افغانستان میں دہشتگردوں کیخلاف آپریشن 26 اور 27 فروری کی درمیانی شب شروع کیا گیا، ذرائع کے مطابق آپریشن سے قبل کے پی میں دہشتگردی کے 240 واقعات رپورٹ ہوئے، آپریشن کے بعد صوبے میں ابتک دہشتگردی کے 80 واقعات رپورٹ ہو چکے۔
آپریشن کے بعد بارہویں ہفتے میں واقعات کم ہو کر 12 رہ گئے، رواں سال مجموعی طور پر دہشت گردی کے 323 واقعات رپورٹ ہوئے۔
ایران کی جانب سے مبینہ طور پر داغے گئے ڈرونز کویت کے ہوائی اڈے پر جاگرے جس سے ہر طرف آگ بھڑک اٹھی۔
غیرملکی میڈیا کے مطابق ڈرونز گرنے سے ریڈار سسٹم کو بری طرح نقصان پہنچا ہے جبکہ کویت نے دعویٰ کیا ہے کہ حملے میں کوئی جانی نقصان نہیں ہوا۔
کویتی حکام کا کہنا ہے کہ فیول ٹینک میں آگ لگنے کے باعث نقصان ہوا ہے۔
انٹرنیشنل ایئرپورٹ پر لگی آگ بجھانے کے لیے فائر بریگئیڈ کا عملہ مصروف نظر آیا تاہم آگ کے شعلے اس قدر بلند تھے کہ انہیں بجھانا بظاہر چیلنج بنا ہوا ہے۔
امریکا بھر میں صدر ڈونلڈ ٹرمپ کی پالیسیوں اور ایران جنگ کے خلاف بڑے پیمانے پر نو کنگز کے عنوان سے احتجاجی ریلیاں منعقد ہوئیں، جن میں میڈیا رپورٹس کے مطابق 70 لاکھ سے زائد افراد نے شرکت کی۔
مظاہرین نے جنگ کے خاتمے اور حکومتی پالیسیوں کے خلاف شدید نعرے بازی کی، جبکہ منتظمین کے مطابق ملک کی 50 ریاستوں میں 3 ہزار سے زائد مقامات پر مظاہرے کیے گئے۔
ریاست مینی سوٹا میں ہونے والی بڑی ریلی سے خطاب کرتے ہوئے امریکی سینیٹر برنی سینڈرز نے حکومت کو شدید تنقید کا نشانہ بنایا۔
انہوں نے کہا کہ امریکی عوام سے ایران جنگ کے حوالے سے جھوٹ بولا جا رہا ہے اور اس جنگ کو فوری طور پر روکنا ہوگا۔
ان کا کہنا تھا کہ ٹرمپ نے انتخابات میں وعدہ کیا تھا کہ وہ جنگوں پر امریکی عوام کے ٹیکس کا پیسہ ضائع نہیں کریں گے مگر اس کے برعکس انہوں نے ایران کے خلاف جنگ چھیڑ دی۔
برنی سینڈرز نے مزید کہا کہ ایران جنگ غیر آئینی ہے کیونکہ اس کے لیے کانگریس سے اجازت نہیں لی گئی، جبکہ اس تنازع میں امریکی فوجیوں کی ہلاکتیں اور زخمی ہونے کے واقعات بھی سامنے آ رہے ہیں۔
شہر قائد کے مختلف علاقوں میں پولیس نے مبینہ مقابلوں کے دوران 7 زخمیوں سمیت 8 ملزمان کو گرفتار کر لیا۔ پولیس کے مطابق یہ کارروائیاں شہر کے مختلف تھانوں کی حدود میں کی گئیں۔
لیاقت آباد میں سندھی ہوٹل کے قریب مبینہ پولیس مقابلے کے دوران 2 ڈاکوؤں کو زخمی حالت میں گرفتار کیا گیا۔
پولیس کا کہنا ہے کہ ملزمان جرائم کی وارداتوں میں ملوث تھے اور انہیں طبی امداد کے لیے اسپتال منتقل کر دیا گیا۔
دوسری جانب بوٹ بیسن کے علاقے میں اتوار بازار کے قریب پولیس اور موٹر سائیکل سوار مشتبہ ملزمان کے درمیان فائرنگ کا تبادلہ ہوا۔
ایس ایس پی ساؤتھ مہزور علی کے مطابق پولیس نے ملزمان کو رکنے کا اشارہ کیا تو انہوں نے فائرنگ شروع کر دی جس پر پولیس نے جوابی کارروائی کی۔
شہر قائد میں نیو کراچی کے علاقے سیکٹر الیون ای فاطمہ جناح کالونی میں گیس کی لائن میں آگ بھڑک اٹھی جس کی اطلاع ملتے ہی ریسکیو 1122 کا عملہ موقع پر پہنچ گیا۔
ترجمان کے مطابق فائر اینڈ ریسکیو ٹیم ایمبولینس اور فائر ٹینڈر کے ہمراہ موقع پر پہنچ گئی اور آگ پر قابو پانے کی کوششیں شروع کر دیں۔
جبکہ فوری طور پر سوئی سدرن گیس کمپنی کو بھی واقعے سے آگاہ کر دیا گیا۔
تاہم عملے سے سخت جدوجہد کے بعد آگ پر قابو پالیا جبکہ آتشزدگی کے دوران خوش قسمتی سے کوئی جانی نقصان نہیں ہوا ۔
پنجاب کے سینٹرل ریجن کے مختلف علاقوں میں بارش اور ابر آلود موسم کے باعث موٹرویز اور قومی شاہراہوں پر ڈرائیورز کو محتاط رہنے کی ہدایت جاری کر دی گئی ہے۔
ترجمان سنٹرل ریجن سید عمران احمد کے مطابق موٹروے ایم-2 پر لاہور، کوٹ مومن، پنڈی بھٹیاں اور شیخوپورہ میں بارش ریکارڈ کی گئی ہے۔
ترجمان کے مطابق موٹروے ایم 3 پر شرق پور، ننکانہ صاحب، سمندری اور رجانہ تک متعدد مقامات پر بارش کا سلسلہ جاری ہے جبکہ لاہور-سیالکوٹ موٹروے ایم-11 پر بھی مختلف مقامات پر بارش ہو رہی ہے۔
اسی طرح سنٹرل زون کی قومی شاہراہ پر لاہور، مانگا منڈی، پتوکی اور اوکاڑہ سمیت دیگر علاقوں میں بوندا باندی اور ابر آلود موسم دیکھنے میں آ رہا ہے۔
مزید برآں چیچہ وطنی، میاں چنوں، خانیوال، ملتان اور بہاولپور میں بھی بارش کی اطلاع ہے۔
ترجمان نے ڈرائیورز کو ہدایت کی ہے کہ بارش کے دوران رفتار کم رکھیں، گاڑیوں کے درمیان مناسب فاصلہ برقرار رکھیں اور ہیڈلائٹس آن رکھیں۔
انہوں نے خبردار کیا کہ اچانک بریک لگانے سے گریز کیا جائے اور گیلی سڑکوں پر نہایت محتاط ڈرائیونگ کی جائے تاکہ کسی بھی ناخوشگوار واقعے سے بچا جا سکے۔
نائب وزیراعظم اور وزیرخارجہ اسحاق ڈار نے کہا ہے کہ ایران کی حکومت نے پاکستانی پرچم بردار مزید 20 جہازوں کو آبنائے ہرمز سے گزرنے کی اجازت دینے پر اتفاق کیا ہے اور اس تعمیری اقدام سے خطے میں استحکام لانے میں مدد ملے گی۔
سماجی رابطے کی ویب سائٹ ایکس پر جاری بیان میں نائب وزیراعظم اور وزیرخارجہ اسحاق ڈار نے کہا کہ ‘مجھے ایک بڑی خبر دیتے ہوئے خوشی ہو رہی ہے کہ حکومت ایران نے پاکستانی پرچم تلے مزید 20 بحری جہازوں کو آبنائے ہرمز سے گزرنے کی اجازت دینے پر اتفاق کرلیا ہے۔
نائب وزیراعظم نے کہا کہ آبنائے ہرمز سے پاکستانی پرچم بردار جہاز گزرنے کی اجازت کے نتیجے میں ‘روزانہ دو جہاز آبنائے سے گزریں گے’۔
انہوں نے کہا کہ ‘ایران کی طرف سے یہ ایک خوش آئند اور تعمیری اقدام ہے اور لائق تحسین ہے، یہ امن کا ضامن ہے اور اس سے خطے میں استحکام لانے میں مدد ملے گی’۔
نائب وزیراعظم نے کہا کہ ‘یہ مثبت اعلان امن کی طرف ایک بامعنی قدم کی نشان دہی کرتا ہے اور اس سمت میں ہماری اجتماعی کوششوں کو تقویت دے گا’۔
اسحاق ڈار نے کہا کہ ‘بات چیت، سفارت کاری اور اعتماد سازی کے ایسے اقدامات ہی آگے بڑھنے کا واحد راستہ ہیں’۔
خیال رہے کہ اس سے قبل بھی میڈیا نے رپورٹ کیا تھا کہ پاکستانی بحری جہاز ایم ٹی کراچی ایرانی سمندر حدود سے گزر کر 18 مارچ کو کراچی کی بندرگاہ پر لنگرانداز کیا، مذکورہ جہاز میں 8 کروڑ لیٹر خام تیل کی موجودگی کی اطلاع تھی۔
رپورٹ میں بتایا گیا تھا کہ ایم ٹی کراچی کو آبنائے ہرمز سے گزرنے کے لیے ایرانی حکام کی جانب سے خصوصی اجازت دے دی گئی تھی۔
لیڈی ولینگڈن اسپتال میں مریضوں کی جانوں سے کھیلنے کا انکشاف ہوا ہے جہاں سیکیورٹی گارڈ نے مریض کو بے ہوشی کا ٹیکا لگانے کی ویڈیو سامنے آگئی ہے، جس کے بعد محکمہ صحت نے واقعے کا نوٹس لے کر ذمہ دار ڈاکٹروں اور ہیڈ نرس سمیت دیگر کو معطل کردیا۔
لیڈی ولینگڈن اسپتال میں سیکیورٹی گارڈ کے مریض کو اسپائنل اینستھیزیا دینے کی فوٹیج سامنے آگئی ہے، جس میں سیکیورٹی گارڈ کی جانب سے مریض کو انجکشن لگاتے دیکھا جا سکتا ہے۔
اسپتال کی فوٹیجز سامنے آنے کے بعد حساس طبی عمل غیر تربیت یافتہ شخص سے کروانے پر سنگین سوالات اٹھ گئے ہیں کہ اسپتال انتظامیہ کی مبینہ غفلت، غیر متعلقہ شخص کو آپریشن تھیٹر تک رسائی کیسے ملی۔
طبی ماہرین کے مطابق اسپائنل اینستھیزیا صرف تربیت یافتہ ڈاکٹر یا اینستھیٹسٹ ہی دے سکتا ہے لیکن اسپتالوں میں حفاظتی اور پیشہ ورانہ اصولوں پر عمل درآمد پر سوالیہ نشان ہے۔
بعدازاں محکمہ صحت پنجاب نے لیڈی ولنگڈن اسپتال میں سیکیورٹی گارڈ کی جانب سے مریض کو بے ہوشی کا ٹیکا لگانے کے واقعے کا سخت نوٹس لے لیا اور اسپتال کے 4 سینئر کنسلٹنٹس اور ایک ہیڈ نرس کو معطل کر دیا گیا، اسی طرح غفلت کا مظاہرہ کرنے پر متعلقہ سیکیورٹی کمپنی سے معاہدہ بھی فوری طور پر ختم کر دیا گیا ہے۔
آن لائن جوا ایپ پرموشن کے مقدمے میں ٹک ٹاکر ندیم مبارک کو کلین چٹ مل گئی۔
تفتیشی نےندیم بارک کانام پاسپورٹ کنٹرول لسٹ سےنکالنےکیلئےڈپٹی ڈائریکٹر این سی سی آئی اےکو مراسلہ لکھ دیا،متن میں لکھاکہ ندیم نانی والا کیخلاف جوا ایپ پرموشن کا مقدمہ درج کیا گیا تھا،تفتیش میں تعاون نہ کرنے پر ملزم کا نام پی این ایل آئی لسٹ میں ڈالا گیا۔
متن کےمطابق ضمانت کےبعدملزم ندیم نانی والاشامل تفتیش ہواتھا،تفتیش میں ملزم بے قصور ثابت ہوا ہے،ملزم کانام پاسپورٹ کنٹرول لسٹ سےنکالنے میں اعتراض نہیں ہے،ندیم مبارک کانام پاسپورٹ کنٹرول لسٹ سے نکالنے کی منظوری دی جائے۔
وفاقی حکومت نے ملک میں اسمارٹ لاک ڈاؤن نافذ کرنے کا مکمل پلان تیار کر لیا ہے، جس کا آج باضابطہ اعلان متوقع ہے۔ اس منصوبے کا مقصد نہ صرف وبائی صورتحال پر قابو پانا ہے بلکہ توانائی اور ایندھن کی بچت کو بھی یقینی بنانا ہے۔
تجویز کے مطابق بازار اور شاپنگ مال رات 9:30 بجے بند ہوں گے، جبکہ شادی ہالز اور تقریبات میں زیادہ سے زیادہ 200 افراد کی اجازت ہوگی اور صرف ایک ڈش کی سہولت فراہم کی جائے گی۔ فنکشنز کی اختتامی وقت رات 10 بجے مقرر کیا گیا ہے تاکہ عوامی اجتماع کو محدود کیا جا سکے۔
دفاتر کے لیے ہائبرڈ ورکنگ ماڈل تجویز کیا گیا ہے۔ عام سرکاری دفاتر میں ہفتے کے پانچ ورکنگ دنوں میں سے تین دن آفس اور دو دن آن لائن کام ہوگا۔
اسی طرح سروسز دفاتر میں چھ دن کے شیڈول کے تحت چار دن آفس اور دو دن آن لائن ورکنگ ہوگی۔ دفاتر میں 50 فیصد روٹا سسٹم نافذ کیا جائے گا تاکہ ملازمین کی آمدورفت کم ہو، وسائل کی بچت ممکن ہو اور توانائی کی کھپت کم ہو۔
یہ اقدامات حکومت کی کوشش ہیں کہ محدود وقت اور افراد کی تعداد کے باوجود کاروباری اور سرکاری سرگرمیاں جاری رہیں اور عوام کو بھی زیادہ مشکلات کا سامنا نہ کرنا پڑے۔ اس منصوبے کا اطلاق ابتدائی طور پر ایک ماہ کے لیے کیا جائے گا، جس کے بعد صورتحال کے مطابق جائزہ لیا جائے گا۔
