لاہور(کلچرل رپورٹر)ڈائریکٹرعابس رضاکی فلم”مان جاﺅناں“کی شوٹنگ کا آغازکردیا گیا ہے جس میں مختلف فنکار حصہ لے رہے ہیں۔ اس مناسبت سے گزشتہ دنوں ایک تقریب کا اہتمام بھی کیا گیا جس میں کاسٹ سمیت دیگر افرادنے شرکت کی ۔اس فلم کی خاص بات یہ ہے کہ اس میں لیڈ رول کے لئے ایران سے تعلق رکھنے والی ماڈل نازناروزئی کو منتخب کیا گیا ہے جو ملٹی نیشنل برانڈز کے کمرشلز کے ساتھ ساتھ بالی وڈ میں بھی کام کرچکی ہیں جن کے مقابل گلوکارواداکارعدیل چوہدری ہوں گے جبکہ دیگر کاسٹ میں اسماعباس، غناعلی،ایازسمو،حاجرہ یاسمین،نیئراعجاز،نعیم حق ،علی گل پیراور آصف رضامیرشامل ہیں۔ اس فلم کے پروڈیوسر خالدعلی ہیں جو اس سے پہلے”دختر“کے عنوان سے فلم بناچکے ہیں۔فلم کی شوٹنگ کراچی کے علاوہ سکھرمیں بھی کی جائے گی۔نازناروزئی نے بتایا کہ وہ ان کا بچپن جرمنی میں گزراجہاں انہوں نے تعلیم کے ساتھ ساتھ ڈانس کی تربیت بھی حاصل کی انہیں فارسی،انگریزی،جرمن اور اردوپرعبورحاصل ہے جبکہ انہیں بالی وڈ میں کام کرنے کا بہت شوق ہے لیکن اب وہ پاکستان فلم انڈسٹری کے حصہ بننے پر نہ صرف خوش بلکہ بہت پرجوش بھی ہیں۔ٹیلی ویژن کی معروف اداکارہ غناعلی اور اسماعباس کے کیرئرکی بھی یہ پہلی فلم ہے ۔
