بالی وڈ اداکار عامر خان کے بیٹے جنید خان اور آنجہانی اداکارہ سری دیوی کی بیٹی خوشی کپور کی بالی وڈ ڈیبیو فلم ‘لوویاپا‘ کے ٹائٹل ٹریک کو ملنے والی شاندار پذیرائی کے بعد عامر خان کا فلم کے ٹریلر ریلیز سے متعلق اہم اعلان سامنے آگیا۔

ٹریلر ریلیز سے پہلے فلم ’لوویاپا‘ کا پہلا ٹائٹل ٹریک ‘لوویاپا ہوگیا‘ سوشل میڈیا کے دور کی دو مین لیڈز ‘جنید اور خوشی‘ کے درمیان جاندار کیمسٹری کی بدولت شائقین کی داد وصول کرنے میں کامیاب ہوگیا۔

فلم کے ٹائٹل ٹریک کی ریلیز کے بعد مداحوں بالی وڈ کی نئی جوڑی پر مشتمل روم کوم فلم ’لوویاپا’ کو دیکھنے کیلئے انتہائی پُرجوش نظر آرہے ہیں۔

بھارتی میڈیا رپورٹس کے مطابق اپنے صاحبزادے جنید خان کی بالی وڈ ڈیبیو فلم ‘لوویاپا‘ کو سپورٹ کرنے بالی وڈ کے مشٹر پرفیکشنسٹ عامر خان میدان میں آگئے۔

بھارتی میڈیا کے مطابق فلم ‘لوویاپا’ سے متعلق باخبر ذرائع نے آگاہ کیا ہے کہ ‘لوویاپا کے ٹائٹل ٹریک کی شاندار کامیاب ریلیز کے بعد میکرز کی جانب سے فلم کے ٹریلر کو  لانچ کرنے کی تیاریاں مکمل کرلی گئی ہیں۔

 ذرائع کے مطابق بیٹے کی پہلی فلم کی ریلیز کے موقع پر اداکار عامر خان ان کی حوصلہ افزائی کرتے ہوئے 10 جنوری 2025ء کو ٹریلر کی نقاب کشائی کریں گے جس کے بارے میں مزید تفصیلات کا انکشاف ہونا ابھی باقی ہے۔

 جنید خان کی حالیہ فلم ‘مہاراج‘ کی ریلیز کے بعد سے ان کی فین فالوونگ میں حیران کُن اضافہ ہوا ہے، یہی وجہ ہے کہ مداحوں کی جانب سے جنید خان اور اداکارہ جھانوی کپور کی بہن خوشی کپور کی آنے والی رومانوی فلم کا بے صبری سے انتظار کیا جارہا ہے۔

ادویت چندن کی ہدایت کاری میں بننے والی فلم ‘لوویاپا‘ کی کہانی ڈیجیٹل دور میں محبت کی پیچیدگیوں کے گرد گھومتی ہے، فلم 7 فروری 2025 کو سینما گھروں میں نمائش کے لیے پیش کی جائے گی۔

واضح رہے کہ او ٹی ٹی پلیٹ فارم نیٹ فلکس سے اپنی فلموں ‘مہاراج’ اور ‘دی آرچیز’ میں ڈیبیو کرنے کے بعد ادویت چندن کی یہ فلم جنید خان اور خوشی کپور کی پہلی تھیٹر ریلیز ہوگی۔

عالمی شہرت یافتہ پاکستانی اداکارہ ماہرہ خان نے  سال نو کے  پہلے ’پیر ’کی تمام تر مصروفیات کا احوال تصاویر کی صورت میں سنادیا۔

ڈراما ’شہرِزات‘، ‘ہمسفر’ اور فلم ‘دی لیجنڈز آف مولا جٹ’ کے سبب پاکستان سمیت بھارت میں بھی مشہور اداکارہ ماہرہ خان اپنی اداکاری کے علاوہ اپنے دلکش فیشن سینس اور مزیدار باتوں کی بدولت مداحوں میں کافی مقبول ہیں۔

لیکن اسی کے ساتھ ساتھ بات کریں اداکارہ کے سوشل میڈیا پر متحرک رہنے کی تو وہ یہاں بھی اپنی دلکش پوسٹس سے ہر لمحہ نہ صرف مداحوں سے جڑی رہتی ہیں بلکہ اپنی زندگی کی تمام قیمتی لمحات کو بھی شیئر کرنے سے گریز نہیں کرتیں۔

حال ہی میں ماہرہ خان نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں انہوں نے نئے سال کے پہلے پیرکی اپنی تمام تر مصروفیات تصاویر کی صورت میں شیئر کردیں۔

مذکورہ پوسٹ کی پہلی جھلک ماہرہ خان کے گلابی لباس میں ملبوس خوشگوار سیلفی کی ہے، جبکہ دوسری جھلک میں ماہرہ خان  کی ممکنہ اپنے والد کیساتھ کیک تھامے ایک اسنیپ شامل تھی۔

علاوہ ازیں تیسری اور چوتھی تصویر میں بالترتیب مرر سیلفی اور دوستوں کے ہمراہ ماضی کی ایک اسنیپ دیکھی گئی ، ساتھ ہی دو تصاویر میں سے ایک ماہرہ خان کا فوٹو شوٹ شامل تھا اور آخری تصویر میں اداکارہ کو فیس ماسک لگائے دیکھا گیا۔

ان تمام تر جھلکیوں کا کولاج شیئر کرتے ہوئے اداکارہ نے پوسٹ کے کیپشن میں بتایا کہ،’سال 2025 کا پہلا منڈے’۔

دوسری جانب سوشل میڈیا صارفین ماہرہ خان کے منڈے کی جھلکیوں سے خاصا لطف اندوز ہوتے نظر آئے اور کمنٹ سیکشن میں اداکارہ کی خوب تعریفیں کیں۔

بھارتی ٹینس اسٹار ثانیہ مرزاکی بائیوپک کے حوالے سے قیاس آرائیاں زور پکر گئیں۔

دیکھا جائے تو ثانیہ مرزا کا نام دیگر خواتین کیلئے ایک مثال ہے جو اپنی زندگی میں مشکلات دیکھنے کے باوجود ہمت و حوصلے سے سب کے دل جیت رہی ہیں۔

ثانیہ مرزا نے سال 2010 میں پاکستانی کرکٹر شعیب ملک سے محبت کی شادی کی تھی جن سے ان کا ایک بیٹا اذہان مرزا ملک 2018 میں پیدا ہوا۔

شعیب ملک اور ثانیہ مرزا کی شادی 13 سال چلنے کے بعد 2023 میں ختم ہوگئی اور شعیب ملک نے جنوری 2024 میں اداکارہ ثناء جاوید سے اپنی شادی کی تصاویر جاری کردیں۔

شعیب ملک سے طلاق کے بعد ثانیہ مرزا اب اپنے بیٹے ازہان ملک کے ساتھ خوش و خرم زندگی گزار رہی ہیں اور  اپنی تمام تر توجہ بیٹے کی بہتر سے بہترین پرورش پر مرکوزکیے ہوئی ہیں۔

ان سب کے دوران ثانیہ مرزا کی بائیوپک کے حوالے سے قیاس آرائیاں بھی گردش کرنا شروع ہوگئیںکیونکہ ثانیہ مرزا کو دبئی کی اسپورٹس ایمبیسیڈر کے طور پر مقرر کیے جانے کے بعد بہت سی ذمہ داریاں نبھانی ہیں اور شاید اسی لیے  ان کے شاندار کیریئر کو دیکھتے ہوئے، ان کی کہانی یقینی طور پر بہت سے لوگوں کے لیے متاثر کن ثابت ہوسکتی ہے۔

اگرچہ کہ اس بائیوپک کا عملی آغاز نہیں ہوا لیکن بھارتی میڈیا رپورٹ کے مطابق ثانیہ مرزا اس بارے میں کہتی ہیں کہ بہت سے لوگ اس بائیوپک کے  بارے میں بات کر رہے ہیں لیکن حالیہ دنوں میں انہیں کوئی پیشکش نہیں ملی، جب تک کہ انہیں انکے  مینیجر سے کوئی اطلاعات موصول نہ ہوں’۔

اسی دوران بطور سنگل پیرنٹ ثانیہ مرزا کا کہنا تھا کہ،’چاہے میں اپنی زندگی میں کچھ بھی کروں، میرا بیٹا ازہان ہمیشہ میری اولین ترجیح رہے گا۔ پروفیشنل ذمہ داریوں کے باوجود، وہ ہمیشہ میری توجہ کا مرکز رہے گا۔ اس کا یہ مطلب نہیں کہ میں دوسرے کام نہیں کرتی۔ بس میں اپنی چیزوں کو ازہان کے ارد گرد رکھنے کی کوشش کرتی ہوں جتنا ممکن ہو۔’

ٹینس اسٹار نے عوامی شخصیت ہونے کے ناطے مسلسل لوگوں کی نظر میں رہنے کے دباؤ پر بات کرتے ہوئے یہ بھی بتایا کہ’مشہور ہونا یا نہ ہونا اپنی مشکلات کے ساتھ آتا ہے۔ دباؤ سے زیادہ میں ایک ذمہ داری محسوس کرتی ہوں۔ میں محسوس کرتی ہوں کہ بہت سے بچے آپ کو دیکھتے ہیں، تو آپ کو اپنی شخصیت کو لے کر ایک خاص ذمہ داری ہوتی ہے کہ آپ خود کو کس طرح پیش کرتے ہیں۔’

انکا مزید یہ بھی کہنا تھا کہ’ میں عوام میں جتنا ممکن ہو خود کو ہی پیش کرنے کی کوشش کرتی ہوں۔ مجھے یہ مقام حاصل کر کے عاجزی اور فخر محسوس ہوتا ہے۔ میں دل سے بات کرتی ہوں۔

اداکار اللو ارجن پشپا 2 کی اسکریننگ کے دوران بھگدڑ میں شدید زخمی بچے کی عیادت کرنے اسپتال پہنچ گئے۔

  4 دسمبر کو  پشپا 2 کی اسکریننگ کے دوران 9 سالہ بچے سری تیج بری طرح زخمی ہوگیا تھا جبکہ بھگدڑ میں سری تیج کی والدہ 35 سالہ ریوتی کی موت ہو گئی تھی۔

اب اداکار شدید زخمی ہونے کے بعد اب تک اسپتال میں زیر علاج سری تیج کی عیادت کیلئے اسپتال پہنچے جہاں انہوں نے سری تیج کے والد باسکھر سے تعزیت کا اظہار کیا اور ان کے خاندان کے ساتھ تعاون کا وعدہ کیا۔

یہ دورہ اداکار نے پشپا 2 بھگدڑ کیس میں باقاعدہ ضمانت ملنے کے بعد کیا ہے  جنہیں 13 دسمبر کو پشپا 2 بھگدڑ کیس کے سلسلے میں گرفتار کیا گیا تھا۔

گرفتاری کے بعد عدالت نے انہیں 14 روز کی عبوری ضمانت پر رہا کیا تھا لیکن اداکار کو مشورہ دیا گیا تھا کہ وہ جب تک عبوری ضمانت پر ہیں سری تیج سے ملاقات نہ کریں۔

اب جب کہ اداکار کو باقاعدہ ضمانت مل گئی ہے، انہوں نے نجی اسپتال کا دورہ کیا جہاں سری تیج ایک ماہ سے زیر علاج ہیں، ان کے ساتھ پروڈیوسر دل راجو بھی تھے۔

یاد رہے کہ 4 دسمبر کو ریوتی، ان کے شوہر بھاسکر، بیٹا سری تیج اور بیٹی سنویکا پشپا 2 کی خصوصی اسکریننگ میں شرکت کے لیے حیدرآباد کے سندھیا تھیٹر پہنچے۔

جب اللو ارجن اپنے مداحوں کے ساتھ فلم دیکھنے کے لیے اچانک تھیٹر پہنچے تو بھگدڑ مچ گئی، جس کے نتیجے میں ریوتی کی موت واقع ہوئی۔

اس کے بعد تھیٹر انتظامیہ اور اللو ارجن کے خلاف کیس درج کیا گیا اور ابتدائی طور پر سندھیا تھیٹر کے مالکان اور منیجر کوگرفتار کیا گیا تھا۔

13 دسمبر کو اللو ارجن کو بھی گرفتار کرلیا گیا تھا اور عبوری ضمانت ملنے کے باوجود رات بھر چنچل گوڈا جیل میں رکھا گیا۔

قبل ازیں، اللو ارجن نے ریوتی کی موت پر اپنے غم کا اظہار کیا اور سری تیج کے لیے طبی امداد کے علاوہ خاندان کو 25 لاکھ روپے کا عطیہ دیا تاہم اس واقعے پر ملنے والے شدید ردعمل کی وجہ سے انہوں نے امدادی رقم بڑھا کر ایک کروڑ روپے کر دی تھی۔

ان کے علاوہ پشپا 2 کے  میکرز اور ڈائریکٹر سوکمار نے بھی خاندان کے مستقبل کو محفوظ بنانے میں مدد کے لیے 50 لاکھ روپے دینے کا وعدہ کیا تھا۔a

سنیما میں کامیابی کا اندازہ کسی بھی چیز سے زیادہ باکس آفس کی آمدنی کے لحاظ سے لگایا جاتا ہے، اداکاروں کی اہمیت کا تعین اس بات سے ہوتا ہے کہ ان کی فلمیں ریلیز ہونے پر کتنی کمائی کر سکتی ہیں۔

اس اندازے کے مطابق خانز بالی ووڈ کی تاریخ کے سب سے کامیاب ستارے ہیں، تینوں میں سے ہر ایک – شاہ رخ، سلمان، اور عامر – نے اپنے کیریئر میں عالمی باکس آفس پر 7000 کروڑ سے زیادہ کی کمائی کر رکھی ہے۔

لیکن اس کے باوجود وہ ایک ایسی اداکارہ کو نہیں ہرا سکتے جو 10,000 کروڑ بھارتی روپے کا سنگ میل عبور کرنے میں کامیاب رہی۔’

وہ اداکارہ کوئی اور نہیں بلکہ دیپیکا پڈوکون ہیں جو گزشتہ دہائی کے دوران ہندوستانی سنیما کی سب سے کامیاب اور سب سے زیادہ معاوضہ لینے والی خاتون اسٹار کے طور پر ابھری ہیں۔

تمام زبانوں میں اپنے نام پر متعدد ہٹ فلموں کے ساتھ، اداکارہ نے اپنے اردگرد کے سب سے بڑے ستاروں میں سے ایک کے طور پر اپنا مقام مضبوط کر لیا ہے۔

ان کی شاندار فلموگرافی نے انہیں بھارت کے سب سے بڑے ستاروں سمیت اپنے ساتھی مرد اداکاروں سے آگے نکلنے کا موقع فراہم کیا۔

18 سال پر محیط کیریئر میں دیپیکا کی فلموں نے عالمی سطح پر باکس آفس پر مجموعی طور پر 10,200 کروڑ روپے کمائے ہیں۔

جس میں ان کی بھارتی فلموں سے تقریباً 8000 کروڑ، اور ان کی واحد ہالی ووڈ ریلیز – ‘XXX: دی ریٹرن آف زینڈر کیج’ سے $345 ملین (تقریباً 2200 کروڑ بھارتی روپے) کی آمدنی شامل ہیں۔

دیپکا کی بہت سی ہٹ فلمیں ان کے مرد ساتھی اداکاروں کے ساتھ شیئر کی گئی ہیں (جیسے جوان کی کامیابی کا سہارا شاہ رخ یا کالکی کا پربھاس کو دیا جاتا ہے)، لیکن اداکارہ نے خود بھی ہٹ فلمیں دی ہیں، جیسے پدماوت وغیرہ۔

دلچسپ بات یہ ہے کہ دو سال پہلے تک دیپیکا بھارت کی سب سے زیادہ کمائی کرنے والی اداکارہ نہیں تھیں بلکہ وہ تمام اداکاروں (مرد اور خواتین دونوں) میں ٹاپ 5 میں بھی شامل نہیں تھیں۔

آج، وہ دونوں فہرستوں میں سرفہرست ہیں جس کی وجہ 2023 اور 2024 میں ریلیز ہونے والی ان بلاک بسٹر فلمز ہیں، ان دو سالوں میں وہ 5 فلموں میں نظر آئیں، جن میں سے تین فلموں یعنی ‘پٹھان’، ‘جوان’، اور ‘کالکی 2898 اے ڈی’ نے 1000 کروڑ روپے سے زیادہ کی کمائی کی۔

دیگر دو فلموں یعنی ‘فائٹر’ اور ‘سنگھم اگین’ نے بھی 300 کروڑ بھارتی روپے سے زیادہ کی کمائی کی، جس کے نتیجے میں، دیپیکا ان دو سالوں میں باکس آفس کی اپنی مجموعی آمدنی میں 4000 کروڑ سے زیادہ کا اضافہ کرنے میں کامیاب رہی۔

اس کا مطلب یہ ہے کہ وہ ہندوستان کی سب سے زیادہ کمائی کرنے والی خواتین ستاروں کی فہرست میں پریانکا چوپڑا (6000 کروڑ) اور کترینہ کیف (5500 کروڑ) سے بہت زیادہ آگے ہیں۔

یہاں تک کہ مرد ستارے بھی اب ان سے پیچھے ہیں، شاہ رخ خان (9000 کروڑ)، اکشے کمار (8300 کروڑ)، سلمان خان (7500 کروڑ)، اور عامر خان (7200 کروڑ) سبھی دیپیکا سے پیچھے ہیں۔

دیپیکا کے پاس اس کمائی میں مزید اضافہ کرنے کا موقع ہے کیونکہ وہ مبینہ طور پر کالکی 2 اور برہمسترا 2 میں کام کریں گی، یہ وہ دو میگا فلمیں ہیں جن کے بارے میں امکان ہے کہ کئی سو کروڑ کمانے کی صلاحیت ہے۔

بالی ووڈ کے ایکشن اور کامیڈین اداکار اکشے کمار کی بہن کی بیٹی سمر بھاٹیا بالی ووڈ میں جلد ڈیبیو کرنے والی ہیں۔

بھارتی میڈیا رپورٹ کے مطابق اکشے کمار کی بھانجی سمر بھاٹیا ہدایتکار سری رام راگھون کی فلم ’اکیس‘ سے بالی ووڈ میں ڈیبیو کرنے جا رہی ہیں جس میں وہ امیتابھ بچن کے نواسے اکستیا نندا کے ساتھ اسکرین شیئر کریں گی، جو رواں سال سنیما گھروں کی زینت بنے گی۔

اکشے کمار نے اپنی بھانجی کی پہلی فلم پر خوشی اور فخر کا اظہار کرتے ہوئے سوشل میڈیا پر ایک جذباتی پیغام کے ساتھ اخبار کی تصویر شیئر کی جس پر سمر کی تصویر نمایاں ہے۔

اکشے نے اپنی پوسٹ کے کیپشن میں لکھا کہ ’مجھے یاد ہے جب میری تصویر پہلی بار اخبار کے صفحے پر آئی تھی، اس وقت مجھے لگا یہ سب سے بڑی خوشی ہے۔ لیکن آج مجھے احساس ہوا کہ اپنے بچے کی تصویر وہاں دیکھنے کی خوشی اپنی تصویر دیکھنے سے بھی کئی زیادہ ہوتی ہے۔‘

اداکار نے افسوس کا اظہار کرتے ہوئے لکھا کہ ’کاش میری ماں آج زندہ ہوتیں، تو وہ کہتیں سمر پتر، تو کمال ہے۔‘

اکشے کمار کی اس جذباتی پوسٹ پر ان کے ساتھی اداکاروں کی جانب سے بھی محبت کا اظہار کیا جارہا ہے اور مداح ان کی بھانجی کیلئے نیک تمناؤں کا اظہار کر ہے ہیں۔

واضح رہے کہ فلم ’اکیس‘ مڈہوک فلمز کے بینر تلے بنائی جا رہی ہے، جس میں دھرمندر اور جیدیپ اہلاوت بھی اہم کردار ادا کر رہے ہیں۔

یاد رہے کہ 2025 میں روینہ ٹنڈن کی بیٹی راشا تھڈانی، اجے دیوگن کے بھانجے امان دیوگن اور سیف علی خان کے بیٹے ابراہیم علی خان بھی بالی ووڈ میں ڈیبیو کر رہے ہیں۔