لاہور (مانیٹرنگ ڈیسک) سینئر صحافی و تجزیہ کار مبشر لقمان نے کہا ہے کہ مریم نواز کو وزیراعظم ہاﺅس میں لانے کی منصوبہ بندی ہورہی ہے کلثوم نواز کا نام ہوگا جبکہ وزیراعظم مریم نواز ہونگی۔ اور ان کا پہلا ٹارگٹ آرمی چیف جنرل قمر جاوید باجوہ ہونگے انہوں نے کہا کہ ایک ہی خاندان دو حصوں میں تقسیم ہوکر سامنے آچکا ہے۔ ایک شہبازشریف گروپ اور دوسرا مریم صفدر گروپ ہے انہوں نے مزید کہا کہ چڑیل نے مخبری دی ہے کہ لندن میں فیصلہ ہوچکا کہ شہبازشریف کو پارٹی کا صدر نہیں بننے دیا جائے گا۔ 10محرم کے بعد شاہد خاقان عباسی کو بھی گھر بھیج دیا جائے کیونکہ نوازشریف کا خیال ہے کہ وہ کسی اور کی زبان بولنا شروع ہوگئے ہیں اب سازش کا شکار، عدلیہ، فوج اور شاہد خاقان عباسی ہونگے۔دوسری طرف ذرائع کے مطابق وزیراعظم شاہد خاقان عباسی کی طرف سے پہلی بار غیر ملکی صحافیوں کو مدعو کرنا بھی سوالیہ نشان بن گیا ہے۔
