لاہور (ویب ڈیسک)پہلے ہی البم سے شہرت کی بلندیوں کو چھونے والے معروف گلوکارعاطف اسلم نے اپنی سالگرہ پر مداحوں کو خوبصورت تحفہ دیا۔ عاطف اسلم کا نیا گانا ”یونہی “گزشتہ روز ریلیز کردیا گیا۔ گانے کی عکس بندی مکمل طور پر ترکی میں کی گئی ہے اور اس میں کوئی بھی بھارتی شامل نہیں۔عاطف اسلم کا کہنا ہے کہ میں نے منفرد انداز میں اپنے مداحوں کو اپنی 34 ویں سالگرہ کا تحفہ دیا ہے امیدہے انہیں پسندآئے گا۔

کراچی(ویب ڈیسک) پاکستان کے معروف گلوکار عاطف اسلم نے کنسرٹ کے دوران نوجوانوں کی جانب سے ہراساں کی جانیوالی لڑکی کو بچالیا، ویڈیو نے تہلکہ مچادیا۔ معروف گلوکار عاطف اسلم نے کراچی میں کنسرٹ کے دوران اوباش نوجوانوں کی جانب سے لڑکی کو ہراساں کرنے کی کوشش ناکام بنادی۔نوجوانوں میں مشہور سنگر کی ویڈیو میں دیکھا جاسکتا ہے کہ کنسرٹ کے دوران اگلی صفوں میں کھڑے نوجوان ایک لڑکی کو ہراساں کررہے ہیں، جس پر عاطف اسلم نے پرفارمنس روک کر نوجوانوں کے قریب گئے اور انہیں لمبا لیکچر دے ڈالا، وہ بولے کہ کیا تم لوگوں نے پہلے کبھی لڑکی نہیں دیکھی؟۔گلوکار نے مزید کہا کہ یہ تمہاری ماں اور بہن بھی ہوسکتی تھی۔ عاطف نے اس کے بعد سیکیورٹی اہلکاروں کو بلا کر لڑکی کو محفوظ جگہ پہنچانے کی ہدایت کی، جس پر باو¿نسرز خاتون کو لے کر چلے گئے