ہنگو میں انٹیلی جنس بیسڈ آپریشن، پاک فوج کا کیپٹن شہید، 7 دہشتگرد ہلاک
خیبر پختونخوا کے ضلع ہنگو میں انٹیلی جنس بیسڈ آپریشن کے دوران پاک فوج کا ایک کیپٹن شہید جبکہ 7 دہشتگرد ہلاک ہوگئے۔ انٹر سروسز پبلک ریلیشنز (آئی ایس پی آر) کے مطابق یہ کارروائی جمعہ کے روز کی گئی۔
پاک فوج کے شعبہ تعلقات عامہ کے مطابق سیکیورٹی فورسز نے علاقے میں دہشتگردوں کی موجودگی کی خفیہ اطلاع پر آپریشن کیا۔
آپریشن کے دوران سیکیورٹی فورسز اور دہشتگردوں کے درمیان شدید فائرنگ کا تبادلہ ہوا، جس کے نتیجے میں 7 دہشتگرد مارے گئے۔ آئی ایس پی آر کے مطابق دہشتگردوں نے ایک مسجد میں پناہ لے رکھی تھی۔
شہید ہونے والے پاک فوج کے افسر کی شناخت کیپٹن حمزہ اکرم کے نام سے ہوئی ہے۔
