بلوچستان میں آپریشن ردالفتنہ 3 کے تحت سیکیورٹی فورسز نے انٹیلی جنس اطلاعات کی بنیاد پر کامیاب کارروائی کرتے ہوئے 12 خوارج کو ہلاک کر دیا۔ حکام کے مطابق کارروائی دہشت گردوں کی موجودگی کی مصدقہ اطلاعات پر کی گئی، جس کے دوران فورسز نے مختلف ٹھکانوں کو نشانہ بنایا۔
سیکیورٹی ذرائع کے مطابق آپریشن کے دوران شدید فائرنگ کا تبادلہ ہوا، جس کے نتیجے میں 12 خوارج مارے گئے۔ کارروائی کے بعد علاقے میں سرچ اور کلیئرنس آپریشن بھی جاری رکھا گیا تاکہ کسی بھی ممکنہ دہشت گرد یا سہولت کار کو گرفتار کیا جا سکے اور علاقے کو مکمل طور پر محفوظ بنایا جا سکے۔
ذرائع کا کہنا ہے کہ سیکیورٹی فورسز ملک بھر میں دہشت گردی کے خاتمے اور امن و امان کے قیام کے لیے پرعزم ہیں، جبکہ آپریشن ردالفتنہ 3 کے تحت دہشت گرد عناصر کے خلاف کارروائیاں مسلسل جاری رہیں گی۔ حکام نے اس عزم کا اعادہ کیا کہ پاکستان دشمن عناصر کو ہر صورت منطقی انجام تک پہنچایا جائے گا اور ملک کے امن و استحکام پر کوئی سمجھوتہ نہیں کیا جائے گا۔
