لاہور (مانیٹرنگ ڈیسک) عمر اکمل وہ کرکٹر ہیں جن کی شہرت کی وجہ ان کی کارکردگی نہیں بلکہ وہ حرکتیں ہیں جو وہ وقتا فوقتا کرتے رہتے ہیں اور ان میں اتنی مہارت حاصل کر چکے ہیں کہ ان کا مقابلہ بھی کوئی نہیں کر سکتا۔ کسی کی شادی میں ڈانس کرنا ہو یا پھر انگوروں کے ساتھ تصاویر اتروانی ہوں، عمر اکمل سب پر بازی لے جاتے نظر آتے ہیں اور اب ان کی ایک ایسی ویڈیو سامنے آئی ہے جس میں وہ سوئمنگ پول میں نہا رہے ہیں اور اس کے ساتھ ہی وہ ایک بار پھر ایسی حرکت کر رہے ہیں جس سے لوگوں کو یہ تاثر ملے کہ وہ اپنی فٹنس کیلئے بہت محنت کرتے ہیں۔
