نیویارک(ویب ڈیسک)مائیکرو سافٹ کے بانی بل گیٹس کے نام سے ہر کوئی واقف ہے۔آئیے آپ کو بل گیٹس کی ان 7پیشگوئیوں کے بارے میں بتاتے ہیں جو انہوں نے 18سال قبل ہی کردی تھیں۔
1۔بل گیٹس کا کہنا تھا کہ آنے والے دنوں میں لوگ اپنے ہاتھ میں چھوٹے گیجٹس تھام کر سفر کریں گے اور اسی کے ذریعے وہ دوستوں سے بات اور ساتھ نیوز وغیرہ چیک کریں گے۔آج ہم یہ ایجاد سمارٹ فون کی صورت میں دیکھ سکتے ہیں۔
2۔پرائیویٹ ویب سائٹس کے ذریعے آ پ دوستوں اور رشتے داروں کے ساتھ بات چیت کرسکیں گے۔ اب لوگ فیس بک کے ذریعے ایسا کرتے ہیں۔
3۔اس کا کہنا تھا کہ سستی ترین چیزوں کی تلاش کے لئے ایک ایسا نظام ہوگا جہاں لوگ بآسانی چیزوں کی قیمتوں کا موازنہ کرکے خریداری کرسکیں گے۔موجودہ دور میں کئی ایسی ویب سائٹس موجود ہیں جہاں مختلف جگہوں پر ملنے والی اشیائ کی قیمتوں کا موازنہ کیا گیا ہے۔
4۔بل گیٹس کا کہنا تھا کہ کمیونٹی دلچسپی پر مشتمل ویب سائٹس ہوں گی جہاں لوگ فاصلوں کی قید سے آزاد ہوکر کمیونٹی پر بات چیت کرسکیں گے۔ Redditاس کی واضح مثال ہے۔
5۔اس کا خیال تھا کہ ایسی ڈیوائسزموجود ہوں گی جن کی مدد سے ہم اپنی ضروریات زندگی کی خریداری میں مدد حاصل کرسکیں گے اور یہ ہمیں بتائیں گی کہ کیا چیز کی ہمیں ضرورت ہے۔ ایمازون ایک اس کی بڑی مثال ہے۔
6۔منصوبہ سازوں کے لئے آسانی ہوگی کہ وہ ویب سائٹ پر جائیں اور اپنی ضروریات بتاتے ہوئے موزوں افراد کا چنا? کرسکیں۔
7۔اس کایہ بھی کہنا تھا کہ لوگ انٹرنیٹ پر جاکر اپنے لئے بہترین نوکری کے مواقع تلاش کرسکیں گے اور اب ایسی سینکڑوں ویب سائٹس ہیں جہاں آپ کو یہ سب مل جاتا ہے۔