے۔ یورپ کو آئندہ ہفتوں میں ڈیزل کی کمی کا سامنا ہو سکتا ہےجبکہ پاکستان میں عوام کو ہدایت دی گئی ہے کہ کرکٹ میچ گھر بیٹھ کر دیکھیں تاکہ ایندھن کی بچت کی جا سکے۔

 دوسری جانب ٹوٹل انرجیز کے چیف ایگزیکٹو پاتریک پویان نے کہا ہے کہ اگر یہ بحران تین یا چار ماہ سے زیادہ جاری رہا تو عالمی معیشت پر شدید اثرات مرتب ہوں گے کیونکہ اس سے تقریباً 20 فیصد عالمی خام تیل اور ایل این جی کی پیداوار متاثر ہو سکتی ہے۔

اس وقت عالمی تیل کی قیمتیں تقریباً 112 ڈالر فی بیرل ہیں جو جنگ کے آغاز سے 55فی صد زیادہ ہے تاہم یہ 2008 کے ریکارڈ 147.50 ڈالر فی بیرل سے کم ہیں۔ یورپی قدرتی گیس کی قیمتیں 70 فیصد تک بڑھ گئی ہیں اور ایشیا میں طلب تقریباً 2 ملین بیرل خاص طور پر پیٹرو کیمیکل سیکٹر میں یومیہ کم ہوئی ہے جبکہ پٹرول، ڈیزل اور جیٹ فیول کی قلت بھی  بڑھتی جا رہی ہے۔

امریکی اخبار وال اسٹریٹ جرنل نے ایک رپورٹ میں دعویٰ کیا ہے کہ  صدر ڈونلڈ ٹرمپ ایران سے افزودہ یورینیم نکالنے  کرنے کے لیے ایک ممکنہ فوجی آپشن پر غور کر رہے ہیں۔رپورٹ کے مطابق یہ مشن نہایت پیچیدہ اور خطرناک ہو سکتا ہے اور  اس سلسلے  میں امریکی فوج کو کئی دن تک ایران میں موجود رہنا پڑ سکتا ہے۔

اخبار میں کہا گیاہے کہ  صدر ٹرمپ نے اپنے قریبی مشیروں کو ہدایت دی ہے کہ ایران پر دباؤ بڑھایا جائے تاکہ وہ مذاکرات کے دوران یورینیم امریکا کے  حوالے کرنے پر آمادہ ہو۔ امریکی حکام کے مطابق اگر ایران تعاون نہیں کرتا تو طاقت کے استعمال کا امکان بھی زیر غور ہے۔

رپورٹ کے مطابق  امریکا ماضی میں بھی ایسے حساس مشنز انجام دے چکا ہے جن میں 1994 میں قزاقستان اور 1998 میں جارجیا سے یورینیم منتقل کرنے کے آپریشنز شامل ہیں۔  

تجزیہ کاروں کا کہنا ہے کہ اگر  اس طرح کا کوئی  آپریشن  کیا گیا تو اس کے خطے کی سکیورٹی اور عالمی سیاست پر گہرے اثرات مرتب ہو سکتے ہیں۔

 دوسری جانب وائٹ ہاؤس نے واضح کیا ہے کہ پینٹاگون صدر کو مختلف آپشنز فراہم کرتا ہے لیکن  مختلف آپشنز کی موجودگی کا مطلب یہ نہیں کہ کوئی حتمی فیصلہ کر لیا گیا ہے۔ اس معاملے پر پینٹاگون اور سینٹرل کمانڈ کے ترجمانوں نے فی الحال کوئی تبصرہ نہیں کیا۔

لاپتہ ٹرک میں چاکلیٹ کے 4 لاکھ 13 ہزار سے زائد یونٹس موجود تھے

یورپ میں چاکلیٹ کی ایک بڑی واردات سامنے آئی ہے جہاں ملٹی نیشنل کمپنی کے 12 ٹن سے زائد چاکلیٹس سے بھرا ٹرک راستے میں ہی غائب ہوگیا، جس کے باعث مارکیٹ میں قلت کا خدشہ پیدا ہو گیا ہے۔

رپورٹ کے مطابق مقبول چاکلیٹ کی بڑی کھیپ یورپ میں دورانِ ترسیل چوری ہو گئی ہے، جس سے ایسٹر کے موقع پر مارکیٹ میں قلت پیدا ہونے کا خدشہ ہے۔

کمپنی کے مطابق ایک ٹرک، جس میں چاکلیٹ کے 4 لاکھ 13 ہزار سے زائد یونٹس موجود تھے، یورپ میں کہیں راستے میں غائب ہو گیا۔ یہ کھیپ تقریباً 12 ٹن وزنی تھی اور گزشتہ ہفتے پروڈکشن یونٹ اور ڈسٹری بیوشن مراکز کے درمیان سفر کے دوران لاپتہ ہوئی۔

کمپنی نے خبردار کیا ہے کہ اس چوری کے باعث اسٹورز میں کٹ کیٹ کی دستیابی متاثر ہو سکتی ہے، اور صارفین کو ایسٹر سے قبل اپنی پسندیدہ چاکلیٹ حاصل کرنے میں مشکلات پیش آ سکتی ہیں۔

بتایا گیا ہے کہ یہ ٹرک اٹلی کے وسطی علاقے سے روانہ ہو کر پولینڈ جا رہا تھا، جہاں سے راستے میں مختلف یورپی ممالک میں چاکلیٹ تقسیم کی جانی تھی۔ تاہم کمپنی نے یہ واضح نہیں کیا کہ کھیپ کس مقام پر غائب ہوئی، البتہ ٹرک اور اس میں موجود سامان تاحال لاپتہ ہے۔

ایران نے پاسدارانِ انقلاب کی بحریہ کے کمانڈر علی رضا تنگسیری کی شہادت کی تصدیق کر دی۔

غیر ملکی خبر ایجنسی کے مطابق ایرانی پاسدارانِ انقلاب نے علی رضا تنگسیری کی شہادت کی تصدیق کرتے ہوئے کہا ہے کہ وہ شدید زخمی تھے۔

خبر ایجنسی کے مطابق اسرائیلی وزیرِ دفاع نے دعویٰ کیا تھا کہ 26 مارچ کو اعلیٰ افسران کو نشانہ بنایا گیا تھا۔