لاہور(کلچرل رپورٹر)اداکار عمران عباس کو دبئی میں ہونےو الی ایک تقریب میں ایوارڈ زدیئے گئے۔ذرائع نے بتایا ہے کہ دبئی کی ایک اہم شخصیت نے وہاں ڈنرکا اہتمام کیا جس میں بھارتی اداکار نوازالدین صدیقی سمیت دنیاکے دیگر ممالک کی ممتازشخصیات کو مدعوکیا گیا تھا۔اسی تقریب میں میرااور عمران عباس کو بھی مدعوکیا گیا جنہیں گزشتہ رات ایوارڈز دیئے گئے۔اس بارے میں میرا کا کہنا ہے کہ میں نے اس تقریب میں اپنے ملک کی نمائندگی کی جس پر مجھے بہت خوشی ہے۔انہوں نے ایک سوال کے جواب میں بتایا کہ اس تقریب میں دنیا کے کئی دیگرممالک سے اہم افرادنے شرکت کی جن سے پاکستان میں مشترکہ فلم سازی کے بارے میں بھی بات چیت ہوئی۔ یہ امرباعث مسرت ہے کہ بیرون ملک لوگ اب پاکستانی فلموں میں سرمایہ کاری میں دلچسپی رکھتے ہیں۔میرانے مزیدبتایا کہ وہ وطن واپسی پر اپنی نئی فلم”شہرت“بارے تفصیلات فراہم کریں گی۔
