جرمنی (خصوصی رپورٹ) یونیورسٹی آف توبنجن میں ماہرین آثارقدیمہ کی ٹیم نے جنوب مغربی جرمنی کے غاروں سے 40ہزار سال قدیم ایک ایسا اوزار دریافت کیا ہے جس سے ڈوریاں اور رسیاں تیار کی جاتی تھیں۔ اس دریافت نے قدیم انسان کے بارے میں ہماری سابقہ مفروضات ایک بار پھر اجاگر کی ہیں اور یہ واضح کیا ہے کہ زمانہ قبل از تاریخ کا انسان نہ صرف مصوری اور موسیقی سے لطف اندوز ہوتا تھا بلکہ اتنا ہنرمند تھا کہ رسی بنانے کے طریقے سے بھی واقف تھا۔ یہی نہیں بلکہ 40ہزار سال پہلے کے انسان نے رسیاں اور ڈوریں بنانے کیلئے باقاعدہ اوزار تک ایجاد کر رکھے تھے۔ آج سے 40ہزار سال پہلے کا زمانہ وہ ہے کہ جب انسان نے یورپ کی سرزمین پر نیا نیا قدم رکھا تھا۔ جنوب مغربی جرمنی کے غاروں سے ملنے والا یہ اوزار قدیم و دیوقامت ہاتھی میمتھ کے دانت سے بنا ہوا ہے۔
