چیئرمین سی ڈی اے کا اسلام آباد جیل منصوبے کا دورہ

اسلام آباد(نامہ نگار خصوصی) چیئرمین کیپیٹل ڈویلپمنٹ اتھارٹی (سی ڈی اے) اور چیف کمشنر سہیل اشرف نے اسلام آباد جیل منصوبے کی سائٹ کا دورہ کیا، جہاں انہوں نے جاری تعمیراتی کام کی پیش رفت، منصوبے کی موجودہ صورتحال  تکمیل کی مقررہ مدت کا جائزہ لیا۔دورے کے دوران چیئرمین سی ڈی اے کے ہمراہ ڈائریکٹر جنرل (سروسز) سی ڈی اے، متعلقہ اسسٹنٹ کمشنر اور اسلام آباد جیل کے سینئر افسران بھی موجود تھے۔ چیئرمین سی ڈی اے نے اسلام آباد جیل منصوبے کے مختلف حصوں کا معائنہ کیا اور تعمیراتی کام سمیت ضروری بنیادی ڈھانچے کی ترقی پر ہونے والی پیش رفت کا جائزہ لیا۔اس موقع پر چیئرمین سی ڈی اے کو منصوبے پر ہونے والی پیش رفت کے حوالے سے بریفنگ دی گئی۔ انہوں نے متعلقہ افسران سے تعمیراتی کام کے معیار اور مقررہ معیارات پر عمل درآمد کے حوالے سے بھی تبادلہ خیال کیا۔ چیئرمین سی ڈی اے نے ہدایت کی کہ منصوبے کو منظور شدہ ٹائم لائن کے مطابق بروقت مکمل کیا جائے اور اس دوران تعمیراتی کام کے اعلی معیار کو ہر صورت یقینی بنایا جائے۔چیئرمین سی ڈی اے سہیل اشرف کا اسلام آباد جیل کے منصوبہ کا دورہ سی ڈی اے کی اہم منصوبوں کی مسلسل نگرانی اور مثر رابطہ کاری و انتظامی نگرانی کے ذریعے ان کی بروقت تکمیل کے لیے سی ڈی اے کے عزم کا عکاس ہے۔ چیئرمین سی ڈی اے سہیل اشرف نے اپنے دورے کے دوران اس امر پر زور دیا کہ منصوبے کو مقررہ مدت کے اندر مکمل کیا جائے، تعمیراتی معیار برقرار رکھا جائے اور منصوبے میں تمام ضروری سہولیات کی فراہمی یقینی بنائی جائے۔تھانہ واہ صدر کی حدود میں منشیات کا کاروبار عروج پر، پولیس کارکردگی صفر ، عوام کا وزیر اعلی اور آئی جی پنجاب سے فوری نوٹس کا مطالبہ، لوسر شرفو، خان آباد اور ملہی پنڈ میں سرعام منشیات فروشی کا کاروبار، شہری سراپائے احتجاج، سی پی او راولپنڈی سے فوری نوٹس کا مطالبہ