ممبئی(شوبز ڈیسک) بالی وڈ موسیقار کمپوزر اے آر رحمان نے کہا ہے کہ انہیں بہت خوشی ہے کہ آئیفا ایوارڈز میں ان کے فلم میوزک انڈسٹری میں 25 سال مکمل ہونے کا جشن منایا جا رہا ہے ۔ بھارتی ذرائع ابلاغ کے مطابق میوزک کمپوزر اے آر رحمان نے کہا ہے کہ انہیں بہت خوشی ہے کہ آئیفا ایوارڈز میں ان کے فلم میوزک انڈسٹری میں 25 سال مکمل ہونے کا جشن منایا جارہا ہے ۔انہوں نے کہا کہ انہیں بہت اچھا لگ رہا ہے کہ میں لندن میں پرفارم کر رہا ہوں اور پھر آئیفا جا رہا ہوں اور ہم اس پر گذشتہ 4 سالوں سے کام کر رہے ہیں۔ ،وہ بہت سے آئیفا ایوارڈز میں نہیں گئے کیونکہ وہ اپنے دیگر پراجیکٹس میں مصروف تھے۔انہوں نے کہا کہ آئیفا ایوارڈز کے ساتھ بہت سی خوبصورت یادیں وابستہ ہیں، جب فلم اور میوزک انڈسٹری کے لوگ ایک جگہ اکھٹے ہوتے ہیں تو انہیں بہت خوشی ہوتی ہے۔
