انٹرنیشنل کرکٹ کونسل (آئی سی سی) نے کرکٹ ورلڈ کپ کے لیے کمینٹیٹرز کے پینل کا اعلان کردیا۔

آئی سی سی کمینٹیٹرز کے پینل میں سابق آسٹریلوی کپتان رکی پونٹنگ، انگلینڈ کے ایون مورگن ،شین واٹسن، لیزا سٹھالکر، رمیز راجا، روی شاستری، ایرون فنچ، سنیل گواسکر اور میتھیو ہیڈن شامل ہیں۔

میگا ایونٹ کے دوران ناصر حسین، این اسمتھ، این بشپ، وقار یونس، شان پولاک، مائیکل ایتھر ٹن اور انجم چوپڑا بھی کمنٹری کریں گے۔

کمنٹری پینل میں سائمن ڈول، مپومیلیلو مبانگوا، سنجے منجریکر، دنیش کارتھک، ڈرک نینیز، سیموئیل بدری، اطہر علی خان، رسل آرنلڈ بھی شامل ہیں۔

آئی سی سی ورلڈ کپ 2023ء کے دوران ہرشا بھوگلے، کیس نائیڈو، مارک نکولز، نٹالی گرمانوس، مارک ہوورڈ اور این وارڈ کمینٹری پینل کا حصہ ہوں گے۔

آئی سی سی ورلڈکپ 2023ء 5 اکتوبر سے 19 نومبر تک بھارت میں کھیلا جائے گا۔

آئی سی سی ورلڈ کپ وارم اپ میچ میں نیوزی لینڈ نے پاکستان کو پانچ وکٹوں سے شکست دے دی۔

بھارتی شہر حیدرآباد میں کھیلے گئے میچ میں نیوزی لینڈ نے پاکستان کی جانب سے جیت کے لیے 346 رنز کا ہدف باآسانی 44 ویں اوور میں حاصل کر لیا۔

نیوزی لینڈ کی جانب سے رشن روندرا 97 رنز بنا کر نمایاں رہے، مارک چیپمین 65، ڈیرل مچل 59 اور کین ولیمسن نے 54 رنز کی اننگز کھیلی۔

پاکستان کی جانب سے اسامہ میر نے 2 وکٹیں حاصل کیں جب کہ حسن علی، آغا سلمان اورمحمد وسیم کی ایک ایک وکٹ لینے میں کامیاب رہے۔

اس سے پہلے پاکستان نے نیوزی لینڈ کے خلاف ٹاس جیت کر بیٹنگ کی۔ ابتدائی وکٹیں جلد گرنے کے بعد کپتان بابراعظم اور رضوان کے مابین بہترین شراکت داری قائم ہوئی۔

بابراعظم بھرپور فارم میں دیکھے، انہوں نے میدان کے چاروں اطراف چوکے لگائے اور 80 رنز بنا کر آؤٹ ہو گئے۔

دوسری جانب رضوان نے بھی اپنی فارم کا کھل کر اظہار کیا اور بہترین سنچری اسکور کی۔ ان کے علاوہ سعود شکیل 75 رنز کے ساتھ نمایاں رہے۔

نیوزی لینڈ کی جانب سے پاکستان کے خلاف مچل سینٹنر نے 2 وکٹیں حاصل کیں۔پاکستان نے مقررہ 50 اوورز میں 5 وکٹوں کے نقصان پر 345 رنز بنائے۔

حیدر آباد: (خبریں ڈیجیٹل) آئی سی سی ورلڈکپ کے وارم اپ میچ میں پاکستان نے نیوزی لینڈ کو جیت کیلئے 346 رنز کا ہدف دے دیا۔

حیدر آباد کے راجیو گاندھی انٹرنیشنل کرکٹ اسٹیڈیم میں کھیلے جارہے میچ میں پاکستان کے کپتان بابر اعظم نے ٹاس جیت کر پہلے بیٹنگ کا فیصلہ کیا، پہلے بیٹنگ کرتے ہوئے پاکستان نے مقررہ 50 اوورز میں 5 وکٹوں کے نقصان پر 345 رنز بنائے۔

قومی ٹیم کا آغاز اچھا نہ رہا، اوپنر امام الحق 10 گیندوں پر محض ایک رن کے مہمان ثابت ہوئے جبکہ عبداللہ شفیق 14 رنز بناکر آؤٹ ہوئے تاہم کپتان بابر اعظم اور محمد رضوان کی پارٹنر شپ نے شاندار بلے بازی کا مظاہرہ کیا۔

بابر اعظم 80 رنز بنا کر کیچ آؤٹ جبکہ محمد رضوان 103 رنز بنا کر ریٹائرڈ ہوگئے، سعود شکیل 75 رنز اور شاداب خان 16 رنز بنا کر پویلین لوٹ گئے۔

18 ویں اوور میں بارش کے باعث میچ کو روک دیا گیا تاہم 45 منٹ کے وقفے کے بعد میچ دوبارہ شروع ہو گیا۔

وارم اپ میچ میں نیوزی لینڈ ٹیم کی قیادت ٹام لیتھم کررہے ہیں، کین ولیمسن گھٹنے کی سرجری کے بعد ٹیم میں واپس آئے ہیں اس لیے ولیمسن انگلینڈ کے خلاف ورلڈکپ میچ نہیں کھیلیں گے وہ آج پاکستان سے وارم اپ میچ میں صرف بیٹنگ کریں گے جبکہ جنوبی افریقا کے خلاف وارم اپ میچ میں ولیمسن بیٹنگ کے ساتھ فیلڈنگ بھی کریں گے۔

واضح رہے کہ ورلڈکپ مہم میں پاکستان اپنا پہلا میچ 6 اکتوبر کو نیدرلینڈز کے خلاف کھیلے گا۔

حیدر آباد: (خبریں ڈیجیٹل) بھارت میں پاکستان سمیت کسی ٹیم کو بیف دستیاب نہیں ہوگا، کھانے کا مینیو جاری کردیا گیا۔

آئی سی سی ورلڈ کپ کے دوران بھارت میں کسی کرکٹ ٹیم کو بیف دستیاب نہیں ہوگا، سکواڈ کے لیے کھانے کے مینیو میں چانپیں، مٹن کڑاہی، بٹر چکن، گرلڈ فش، حیدر آباد کی مشہور بریانی دستیاب ہوگی۔

بھارتی میڈیا کے مطابق پاکستان ٹیم نے منتظمین سے باسمتی چاول، بولو گنیز سوس کے ساتھ سپیگیٹیز اور سبزی پلاؤ کی فرمائش کردی ہے۔