شارجہ (ویب ڈیسک) شارجہ ٹیسٹ قومی ٹیم کے ہاتھوں سے نکلتا جا رہا ہے۔ ویسٹ انڈیز کے کھلاڑی جیت کے قریب پہنچ چکے ہیں۔ ویسٹ انڈیز کو اس ٹیسٹ میچ میں فتح سے ہمکنار ہونے کیلئے محض 39 رنز درکار ہیں اور اس کی پانچ وکٹیں ابھی باقی ہیں۔ ویسٹ انڈیز کی ٹیم 153 رنز کے آسان ہدف کے تعاقب میں اتری تو بظاہر ایسا لگ رہا تھا کہ اسے حاصل کرنے میں کوئی مشکل کا سامنا نہیں کرنے پڑے گا تاہم یاسر شاہ اور وہاب ریاض نے اس آسان ہدف کو بھی ویسٹ انڈین کھلاڑیوں کیلئے مشکل بنا دیا۔ یاسر شاہ نے شاندار باو¿لنگ کا مظاہرہ کرتے ہوئے میچ کے چوتھے روز 3 کھلاڑیوں کو پویلین کی راہ دکھلائی جبکہ وہاب ریاض نے دو کھلاڑیوں کا شکار کیا۔ اس وقت براتھ ویٹ 44 اور ڈورچ 36 رنز کے ساتھ وکٹ پر موجود ہیں۔ کل میچ کا آخری روز ہے اور ویسٹ انڈیز کو جیت کیلئے صرف 39 رنز درکار ہیں۔اس سے قبل ٹیسٹ کے چوتھے روز پاکستان نے 4 وکٹوں پر 87 رنز سے دوسری ادھوری اننگز کا آغاز کیا۔ سرفراز احمد اور اظہر علی کے درمیان پانچویں وکٹ کی شراکت میں 86 رنز بنے۔ سرفراز احمد 42 رنز بنا کر پویلین لوٹے جبکہ محمد نواز کی اننگز کا خاتمہ 19 کے سکور پر ہوا۔ اظہر علی نے شاندار اننگز کھیلی۔ وہ 91رنز بنا کر نروس نائینٹیز کا شکار ہوئے۔ محمد عامر 8 کے انفرادی سکور پر رن آو¿ٹ ہو گئے۔ وہاب ریاض ایک رنز بنا سکے اور ذوالفقار بابر نے 15 رنز بنائے۔ اس طرح پاکستان ٹیم نے دوسری اننگز میں 208 رنز پر آو¿ٹ ہو کر ویسٹ انڈیز کو 153رنز کا ہدف دیا ہے۔
