مداحوں کو سلمان خان کی ایکشن فلم ’سکندر‘ کا بے صبری سے انتظار تھا تاہم ریلیز کے بعد فلم کو ناظرین کی جانب سے منفی ردعمل ملا ہے اور انہوں نے فلم کو مسترد کر دیا۔

بھارتی میڈیا رپورٹ کے مطابق فلم بینوں نے سکندر کو ’کوئی اسٹوری لائن‘ نہ ہونے پر تنقید کا نشانہ بنایا اور دعویٰ کیا کہ یہ سلمان خان کے 37 سالہ کیرئیر کی سب سے بڑی فلاپ فلم ہے۔

ایک مداح نے انسٹاگرام پر سکندر کے بارے میں اپنے خیالات شیئر کرتے ہوئے اس فلم کوسنیما گھر میں کو ’پیسہ کا ضیاع‘ قرار دیا۔ اس نے فلم کے ویژول پر مزید تنقید کی اور اسے ’گھٹیا کوالٹی کی فلم کہا‘۔

فلم بینوں کا کہنا ہے کہ اس فلم کی کوئی کہانی نہیں ہے۔ اس میں صرف سلمان کو سست رفتار میں چلتے ہوئے دکھایا گیا ہے اور انہیں AI کا استعمال کرتے ہوئے فٹ دکھایا گیا ہے ایسا نہیں لگ رہا کہ ہم اسی سلمان کو دیکھ رہے ہیں جیسا کہ دبنگ میں تھا۔

ایک اور فلم دیکھنے والے نے کہا، ’سلمان خان کا کردار نہیں سمجھ آیا‘۔ ایک اور نے کہا کہ ’فلم فلاپ ہو جائے گی۔ آج عید تھی اور تھیٹر ابھی تک خالی تھا، یہ فلاپ ہے‘۔

سنیما گھر کے باہر موجود لوگوں نے فلم میں سلمان کی اداکاری کو بھی تنقید کا نشانہ بنایا، ایک شخص نے کہا کہ ’یہ سلمان کی زندگی کی سب سے واہیات فلم تھی سلمان کی اداکاری بھی ایک دم واہیات تھیْ

واضح رہے کہ سلمان خان اور رشمیکا مندنا کی فلم سکندر نے ریلیز کے پہلے دن 26 کروڑ اور اب تک مجموعی طور پر 84.25 کروڑ کمائے ہیں۔

اداکار شہریار منور کا کہنا ہے کہ وہ پہلی ملاقات میں ہی سمجھ گئے تھے ماہین کی وہ لڑکی ہے جس کے ساتھ وہ اپنی پوری زندگی گزار سکتے ہیں۔

حال ہی میں شہریار منور احمد علی بٹ کے پوڈکاسٹ میں شریک ہوئے جہاں انہوں نے شوبز سمیت نجی زندگی سے متعلق گفتگو کی۔

دوران گفتگو حال ہی میں رشتہ ازدواج میں منسلک ہونے والے شہریار نے بتایا کہ ان کی ماہین صدیقی سے پہلی ملاقات 4 سے 5 سال قبل ہدایتکار عاصم رضا کے گھر ہوئی تھی جس کے بعد وہ بس دوست تھے۔

شہریار منور کا کہنا تھا کہ ڈیڑھ سال قبل وہ ماہین صدیقی کے ساتھ سنڈے کافی پر گئے اور وہ کافی کب ڈنر میں تبدیل ہوگئی انہیں پتہ ہی نہیں چلا کیونکہ انہیں ماہین کے ساتھ وقت کا اندازہ ہی نہیں ہوا اور پورا دن ایک ساتھ گزر گیا۔

انہوں نے بتایا کہ وہ ماہین سے ان کی پہلی باقاعدہ ملاقات تھی اور اس ہی پہلی ملاقات میں انہیں سمجھ آگیا تھا کہ ماہین ہی وہ لڑکی ہے جس کے ساتھ وہ اپنی پوری زندگی گزارنا چاہیں گے۔

شہریار منور نے بتایا کہ انہوں نے اس کافی ڈیٹ کے بعد جلد ہی ماہین صدیقی کو اپنے والدین سے ملوا دیا اور ایک سے میں ہی ان سے شادی بھی کرلی۔

بالی ووڈ کی مشہور جوڑی ایشوریا رائے اور ابھیشیک بچن نے علیحدگی کی افواہوں درمیان 20 سال بعد اپنے یادگار گانے ’’کجرا رے‘‘ پر ایک ساتھ رقص کرکے مداحوں کے دل جیت لیے۔

بالی ووڈ جوڑی نے اپنی بیٹی ارادھیا کے ساتھ پونے میں ایشوریا کے کزن کی شادی میں شرکت کی۔ شادی کی تقریبات سے جاری ہونے والی ویڈیوز اور تصاویر میں جوڑے نے اپنی بیٹی ارادھیا کے ساتھ مل کر اپنے مشہور گانے ’کجرا رے‘ پر ڈانس کیا، جو سوشل میڈیا پر تہلکہ مچا گیا۔

یہ یادگار گانا 2005 میں ریلیز ہونے والی فلم ’’بنٹی اور ببلی‘‘ سے لیا گیا تھا، جس میں ابھیشیک، ایشوریا اور امیتابھ بچن نے پرکشش ڈانس پیش کیا تھا۔ شنکر،احسان، لوی کی موسیقی اور گلزار کے بول والے اس گانے کو الیشا چینائی، شنکر مہادیون اور جاوید علی نے گایا تھا۔

شادی کی دیگر تصاویر میں جوڑے کو خاندان کے دیگر اراکین کے ساتھ پوز دیتے ہوئے بھی دیکھا جاسکتا ہے۔ اس سے قبل ایشوریا کی کزن شلوکا شیٹی کی پری ویڈنگ تقریبات کی تصاویر بھی وائرل ہوچکی ہیں۔

مداحوں کےلیے یہ لمحات خاص تحفہ ثابت ہوئے، جنہوں نے اپنے پسندیدہ اسٹار جوڑے کو ایک بار پھر ڈانس کرتے دیکھا۔ سوشل میڈیا پر صارفین نے اس خاندانی لمحے کی بے پناہ تعریف کی ہے۔