وزیراعظم عمران خان نے صدر مملکت عارف علوی کو اسمبلیاں تحلیل کرنے کی تجویز دے دی۔

قومی اسمبلی کے اجلاس کے بعد خصوصی طور پر خطاب کرتے ہوئے انہوں نے تحریک عدم اعتماد مسترد ہونے پر قوم کو مبارکباد دی۔

ساتھ ہی انہوں نے کہا کہ قوم الیکشن کی تیاری کرے۔

وزیر اعظم عمران خان کا کہنا تھا کہ اسمبلی کے اسپیکر نے تحریک عدم اعتماد کو مسترد کیا ہے، میں ساری قوم کو مبارک باد پیش کرتا ہوں، یہ سازش ساری قوم کے سامنے ہورہی تھی۔

ان کا کہنا تھا کہ اس طرح کی سازش یہ قوم کامیاب نہیں ہونے دے گی۔

وزیر اعظم نے کہا کہ میں نے صدر کو تجویز دی ہے کہ اسمبلیاں تحلیل کریں، تا کہ الیکشن ہوں اور عوام فیصلہ کرے کہ وہ کسے لانا چاہتی ہے۔

بات کو جاری رکھتے ہوئے انہوں نے کہا کہ میں اپنی قوم کو کہتا ہوں آپ انتخابات کی تیاری کریں، آپ نے ملک کا فیصلہ کرنا ہے، اسمبلیاں تحلیل ہونے کے بعد جو ہوگا وہ سب دیکھیں گے۔

ان کا کہنا تھا میں اللہ کا شکر ادا کرتا ہوں یہ اتنی بڑی بیرون ملک سازش ناکام ہوگئی ہے۔

لاہور: (ویب ڈیسک) پنجاب اسمبلی کا اجلاس 6 اپریل تک ملتوی کر دیا گیا۔
اسمبلی میں اراکین بڑی تعداد میں موجود ہیں، تحریک انصاف اور مسلم لیگ ق کے وزارت اعلی کے امیدوار پرویز الہی ہیں جبکہ متحدہ اپوزیشن نے حمزہ شہباز کو امیدوار نامزد کیا ہے۔ عبد العلیم خان گروپ نے نئے وزیراعلیٰ پنجاب کے لیے حمزہ شہباز کی حمایت کا اعلان کر رکھا ہے۔ گذشتہ روز متحدہ اپوزیشن کے امیدوار حمزہ شہباز نے عبدالعلیم خان کے دفتر کا دورہ کیا اور ان کے گروپ کے اراکین پنجاب اسمبلی سے ملاقات کی تھی۔

وزیراعظم عمران خان نے قوم کے نام اپنے خطاب میں اسمبلیاں تحلیل کرنے کا اعلان کردیا۔

قومی اسمبلی کے اجلاس کے بعد خصوصی طور پر خطاب کرتے ہوئے انہوں نے تحریک عدم اعتماد مسترد ہونے پر قوم کو مبارکباد دی۔

ساتھ ہی انہوں نے کہا کہ قوم الیکشن کی تیاری کرے۔

اسلام آباد: (ویب ڈیسک) ڈپٹی اسپیکر قومی اسمبلی قاسم سوری نے اپوزیشن کی جانب سے وزیراعظم عمران خان کے خلاف پیش کی گئی تحریک عدم اعتماد کو آئین کے منافی قرار دیتے ہوئے مسترد کر دیا اور قومی اسمبلی کا اجلاس ملتوی کر دیا۔
ڈپٹی اسپیکر قومی اسمبلی قاسم سوری کی سربراہی میں اسمبلی ہونے والے ہنگامہ خیز اجلاس میں وزیر قانون فواد چوہدری نے اظہار خیال کرتے ہوئے کہا کہ 7 مارچ کو ایک میٹنگ ہوتی ہے اور اس کے ایک روز بعد 8 مارچ کو وزیراعظم کے خلاف تحریک عدم اعتماد پیش کی جاتی ہے۔
فواد چوہدری نے کہا کہ ہمارے سفیر کو 7 مارچ کو ایک میٹنگ میں طلب کیا جاتا ہے، اس میں دوسرے ممالک کے حکام بھی بیٹھتے ہیں، ہمار ےسفیر کو بتایا جاتا ہے کہ عمران خان کے خلاف تحریک عدم اعتماد پیش کی جاری ہے، اس وقت تک پاکستان میں بھی کسی کو پتہ نہیں تھا کہ تحریک عدم اعتماد آ رہی ہے۔
وفاقی وزیر کا کہنا تھا کہ ہمارے سفیر کو بتایا جاتا ہے کہ پاکستان سے ہمارے تعلقات کا دارومدار اس عدم اعتماد کی کامیابی پر ہے، اگر تحریک عدم اعتماد کامیاب ہوتی ہے تو آپ کو معاف کر دیا جائے گا لیکن اگر اعتماد کامیاب نہیں ہوتی تو آپ کا اگلا راستہ بہت سخت ہو گا۔

کامونکے: (ویب ڈیسک) بدبخت نے بیٹیاں پیدا ہونے پر بیوی کو زندہ جلا دیا، ملزم کمسن بیٹیوں کو ساتھ لے کر فرار ہو گیا۔
میڈیا رپورٹ کے مطابق تھانہ واہنڈو کے علاقے شیخو میں عتیق احمد کی شادی 4 سال قبل موضع تمبولی کی رہائشی ثوبیہ سے ہوئی۔ شادی کے بعد یکے بعد دیگرے 3 بیٹیاں پیدا ہوئیں جس کی وجہ سے ملزم عتیق اکثروبیشتر بیوی کو تشدد کا نشانہ بناتا رہتا، گذشتہ روز سہ پہر کے قریب عتیق نے ثوبیہ کو آگ لگا دی۔
خاتون مدد کیلئے اردگرد کے لوگوں کو مدد کیلئے پکارتی رہی لیکن کوئی نہ پہنچا اور ثوبیہ جھلس کر جاں بحق ہو گئی۔ بیوی کو جلانے کے بعد ملزم 3 کمسن بیٹیوں کو لے کر موقع سے فرار ہو گیا، واہندہ پولیس نے تفتیش شروع کر دی۔

وزیراعظم عمران خان کے خلاف تحریک عدم اعتماد کو آئین و قانون کے منافی قرار دے کر مسترد کردیا گیا ۔

قومی اسمبلی کا اجلاس آج صبح ساڑھے 11 بجے طلب کیا گیا تھا جو کچھ تاخیر کے ساتھ ڈپٹی اسپیکر قاسم سوری کی سربراہی میں تقریباً 12 بج کر 5 منٹ پر شروع ہوا۔

اجلاس کے آغاز میں وزیر قانون فواد چوہدری نے قرار داد کو غیر ملک کی جانب سے پاکستان میں حکومت کو تبدیل کرنے کی کوشش قرار دیا۔

فواد چوہدری کا کہنا ہے کہ تحریک عدم اعتماد آئین کے آرٹیکل 95 کے تحت پیش کی جاتی ہے لیکن آئین کا ایک اور آرٹیکل 5 ایک ہے جس کے مطابق ملک سے وفاداری ہر شہری کی ذمہ داری ہے۔

انہوں نے کہا کہ 7 مارچ کو ہمارے ایک سفیر کو ایک سرکاری اجلاس میں طلب کیا جاتا ہے اور اجلاس میں شریک ہوتے ہیں، اس ملاقات میں دوسرے ملک کے سفیر بھی ہوتے ہیں، ایک اجلاس میں ہمارے سفیر کو یہ بتایا جاتا ہےکہ تحریک عدم پیش کی جارہی ہے۔

ان کا کہنا تھا کہ 8 مارچ کو عدم اعتماد پیش کی گئی تھی، ہمارے سفیر کو بتایا جاتا ہے کہ پاکستان سے اس ملک کے تعلقات کا دار و مدار اس تحریک کی کامیابی پر منحصر ہے اگر اعتماد کامیاب ہوتی ہے تو آپ کو معاف کردیا جائے گا اور ناکام ہوتی ہے تو آپ کا اگلا راستہ خطرناک ہوگا۔

فواد چوہدری کے اعتراض کے بعد ڈپٹی اسپیکر کہا کہ وزیراعظم پاکستان کے خلاف اپوزیشن نے تحریک عدم اعتماد 8 مارچ 2022 کو پیش کی تھی، عدم اعتماد کی تحریک کا آئین، قانون اور رولز کے مطابق ہونا ضروری ہے۔

انہوں نے کہا کہ کسی غیر ملکی طاقت کو یہ حق نہیں کہ وہ سازش کے تحت پاکستان کی منتخب حکومت کو گرائے، وزیر قانون نے جو نکات اٹھائے ہیں وہ درست ہیں لہٰذا میں رولنگ دیتا ہوں کہ عدم اعتماد کی قرارداد آئین، قومی خود مختاری اور آزادی کے منافی ہے اور رولز اور ضابطے کے خلاف میں یہ قرارداد مسترد کرنے کی رولنگ دیتا ہوں۔

ان کا کہنا تھا کہ اسلامی جمہوریہ پاکستان کے دستور کے آرٹیکل 54 کی شق 3 کے تحت تفویض کردہ اختیارات کو بروئے کار لاتے ہوئے جمعہ 25 مارچ 2022 کو طلب کردہ اجلاس کو برخاست کرتا ہوں۔

ساتھ ہی انہوں نے اجلاس کو غیر معینہ مدت تک کے لیے ملتوی کردیا گیا۔

لاہور: (ویب ڈیسک) وفاقی وزیر مونس الٰہی نے علیم خان گروپ کے مزید تین ارکان توڑ لئے، اشرف رند، عون ڈوگر اور علمدار قریشی پنجاب اسمبلی پہنچ گئے ہیں۔
بتایا گیا ہے کہ علیم خان گروپ کے یہ تینوں ارکان وزارت اعلی کے امیدوار پرویز الٰہی کو ووٹ دیں گے، علیم خان گروپ کے منحرف ارکان نے پرویز الہٰی سے ملاقات کی اور انہیں ووٹ دینے کی یقین دہانی کروائی، پرویزالہٰی نے حمایت پر ارکان کا شکریہ ادا کیا۔
اس سے قبل علیم خان گروپ کے دو ارکان خرم لغاری اور اویس دریشک بھی پرویز الہی کے پاس آ گئے تھے۔ مونس الٰہی گذشتہ روز ترین گروپ کے بھی تین رہنماوں عبدالحئی دستی، رفاقت گیلانی، امیر محمد خان کو اپنی گاڑی میں لیکر پنجاب اسمبلی پہنچے تھے۔ تینوں ارکان نے اس سے پہلے حمزہ شہباز کی حمایت کا اعلان کیا تھا۔
یہ امر قابل ذکر ہے کہ عبد العلیم خان گروپ نے نئے وزیراعلیٰ پنجاب کے لیے حمزہ شہباز کی حمایت کا اعلان کیا تھا۔ گذشتہ روز متحدہ اپوزیشن کے وزیر اعلیٰ پنجاب کیلئے امیدوار حمزہ شہباز نے عبدالعلیم خان کے دفتر کا دورہ کیا اور ان کے گروپ کے 9 اراکین پنجاب اسمبلی سے ملاقات کی تھی جن میں عملدار قریشی اور اشرف رند بھی شامل تھے۔