لاہور( شوبز ڈےسک) ملک کے معروف قوال بدر میانداد کی 10ویں برسی 2مارچ کو منائی جائے گی ۔ فن گائیکی میں دنیا بھر میں منفرد مقام رکھنے والے استاد نصرت فتح علی خان مرحوم کے ماموں زاد بھائی اور میانداد قوال کے صاحبزادے و شیر میانداد قوال کے بھائی بدر میانداد قوال 17 فروری 1962ءکو پاکپتن میں پیدا ہوئے ۔ بدر میانداد قوال نے ریڈیو پاکستان ملتان سے ابتدائی طور پر گائیکی کا آغاز کیا۔ بدر میانداد نے 45سال کی مختصر عمر میں بے پناہ شہرت حاصل کی جبکہ ان کے 150سے زیادہ البمز نے نہ صرف اندرون بلکہ بیرون ملک بھی دھوم مچائے رکھی۔ بدر میانداد کو ےہ اعزاز بھی حاصل تھا کہ بہت سی بھارتی فلموں کےلئے بھی منتخب کئے گئے۔ ان کے گانوں نے عالمی شہرت کی بلندیوں کو چھوا ۔ بدر میانداد جن کے البمز امریکہ ، برطانیہ ، کینڈا ، بھارت اور ےورپ میں بھی ریلیز ہو ہوئے ۔بدر میانداد قوال عارضہ قلب اور اعصابی امراض میں مبتلا ہو نے کے بعد 2مارچ 2007ءکو اپنے مالک حقیقی سے جا ملے تھے۔
قوال بدر میاندادکی10ویں برسی 2مارچ کو منائی جائےگی
