اسلام آباد (آن لائن) پاکستان کی پہلی خاتون وزیر اعظم اور پیپلز پارٹی کی چیئرپرسن بے نظیر بھٹو شہید اگر حیات ہوتیں تو اب تک 64برس کی ہو چکی ہوتیں، بے نظیر بھٹو 21جون 1953ءکو کراچی میں پیدا ہوئیں۔انہوں نے 15برس کی عمر میںاو لیول کیا۔جون1973ءمیں انہوں نے ہارورڈ یونیورسٹی سے پولیٹیکل سائنس میں گریجویشن کی1976ءمیں انہوں نے سیاست،فلسفہ اور معاشیات میں گریجویشن کی ۔محترمہ بے نظیر بھٹوجون1977ءمیں وطن واپس آئیں۔دس اپریل1986ءکو لاکھوں افراد نے محترمہ بے نظیر بھٹو کا لاہور ایئرپورٹ پر استقبال کیا۔ بے نظیر بھٹو کی شادی18دسمبر1987ءکو کراچی میں آصف علی زرداری کے ساتھ ہوئی۔سال1988 ءکے انتخابات میںقومی اسمبلی کی 207نشستوں میں سے94پر کامیابی حاصل کرکے ایم کیو ایم اور فاٹا کے ارکان کے ساتھ مل کر 2دسمبر1988ءکو اپنی حکومت قائم کی۔ بے نظیر بھٹو35برس کی عمر میںایک اسلامی مملکت کی پہلی خاتون وزیر اعظم تھیں۔6اگست1990ءکو اس وقت کے صدر غلام اسحاق خان نے بے نظیر بھٹو کی حکومت کو برطرف کر دیا ۔اکتوبر 1993ءمیں86نشستیں حاصل کرکے بے نظیر بھٹو ایک مرتبہ پھر وزیر اعظم منتخب ہوئیں۔نومبر1996ءمیں صدر فاروق احمد لغاری نے کرپشن کے الزامات عائد کرتے ہوئے بے نظیر بھٹو کی حکومت کو بدطرف کر دیا۔ بے نظیر بھٹونے1996ءمیںبیرون ملک جا کر جلا وطنی اختیار کر لی وہ ساڑھے آٹھ سال کی جلا وطنی کے بعد 18اکتوبر کو وطن واپس آئیں کراچی میں ان کے استقبالی جلوس میں خود کش بم دھماکے ہوئے جس میں150کے قریب کارکن جاں بحق اور سینکڑوں زخمی ہوئے۔ بے نظیر بھٹو سیاسی سفر کے دوران27دسمبر2007ءکو لیاقت باغ میں شہید کر دی گئیں۔سالگرہ تقریبات کے سلسلے میں وفاقی دارالحکومت،آزاد کشمیر،شمالی علاقہ جات،جنوبی پنجاب کے شہروں ملتان،ڈیرہ غازی خان،مظفر گڑھ ،خانیوال،جہانیاں ،ٹھٹھہ صادق آباد،میاں چنوںسمیت ملک بھر کے صوبائی ہیڈ کوارٹرز ،ڈویژنل اور ضلعی دفاتر کے ساتھ ساتھ تحصیل اور قصبات کی سطح پر بھی پیپلز پارٹی کے زیر اہتمام سالگرہ تقریبات منعقد کی جائیں گی ،،بعد از افطاری کیک کاٹے جائیں گے جبکہ بلڈ کیمپ بھی لگائے جائیں گے جہاں پیپلز پارٹی کے رہنما،کارکن،عوامی نمائندے اور مختلف شعبہ ہائے زندگی سے وابستہ افراد خون کے عطیات دیں گے جبکہ قرآن خوانی کا اہتمام بھی کیا جائے گا۔
