پاک انگلینڈ ٹیسٹ سیریز کے لئے کمنٹری پینل کا اعلان

لاہور: (ویب ڈیسک) پاکستان اور انگلینڈ کے مابین ہونے والی ٹیسٹ سیریز کے لئے کمنٹری پینل کا اعلان کردیا گیا ہے۔
انگلینڈ کے سابق کپتان اور معروف براڈ کاسٹر ڈیوڈ گوور، مائیکل ایتھرٹن اور ناصر حسین دسمبر میں پاکستان اور انگلینڈ کے درمیان تین میچوں کی تاریخی ٹیسٹ سیریز میں فرائض انجام دیں گے۔
خیال رہے کہ گوور نے پاکستان سپر لیگ اور پاکستان اور انگلینڈ کے درمیان حالیہ سات میچوں کی ٹی 20 سیریز کے دوران پاکستان میں کمنٹری کی، ستاروں سے مزین کمنٹری پینل میں پاکستانی آوازیں سابق ٹیسٹ کرکٹرز بازید خان، وقار یونس اور عروج ممتاز شامل ہیں۔
تینوں ٹیسٹوں کو مکمل ہائی ڈیفینیشن کیمروں کے ذریعے پوری دنیا میں دکھایا جائے گا، بشمول بگی کیم اور مکمل ہاک آئی ریویو سسٹم، سیریز میں پی سی بی کے پچ سائیڈ سٹوڈیو کی واپسی کو بھی دیکھا گیا ہے، جس کی میزبانی معروف پریزینٹر زینب عباس کریں گے جو ناظرین کو میچ سے پہلے اور بعد کے شوز کے دوران پرزینٹر کے فرائض انجام دیں گے۔
یکم دسمبر سے جب یہ سیریز راولپنڈی میں شروع ہوگی تو اس میں دونوں ٹیمیں 17 سال بعد پہلی بار پاکستانی سرزمین پر ایک دوسرے کے ساتھ کسی ٹیسٹ میچ میں کھیلیں گی اور اس بہت زیادہ متوقع سیریز کی نشریات پی ٹی وی سپورٹس کے ذریعے دستیاب ہوں گی۔