بینگکاک: (ویب ڈیسک) وسطی تھائی لینڈ میں ہر سال کی طرح اتوار 27 نومبر کو بھی بندروں کے شکر کا میلہ منعقد کیا گیا کیونکہ ان کی موجودگی سے سیاحت کو فروغ مل رہا ہے۔
پورے دن جاری اس تقریب میں بندروں کے سامنے کئی اقسام کے پھل اور ان کے پسندیدہ کھانے رکھے گئے۔ صبح کے وقت میدان میں بندروں کے مجسمے سجائے گئے اور اس کے بعد رضاکار حقیقی بندروں کے لیے کھانے پینے کا سامان لے کر آئے۔ تھوڑی دیر بعد بندروں کے غول دوڑے چلے آئے اور مکاک بندروں نے کھانے کے دوران ایک دوسرے سے الجھتے بھی رہے لیکن اس منظر کو دیکھ کر تمام سیاح بہت خوش ہورہے تھے۔
یہ تقریب بنگکاک سے ایک 150 کلومیٹر دور ایک بہت مشہور مندر کے پاس منعقد ہوئی۔ جانوروں کے لیے وسیع رقبے پر پھل اور سبزیاں رکھی گئی تھیں۔ ہرسال اس تقریب سے سیاحت کو فروغ ہوتا ہے کیونکہ دنیا بھر سے لوگ اسے دیکھنے کےلیے آتے ہیں۔
لوپبیوری انتظامیہ کے مطابق شروع میں 300 کے قریب بندر شریک تھے جن کی تعداد بڑھ کر اب 4000 تک پہنچ چکی ہے۔ شہر کی انتظامیہ کے مطابق انسان اور بندر دونوں ایک ساتھ سکون سے رہ سکتے ہیں۔ یہاں تک کہ بندر سیاحوں کے پاس بھی گئے اور تصاویر بنوائیں۔

لاہور: (ویب ڈیسک) امریکا میں دوست کے اصرار پر پہلی بار پاور بال لاٹری ٹکٹ خریدنے والے ایک شخص نے ڈیڑھ لاکھ ڈالرز کا انعام جیت لیا۔
امریکی ریاست ورجینیا کے شہر ہیمپٹن سے تعلق رکھنے والے ڈینی جانسن نے ورجینیا لاٹری کے عہدے داروں کو بتایا کہ وہ لاٹری کو ہمیشہ سے شک کی نظر سے دیکھتے تھے اور اپنے دوستوں کو بتاتے کہ لاٹریاں وقت اور پیسے کا ضیاع ہے۔
ڈینی کا کہنا تھا کہ جب نومبر کے ابتداء میں جیک پاٹ اپنی تاریخی سطح پر پہنچا تب ان کے ایک دوست نے ان پر پاور بال ٹکٹ خریدنے کے لئے زور دیا، لہٰذا انہوں نے ہار مانتے ہوئے 5 نومبر کی قرعہ کے لئے لاٹری کی ویب سائٹ سے ایک ٹکٹ لیا۔
انہوں نے بتایا کہ انہوں نے قرعہ میں نکلنے والے نمبروں کو دیکھا اور کہا ’میرے کچھ نمبر نکل آئے‘، کیوں کہ اس سے قبل انہوں نے کبھی قرعہ میں حصہ نہیں لیا تھا اس لئے ان کو علم نہیں تھا کہ وہ کتنا انعام جیتے۔
پہلی بار لاٹری میں حصہ لینے والے ڈینی کے ٹکٹ کے چار نمبر لگے جس سے وہ 50 ہزار ڈالرز جیتے جو پاور پلے آپشن کی وجہ سے بڑھ کر ڈیڑھ لاکھ ڈالرز تک پہنچ گیا۔