نئی دہلی(آئی این پی)بھارتی وزیر خارجہ سشما سوراج کے گردے فیل ہوگئے جس کے بعد انھیں ہسپتال میں داخل کرادیا گیا۔بھارتی میڈیا کے مطابق وزیر خارجہ سشما سوراج کے گردے فیل ہوگئے جس کے بعد انھیں نئی دہلی کے ہسپتال میں داخل کرادیا گیا۔نئی دہلی کے ہسپتال میں سشما سوراج کا ڈائلسز کیا جارہا ہے اور گردوں کے ٹرانسپلانٹ کے لیے ان کے ٹیسٹ کیے جارہے ہیں ۔سشما سوراج ہندوستان کی حکمران جماعت بھارتیہ جنتا پارٹی (بی جے پی) کی سینئر رہنما اور منجھی ہوئی سیاستدان ہیں۔انھوں نے اپنی بیماری کا اعلان سماجی رابطے کی ویب سائٹ ٹوئٹر پر کیا اور بتایاکہ میں گردے فیل ہونے کی وجہ سے آل انڈیا انسٹی ٹیوٹ آف میڈیکل سائنسز (اے آئی آئی ایم ایس) میں زیر علاج اور ڈائلسز پر ہوں۔64 سالہ سشما سوراج نے مزید کہا کہ گردوں کے ٹرانسپلانٹ کے حوالے سے میرے کچھ ٹیسٹس کیے جارہے ہیں۔
