5 ٹی ٹوئنٹی میچز کی سیریز کے تیسرے میچ میں نیوزی لینڈ نے پاکستان کو سنسنی خیز مقابلے کے بعد 4 رنز سے شکست دے دی۔
نیوزی لینڈ کے 164 رنز کے ہدف کے تعاقب میں پاکستان ٹیم 159 رنز پر ڈھیر ہوگئی، اس شکست کے باوجود گرین شرٹس کو سیریز میں 1-2 کی برتری حاصل ہے۔
لاہور میں کھیلے گئے میچ میں نیوزی لینڈ نے ٹاس جیت کر بیٹنگ کافیصلہ کیا
کوئٹہ(ویب ڈیسک) بلوچستان حکومت کے مزید 2 ارکان نے عہدوں سے استعفیٰ دے دیا جس کے بعد مستفعیٰ ہونے والے وزراء، مشیروں اور معاونین خصوصی کی تعداد 5 ہو گئی۔عام انتخابات سے قبل بلوچستان اسمبلی شدید بحران کا شکار ہے جہاں ایک جانب وزیراعلیٰ کے خلاف عدم اعتماد لانے کی تیاری کی جارہی ہے وہیں وزیروں نے بھی استعفے جمع کرانا شروع کردیئے ہیں۔ بلوچستان حکومت کے مزید ارکان اپنے عہدوں سے مستعفی ہوگئے جن میں خاتون وزیر محنت راحت جمالی اور وزیراعلیٰ کے مشیر ایکسائز عبدالماجد ابڑو شامل ہیں۔ذرائع کے مطابق راحمت جمالی اور عبدالماجد ابڑو کا تعلق مسلم لیگ (ن) سے ہے اور انہوں نے اپنے استعفے گورنر بلوچستان محمد خان اچکزئی کو بھجوادیئے ہیں۔
مستعفی ہونےوالے عبدالماجد ابڑو کو 2 روز قبل ایکسائز کا مشیر مقرر کیا گیا تھا۔گزشتہ روز وزیراعلیٰ نواب ثنااللہ زہری کے مشیر پرنس احمد علی احمدزئی نے اپنا استعفیٰ گورنر بلوچستان کو بھجوایا جب کہ ان سے قبل وزیر ماہی گیری میر سرفراز چاکر ڈومکی نے اپنا استعفیٰ پیش کیا تھا۔صوبائی حکومت سے مستفعیٰ ہونے والے وزراء، مشیروں اور معاونین خصوصی کی تعداد 5 ہوگئی اور تمام کا تعلق مسلم لیگ (ن) سے ہے۔وزیراعلیٰ بلوچستان ثنااللہ زہری نے اپنے ایک مشیر کو عہدے سے برخاست بھی کیا۔ذرائع نے بتایا کہ گزشتہ رات حکومت نے اتحادیوں سے رابطے کیے ہیں جب کہ صوبائی حکومت کی اتحادی جماعتوں کے سربراہ نیشنل پارٹی کے حاصل بزنجو اور پشتونخوا میپ کے محمود اچکزئی (ن) لیگ کی قیادت کو یقین دہانی کراچکے ہیں کہ وہ تحریک عدم اعتماد کے خلاف متحد رہیں گے۔ذرائع کےمطابق بلوچستان اسمبلی کا اجلاس 9 جنوری کو ہوگا اور تب تک مزید ارکان کے مستعفی ہونے کا امکان ہے۔
لاہور (نیااخبار رپورٹ) نوازشریف فیملی نے مملکت کے تمام کلیدی عہدوں پر خاندان کے افراد لانے کی منصوبہ بندی کرلی۔ اگلے انتخابات میں مسلم لیگ کی کامیابی کی صورت میں نوازشریف کو صدر مملکت ممنون حسین کی مدت ختم ہونے پر ترمیم کرکے پارلیمنٹ کے ذریعے اہل بنا کر صدر مملکت بنانے، شہبازشریف وزیراعظم، مریم نواز کو وزیراعلیٰ پنجاب اور بیگمکلثوم نواز کو پارٹی صدر بنانے کی حکمت عملی طے کی گئی ہے۔ اگر عدالت نے نوازشریف کو موجودہ پارلیمانی مدت میں پارٹی صدارت سے بھی نااہل کردیا توایسی صورت میں بھی بیگم کلثوم نواز کو پارٹی صدارت دیدی جائیگی، بیگم کلثوم نواز کا علاج مکمل ہوچکا اور وہ جنوری میں واطن واپس آرہی ہیں، وہ وطن واپس آکر رکن قومی اسمبلی کاحلف اٹھائیں گی، شریف فیملی سول بالادستی کے نام پر الیکشن مہم چلائے گی اور سول بالادستی کی خواہش کو عملی جامہ پہنانے کیلئے نوازشریف انتظامی، سیاسی اور آئینی عہدے فیملی کے پاس رکھنا چاہتے ہیں، مریم نواز پہلی خاتون وزیراعلیٰ بن سکتی ہیں۔
لاہور+ لندن (خصوصی رپورٹ) سابق خاتون اول اور حلقہ این اے 120 کی منتخب رکن قومی اسمبلی کلثوم نواز کیلئے دعائیں رنگ لا رہی ہیں۔ شریف فیملی کے ذرائع کے مطابق ڈاکٹروں کی جانب سے ان کو روبصحت قرار دیا جا رہا ہے اور اللہ نے کرم کیا تو وہ جلد پاکستان واپس لوٹ آئیں گی۔ تاہم انہیں اپنے ڈاکٹروں سے سفر کی اجازت ملنے کا انتظار کرنا پڑے گا۔ بتایا گیا ہے کہ لندن میں کیموتھراپی کے 4 سیشن سے گزرنے والی سابق خاتون اول کلثوم نواز کی حالت بہتر ہے۔ چوتھی کیموتھراپی کے بعد کلثوم نواز ہسپتال سے گھر منتقل ہوچکی ہیں۔ انہیں کیموتھراپی کے 6 سے 8 مراحل سے گزرنے کا مشورہ دیا گیا تھا ۔ ادھر سیاسی حلقوں میں ان کی آمد پر ان کے شایان شان استقبال سمیت ان کے قومی اسمبلی کے اجلاس میں شرکت کی خبریں گردش کر رہی ہیں۔
وزیرآباد (ویب ڈیسک)شیخ رشید کا کہناہے کہ آئین میں ترمیم کے لیے ترقیاتی منصوبوں کے نام پر 6 ارب روپے بانٹے گئے۔ میڈیا سے گفتگو کرتے ہوئے شیخ رشید نے کہا کہ نااہل شخص کو پارٹی صدر بنانے کے لیے آئینی ترمیم کی گئی اور آئین میں ترمیم کے لیے ترقیاتی منصوبوں کے نام پر 6 ارب روپے بانٹے گئے۔انہوں نے کہا کہ ایک بھائی عدلیہ کونشانہ بنائے اور دوسرا وزارت عظمیٰ کے لیے مہم چلائے، ایسا نہیں ہوگا، نواز شریف اور شہباز شریف کے ڈرامے اب نہیں چلیں گے۔سربراہ عوامی لیگ کا کہنا تھا کہ عمران خان نے انہیں طاہرالقادری کیساتھ مل کر فیصلہ کرنے کا اختیاردیا ہے۔
لاہور (مانیٹرنگ ڈیسک) کوئی این آر او نہیں ہو رہا، کیسز اپنے منطقی انجام کو پہنچ رہے ہیں۔ نئے کیسز بھی سامنے آ رہے ہیں۔ چیف جسٹس پر توہین عدالت کرنے والوں کے خلاف ایکشن کیلئے دباﺅ، جلد گرفتاریاں شروع ہو جائیں گی۔ یہ انکشافات سینئر صحافی نے نجی ٹی وی پروگرام میں گفتگو کرتے ہوئے کیے۔ انہوں نے کہا کہ میڈیا اور سوشل میڈیا پر این آر کے حوالے سے چلنے والی خبریں غلط ہیں کرپشن کے مزید بڑے سکینڈل سامنے آ رہے ہیں۔ وکلاءبرادری اور بار کونسلز کی جانب سے چیف جسٹس اور ججز صاحبان پر سخت دباﺅ ہے اور کہا جا رہا ہے کہ نواز شریف، وزراءسمیت تمام افراد جو توہین عدالت کر رہے ہیں کہ قانون کے کٹہرے میں لایا جائے۔ اطلاع ہے کہ اس حوالے سے جلد گرفتاریاں شروع ہو جائیں گی عدالت زیادہ دیر تک برداشت نہیں کرے گی۔
اسلام آباد (مانیٹرنگ ڈیسک) سابق وزیراعظم میاں محمد نوازشریف، شیخ مجیب الرحمن بننے کی کوشش کررہے ہیں۔ اداروں سے ٹکراﺅ کا حتمی فیصلہ کرچکے ہیں۔ تحریک چلا کر انہیں زچ کرنا چاہتے ہیں۔ تجزیہ کار مبشر لقمان نے نجی ٹی وی پروگرام میں انکشاف کیا ہے کہ میاں نوازشریف، شیخ مجیب الرحمن بننے کی کوشش کررہے ہیں اب انہوں نے عدالت کے خلاف تحریک چلانے کا اعلان کردیا ہے۔ شاہد وہ پاکستان کے اداروں کو زچ کرنا چاہتے ہیں انہوں نے آئین اور قانون کو ہر طرح سے پامال کرنے کا فیصلہ کرلیا ہے صرف اپنے حق میں آنے والے فیصلوں کو قبول کرنا ہے۔ مخالفت میں آنے والے فیصلوں پر تحریک چلانا ان کا وطیرہ بن چکا ہے۔ آرمی چیف کی بریفنگ نہال ہاشمی موجود نہیں تھا اس کے حوالے سے چلنے والی تمام خبریں اور ٹکرز من گھڑت ہیں۔ 24دسمبر کو ختم نبوت کانفرنس کے دوران گوجرانوالہ میں مزید 5استعفےٰ پیش کئے جارہے ہیں۔
اسلام آباد(ویب ڈیسک)میری اہلیہ کلثوم نواز لند ن کے ہسپتال میں زیر علاج ہیں ۔ مشکل وقت میں اپنی اہلیہ کو اکیلا نہیں چھوڑ سکتا ،اسلام آباد کی احتساب عدالت نے سابق وزیراعظم نوازشریف کی استثنیٰ کی درخواست منظور کرتے ہوئے انہیں عدالتی کارروائی سے ایک ہفتے کیلئے استثنیٰ دیدیا ہے ۔نوازشر یف کی عدم موجودگی میں ان کے نمائندے ظافر خان کو عدالت میں پیش ہونے کی اجازت مل گئی۔بدھ کو سابق وزیر اعظم محمد نواز شریف اپنی صاحبزادی مریم نواز اور داماد کیپٹن (ر) محمد صفدر کے ہمراہ قومی احتساب بیورو (نیب) کی جانب سے دائر ریفرنسز کے سلسلے میں اسلام آباد کی احتساب عدالت میں پیش ہوئے۔وفاقی دارالحکومت کی احتساب عدالت کے جج محمد بشیر، شریف خاندان کے خلاف بیرون ملک جائیدادوں سے متعلق ریفرنسز کی سماعت کی۔ سماعت کے دور ان نواز شریف کی جانب سے احتساب عدالت میں درخواست دائر کی گئی جس میں انہوں نے ایک ہفتے تک عدالتی کارروائی سے استثنیٰ حاصل کرنے کی استدعا کی۔سابق وزیر اعظم کی درخواست میں موقف اختیا ر کیا گیا کہ ان کی اہلیہ بیگم کلثوم نواز لندن کے ہسپتال میں زیرِ علاج ہیں، ان کا اور ان کی اہلیہ کا 40 سال کا ساتھ ہے اور وہ اس مشکل وقت میں اپنی اہلیہ کو اکیلا نہیں چھوڑ سکتے۔ان کا کہنا تھا کہ ان کی اہلیہ کا کیموتھراپی کا اگلہ مرحلہ ہونا ہے جس کی وجہ سے وہ لندن جائیں گے لہٰذا انہیں 20 نومبر سے ایک ہفتے کے لیے استثنیٰ دی جائے۔احتساب عدالت نے نواز شریف کی درخواست پر انہیں ایک ہفتے کے لیے استثنیٰ دیتے ہوئے ان کے نمائندے ظافر خان کو عدالت میں پیش ہونے کی اجازت دے دی۔
اسلام آباد (ویب ڈیسک) احتساب عدالت کے باہر میڈیا سے بات کرتے ہوئے نواز شریف نے کہا کہ ججز بغض سے بھرے پڑے ہیں۔ کل سپریم کورٹ کے تفصیلی فیصلے میں ججز کا غصہ اور بغض ان کے الفاظ میں ڈھل کر سامنے آگیا ہے جو کہ تاریخ کا سیاہ باب بنے گا۔سابق وزیراعظم کا کہنا تھا کہ پچھلے 70 سال میں جب بھی آمر آئے تو ہماری عدلیہ نے کئی سیاہ باب لکھے ہیں اور ٓج کا فیصلہ بھی تاریخ میں سیاہ حروف سے لکھا جائے گا۔قبل ازیں احتساب عدالت کے روبرو نواز شریف نے کہا کہ ان پر عائد تمام الزامات بے بنیاد ہیں اور نیب ریفرنسز بدنیتی و سیاسی انتقام کیلئے بنائے گئے ہیں جب کہ ہمیں فیئر ٹرائل کے حق سے محروم کر دیا گیا ہے۔واضح رہے کہ سپریم کورٹ نے گزشتہ روز پاناما کیس میں فیصلے کے خلاف نظر ثانی اپیل کا تفصیلی فیصلہ جاری کیا تھا جب کہ آج احتساب عدالت نے سابق وزیر اعظم کے خلاف تینوں ریفرنسز یکجا کرنے کی درخواست بھی مسترد کردی ہے۔
لاہور( ویب ڈیسک):سابق وزیر اعظم نواز شریف نے آصف علی زرداری کے خلاف سخت رویہ اختیار کرنے کا فیصلہ کر لیا ہے جبکہ شہباز شریف بھی نواز شریف کو اداروں کے ساتھ ٹکراؤ نہ کرنے کا مشورہ دے رہے ہیں ۔میڈیا تفصیلات کے مطابق خواجہ آصف،چوہدری نثاراور شہباز شریف ابھی پیپلز پارٹی کے ساتھ محاذ آرائی کے حق میں نہیں ہیں جبکہ نواز شریف اینٹی پیپلز پارٹی ووٹرز کی ہمدردی حاصل کرنے کی کوشش کریں گے ،نواز شریف کا سخت رویہ اختیار کرنے کے پیچھے پیپلز پارٹی سے رابطوں کا مثبت جواب نہ ملنا ہے۔پاکستان مسلم لیگ ن کی جانب سے آئندہ جو بھی جلسے کئے جائیں گے ان میں پیپلز پارٹی کو بھی تنقید کا نشانہ بنایا جائے گا ۔
لاہور (ویب ڈیسک) مسلم لیگ ن کے اہم رہنماءظفر علی شاہ نے کہا ہے کہ نواز شریف کی پارٹی پر گرفت نہیں رہی ،جس شخص کے ہاتھ سے حکومت نکل گئی ہو اس میں کونسی بڑی بات ہے کہ اس کے ہاتھ میں پارٹی کی گرفت بھی نہیں۔انہوں نے نجی ٹی وی پروگرام میں گفتگو کرتے ہوئے کہا کہ نواز شریف کی نا اہلی کے بعد پارٹی نے ان کو بہت عزت دی اور پارٹی نے ان کا بھرم رکھا کہ آئین میں تبدیلی کر کے ان کو پارٹی صدارت سے نوازا ہے ،میاں صاحب اپنے کئے پر پیشمان ہیں۔میاں صاحب آپ نے جانا ہے لیکن جاتے جاتے آپ اس ملک پر اور اس ملک کے آئین پر رحم کرتے جائیں ،آپ اتنی بے رحم سیاست ناکریں۔
