گوجرانوالہ(ڈویژنل بیورو رپورٹ)گوجرانوالہ کے مختلف علاقوں میں 2 پولیس مقابلے، 2 ریکارڈ یافتہ ملزمان زخمی حالت میں گرفتار۔سی پی او ڈاکٹر سردار غیاث گل خان کا فوری نوٹس، ڈویژنل ایس پیز سے رپورٹ طلب کر لی۔پولیس رپورٹ کے مطابق تھانہ ماڈل ٹاؤن پولیس کارروائی؛ راہزنی و چوری کے متعدد مقدمات میں ریکارڈیافتہ ملزم ثاقب عرف ببن عرف ببلو پولیس ناکہ سے فرار ہونے کی کوشش میں زخمی حالت میں گرفتار، قبضہ سے مسروقہ واٹر پمپ برآمد، ہمراہی ساتھی فرار۔تھانہ باغبانپورہ پولیس کارروائی؛ چوری، موٹرسائیکل چور اور منشیات فروشی کے درجن سے زائد مقدمات میں ریکارڈ یافتہ ملزم وقاص عرف پیچو پولیس ناکہ سے فرار ہوتے ہوئے زخمی حالت میں گرفتار، قبضہ سے 1420 گرام چرس برآمد کر لی۔جبکہ فرار ملزم کی گرفتاری کے لیے ایس ڈی پی او ماڈل ٹان کی زیر نگرانی خصوصی پولیس ٹیمیں تشکیل، شہر بھر میں ناکہ بندی جاری۔
