لاہور(کلچرل رپورٹر) گلوکار واداکار علی ظفرکو ڈایریکٹر احسن رحیم نے اپنی ان ٹائٹل فلم میں کا سٹ کر لیا ہے ۔احسن رحیم جوکہ بہت سی میوزک ویڈیوز ااور ٹی وی کمرشلز میں اپنی ہدایت کاری کا لوہا منوانے کے بعد اب فلم نگری میں اپنے جوہر دکھائیں گے جس میں انہوں نے بطور لیڈ ہیرو علی ظفر کولینے کا فیصلہ لیا ہے جبکہ ہیروین کی تلاش جاری ہے ۔احسن رحیم کا کہنا ہے کہ وہ کافی عرصہ سے ایک ایکشن کامیڈی فلم بنا نا چاہتے تھے اور اس فلم کی لیڈکاسٹ میں علی سے بہتر کوئی اور نظر نہیں آیا ۔اس فلم کی وجہ سے علی ظفر نے اپنی ذاتی فلم کچھ عرصے کے لئے موخرکردی ہے ۔اس ایکشن کامیڈی فلم کے لئے علی ظفر کو خصوصی ٹرینگ درکار ہے ۔ اس سے پہلے دونوں نے علی ظفر کی میوزک ویڈیوآگ میں کام کیا تھا ۔