دمشق: شام میں داعش کے حملے میں 50 افراد ہلاک اورمتعدد زخمی ہوگئے۔شمال مشرقی شام میں نقل مکانی کرنے والے شامیوں پر داعش  کے بمباروں نے حملہ کیا جس کے نتیجے میں  50 افراد ہلاک اورمتعدد زخمی ہوگئے۔ ہلال احمر کے طبی ذرائع کے مطابق داعش نے بارود سے بھری 3 گاڑیوں کو نقل مکانی کرنے والے شہریوں کے درمیان دھماکے سے اڑا دیا۔انسانی حقوق تنظیم کے مطابق داعش کی جانب سے ایک  حملہ دیر الزور اور الحسکہ شہروں کے درمیان سرحدی علاقے ابوفاس کے مقام پر کیا گیا جس میں 18 افراد ہلاک ہوئے جو دیرالزور میں جاری لڑائی سے جان  بچا کر نکلنے کی کوشش کر رہے تھے۔شام کے سرکاری ٹی وی کے مطابق ہلاک افراد میں پناہ گزین اور نقل مکانی کرنے والے شامی شامل ہیں جب کہ کرد سیکیورٹی فورسزکا ایک اہلکاربھی مارا گیا۔