خطرہ ….آرمی چیف نے اہم حکم نامہ جاری کر دیا

راولپنڈی (بیورورپورٹ) آرمی چیف جنرل قمر جاوید باجوہ نے کہا ہے کہ پاک فوج سرحد پار سے ہر طرح کے خطرات سے اچھی طرح نمٹنا جانتی ہے۔ڈی جی آئی ایس پی آر میجر جنرل آصف غفور کی جانب سے جاری بیان میں بتایا گیا ہے کہ آرمی چیف جنرل قمر جاوید باجوہ سے وزیراعظم آزاد کشمیر نے ملاقات کی جس دوران کنٹرول لائن پر سیکیورٹی کی صورتحال اور باہمی دلچسپی کے امور پر تبادلہ خیال کیا گیا۔ آئی ایس پی آر کے مطابق چیف آف آرمی سٹاف جنرل قمر جاوید باجو ہ سے آزاد جموں و کشمیر کے وزیراعظم راجہ فاروق حیدر نے بدھ کو جی ایچ کیو میں ملاقات کی۔ ملاقات کے دوران لائن آف کنٹرول پر سیکیورٹی صورتحال اور باہمی دلچسپی کے دیگر امور پر تبادلہ خیال کیا گیا۔ آرمی چیف نے وزیراعظم آزاد کشمیر کو یقین دلایا کہ پاکستان آرمی ہر طرح کے خطرے کا مقابلہ کرنے کیلئے تیار ہے اور وہ اس کی پوری صلاحیت رکھتی ہے ۔ وزیراعظم آزاد کشمیر نے آزاد جموں کشمیر میں سیکیورٹی اور ترقی کے حوالے سے پاک فوج کی کوششوں بالخصوص تعلیم صحت اور مواصلاتی انفراسٹرکچر کے شعبوں میں پاک فوج کے کردار کو سراہا ۔