اسلام آباد (نیٹ نیوز)چاروں رہنماو¿ں نے جہانگیر ترین سے الگ الگ رابطے کئے ہیں اور اس حوالے سے تمام معاملات طے پا گئے ہیں۔ پیپلز پارٹی کے معظم جتوئی تحریک انصاف میں شامل ہوں گے۔ ق لیگ سے نعمان لنگڑیال اور دیوان اخلاق تحریک انصاف میں شامل ہو گے جبکہ مسلم لیگ ن کے سابق ایم پی اے فیض وٹو کپتان کے کھلاڑی بنیں گے۔ نعمان لنگڑیال، دیوان اخلاق اور فیض وٹو کل نتھیا گلی میں پی ٹی آئی میں شمولیت کا اعلان کریں گے۔ پیپلز پارٹی کے معظم جتوئی ہفتے کو تحریک انصاف میں شامل ہوں گے۔ سیکرٹری جنرل جہانگیر ترین کے ہمراہ چاروں رہنماءکل نتھیا گلی جائیں گے۔

اسلام آباد (نامہ نگار خصوصی) وزیر مملکت برائے اطلاعات ونشریات مریم اورنگزیب نے کہاہے کہ عمران خان جواب دیں کہ چترال سے اسلام آباد کس کے ہیلی کاپٹر پر آئے ہیں ؟خیبر پختون خوا کے عوام سے جھوٹ ¾ دھوکہ ¾ عدالتوں سے مفروری اور دوسروں پر جھوٹے الزامات لگانا آپ کا طرہ امتیاز ہے ¾ چترال میں دوسروں کے منصوبوں پر نئی تختیاں لگا کر کس کو بے وقوف بنا رہے ہیں ؟ پی ٹی آئی سربراہ چور مچائے شور کی زندہ مثال ہے ۔ پاکستان تحریک انصاف کے سربراہ عمران خان کی چترال سے روانگی کے موقع پر گفتگو پر رد عمل کا اظہار کرتے ہوئے مریم اور نگزیب نے کہاکہ عمران خان چترال میں دوسروں کے منصوبوں پر نئی تختیاں لگا کر کس کو بے وقوف بنا رہے ہیں؟پرانے منصوبے پر آپ کے نام کی تختی کی قیمت خیبرپختونخوا کے عوام کو 50لاکھ روپے یومیہ پڑ رہی ہے۔ انہوںنے کہاکہ عمران صاحب اگر آج آپ نے نئے منصوبے پر تختی لگائی ہوتی تو ہم سب آپ کو مبارکباد دیتے۔ مریم اور نگزیب نے کہاکہ عمران خان چور مچائے شور کی زندہ مثا ل ہیں۔مریم اورنگزیب نے کہاکہ آپ نے اپنی حکومت کی کرپشن اور جھوٹ چھپانے کیلئے احتساب کمیشن کو تالہ لگایا۔انہوںنے کہاکہ آج پھر انسداد دہشت گردی کی عدالت میں عمران نیازی کے نام کو پکارا گیا۔مریم اورنگزیب نے کہاکہ آج پھر الیکشن کمیشن میں ایک مفرور کے وکیل نے استثنیٰ مانگا۔ انہوںنے کہاکہ الیکشن کمیشن گزشتہ ڈھائی سال سے آپ کے جواب کا منتظر ہے۔ مریم اور نگزیب نے کہاکہ عمران صاحب !نئے منصوبے کیسے لگتے ہیں ¾وزیراعلیٰ پنجاب محمد شہباز شریف سے تربیت لے لیں۔مریم اورنگزیب نے کہاکہ خیبرپختونخو اکے عوام سے جھوٹ ¾دھوکہ ¾عدالتوں سے مفروری اور دوسروں پر جھوٹے الزامات لگانا آپ کا طرہ امتیاز ہے۔ انہوںنے کہاکہ عمران خان جواب دیں کہ چترال سے اسلام آباد کس کے ہیلی کاپٹر پر آئے ہیں۔مرےم اورنگزےب نے کہا ہے کہ عمران خان چورمچائے شور کی زندہ مثال ہےں،وہ الزامات کی بنےاد پر قوم کو مزید بے وقوف نہےں بنا سکتے بلکہ ان کے چہرے سے نقاب بہت جلد اتر جائے گا۔انہوں نے اس ردعمل کا اظہار گذشتہ روز عمران خان کے بےان پر کےا۔مرےم اورنگزےب نے کہا ہے کہ عمران خان شرےف خاندان کو مجرم ثابت کرنے پر تلے ہوئے ہےں حالانکہ ان کی اپنی مثال چور مچائے شور کی مانند ہے،وہ نوازشرےف اور ان کے خاندان سے احتساب مانگنے کےلئے تو شور مچا رہے ہےں لےکن خود اڑھائی سال سے الےکشن کمےشن مےں جواب نہےں دے پائے ہےں۔انہوں نے کہا کہ تختےاں لگانے اور شرےف برادران کے خلاف الزامات کو ہوا دےنے سے عمران خان کے ہاتھ کچھ نہےں آئے گا بلکہ ان کی اصلےت بہت جلد عوام کے سامنے بے نقاب ہو جائے گی۔

لاہور (خصوصی رپورٹ) معرکہ کارگل میں نشان حیدر اعزاز حاصل کرنے والے شہید حوالدار لالک جان کا 18 واں یوم شہادت آج 7 جولائی بروز جمعہ منایا جائے گا۔ اس سلسلے میں ملک بھر میں شہید لالک جان کو خراج عقیدت پیش کرنے کے لئے تقریبات کا اہتمام کیا جائے گا۔ حوالدار لالک جان شہید 15 فروری 1967ءکو پاکستان کے صوبہ گلگت بلتستان میں پیدا ہوئے۔ انہوں نے 1999ءمیں ناردرن لائٹ انفنٹری کے جونیئر افسر کی حیثیت میں بھارت کے خلاف کارگل کے معرکے میں حصہ لے کراپنی جان کا نذرانہ پیش کرکے پاک فوج کا اعلیٰ ترین اعزاز نشان حیدر حاصل کیا۔ حوالدار لالک جان کی مادری زبان کھوار تھی لیکن انہیں برشسکی اور شیناز زبانوں پر بھی عبور حاصل تھا۔ وہ نشان حیدر اعزاز حاصل کرنے والے اب تک کے آخری فوجی ہیں۔ وہ 7 جولائی 1999ءکو جام شہادت نوش کرگئے تھے۔

کراچی ( آن لائن )آئی سی سی چمپیئنز ٹرافی جیتنے والی پاکستانی کرکٹ ٹیم کے اعزاز میں پاک بحریہ کا عشائیہ۔ ترجمان پاک بحریہ کے مطابق عشائےے میں پاک بحریہ کے سربراہ ایڈمرل محمد ذکااللہ کی خصوصی شر کت۔ بحریہ چیئر مین شہر یار احمد خان، پی سی بی حکام ،ٹیم مینجمنٹ اور سول شخصیات کی بھی عشائےے میںشرکت ۔ترجمان پاک بحریہ چمپیئنز ٹرافی بالخصوص فائنل میچ کے دوران کھلاڑیوں کا ٹیم ورک اور جذبہ کامیابی کا باعث بنا۔ نیول چیف نے کہا کہ چمپیئن شپ میںفتح کی خوشی کو کرکٹ ٹیم کے ہیروز کے ساتھ منانا ہمارے لئے باعث ِمسرت ہے۔ایڈمرل ذکا اللہ پاک بحریہ میںخدمات سر انجام دینے اور7 سال تک پی این کرکٹ ٹیم کا حصہ رہنے والے پاک بحریہ کے سابقہ اہلکار فخر زمان کی کا رکردگی متاثر کن رہی۔ نیول چیف نیول چیف نے پاکستان کرکٹ بورڈ کے چیئرمین شہر یار احمد خان، چیف سلیکٹر انضمام الحق ،ہیڈ کوچ، کرکٹ ٹیم کے عہد یداران اور مینجمنٹ کی تعریف کی۔

لاہور، اسلام آباد (نمائندگان خبریں)چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ عدلیہ اور فوجی اداروں کو متنازعہ بنانا پاکستان کے ساتھ دشمنی ہے، پاکستان مسلم لیگ کو فعال اور مضبوط بنانا ہر مسلم لیگی کا فرض ہے۔ وہ اپنی رہائش گاہ پر پاکستان مسلم لیگ ضلع جہلم کے پارٹی رہنماﺅں کے اجلاس سے خطاب کر رہے تھے۔ اجلاس میں چودھری وجاہت حسین، سیکرٹری جنرل طارق بشیر چیمہ، چیف آرگنائزر محمد بشارت راجہ اور امتیاز رانجھا کے علاوہ سابق ضلع ناظم جہلم چودھری فرخ الطاف، سابق تحصیل ناظم عابد جوتانہ، ٹکٹ ہولڈر عارف چودھری اور دیگر رہنما بھی موجود تھے۔ اجلاس میں پارٹی کو مزید مضبوط و مقبول بنانے کیلئے تفصیلی تبادلہ خیال کیا گیا۔ چودھری شجاعت حسین نے اجلاس میں بتایا کہ چودھری پرویزالٰہی جلد ضلع جہلم کا تنظیمی دورہ کریں گے۔ پاکستان مسلم لیگ کے قائدین نے مزید کہا کہ عوام اچھی طرح جانتے ہیں کہ کس نے انہیں بدحال کیا اور ملک کو قرضوں میں ڈبو دیا، وہ عدلیہ اور فوجی اداروں کو متنازعہ بنانے والوں کا ساتھ نہیں دیں گے، عوام کو یہ بھی پتہ چل گیا ہے کہ کون ان کے ساتھ مخلص ہے، کس نے ان کی نیک نیتی اور دیانتداری سے خدمت کی، ان کی فلاح و بہبود اور خوشحالی کے ایسے تاریخی اور نتیجہ خیز کام کیے جو ملک کی تاریخ میں پہلے کبھی نہیں ہوئے تھے۔ انہوں نے کہا کہ ہر سچا پاکستانی مضبوط اور خوشحال پاکستان چاہتا ہے۔ انہوں نے پارٹی رہنماﺅں کو ہدایت کی کہ وہ ہر سطح پر پارٹی کو متحرک اور فعال بنائیں، عوام اور کارکنوں سے رابطے بڑھائیں کیونکہ اپنے ڈراموں اور جھوٹے وعدوں کے ذریعہ عوام کو گمراہ کرنے اور ان کا مینڈیٹ چوری کرنے والے بے نقاب ہو چکے ہیں اور عوام باالخصوص عام و غریب آدمی، کسان اور محنت کش ان سے بیزار ہے۔

کھپرو (نمائندہ خبریں) سابق صدر اور پاکستان پیپلزپارٹی کے شریک چیئرمین آصف علی زرداری نے کہا ہے کہ یہ حکمران صرف سریا بیچ سکتے ہیں، کرکٹ کھیلنے اور پاکستان چلانے میں بہت فرق ہے ، وقت آئے گاتو ہم بتائیں گے پاکستان کیسے چلایا جاتا ہے ؟نیب والے روز ہمیں تنگ کرنے کیلئے آتے ہیں مگر جو ضیائ الحق کی مارشل لا ، پھانسیوں اور کوڑوں سے نہیں ڈرے وہ ان بونوں سے کیا ڈریں گے ؟پورے سندھ میں سولو پمپ لگوائیں گےجس سے زمینیں دوبارہ زرخیز ہوں گی۔کھپرومیں تقریب سے خطاب کرتے ہوئے سابق صدر ا?صف زرداری نے کہا کہ بھٹوازم ایک فلاسفی، ایک جذبے اور سوچ کا نام ہے ،اس کو مجھ سے زیادہ کسی نے قریب سے نہیں دیکھا ، ہم اس دھرتی کے لوگ ہیں ہمیں معلوم ہے کیا مسائل و مشکلات ہیں؟ جب بی بی کی شہادت ہوئی تو مجھے پتہ تھا یہ پاکستان کے خلاف بہت بڑی سازش ہے، کچھ بھولے بھٹکے بچوں نے یہ ضرور نعرہ مارا کہ پاکستان نہ کھپے، مگر میں نے انہیں کہا کہ پاکستان کھپے ، آپ دیکھیں یمن ،شام ، افغانستان اور عراق میں کیا ہورہا ہے ؟ آج بھی اسی بات کا خوف ہے کہ پاکستان کی ڈوریں ان بیووقوفوں کے ہاتھ میں ہیں جو سریا بیچنا جانتے ہیں ، حکومتیں بنانااور چلانا نہیں جانتے ، نہ یہ سی پیک سمجھتے ہیں ، یہ سی پیک کو صرف دو رویہ سڑک سمجھتے ہیں ،یہ چائنہ کے ساتھ ہمارا الائنمنٹ سمجھتے ہیں نہ ان کو یہ پتا ہے کہ چائنہ کے الائنمنٹ سے چائنہ کو فائدہ ہے اور یقیناًہمیں بھی فائدہ ہے ، اب دنیا بہت آگے بڑھ چکی ہے اور یہ دن بدن پیچھے جارہے ہیں ، ان کو کوئی اور مسئلہ نہیں ہے ، ان کو صرف اپنا مسئلہ ہے ، اب جے آئی ٹی سے ان کو تکلیف ہے۔ا?صف زرداری کا ہنا تھا کہ عمران خان کو تکلیف ہے کرکٹ کھیلنے اور پاکستان چلانے میں بہت بڑا فرق ہے ،باو?لنگ اور بیٹنگ سے پاکستان چلانے میں بہت بڑا فرق ہے ، انشائ اللہ وقت آئے گاہم انہیں بتائیں گے اور دکھائیں گے ، مجھے کسی نے نہیں کہا تھا کہ تھر میں پانی کا مسئلہ ہے، مجھے خود علم تھا، صرف تھر میں ہی نہیں پورے پاکستان میں پانی کا مسئلہ ہے اور ہمیں اس مسئلے کے حل کی طرف جانا ہے اور جانا پڑے گااور انشائ اللہ ہم جائیں گے ،میں نے وزیراعلی سندھ سے بات کی ہے ، ہم پورے سندھ میں سولو پمپ لگوائیں گے ،جس کی وجہ سے آپ کی زمینیں دوبارہ زرخیز ہوں گی ، ہم نے پائلٹ پراجیکٹس مکمل کئے ہیں ،جس سے آپ کی 30-30ہزار ایکڑزمین بہتر ہوگئی ہے ،ضرور نیب بیچ میں ہے وہ روز ہمیں تنگ کرنے کیلئے آتے ہیں ، مگر جو ضیائ الحق کی مارشل لائ پھانسیوں اور کوڑوں سے نہیں ڈرے وہ ان بونوں سے کیا ڈریں گے؟ الحمداللہ شہیدوں کی پارٹی کی اتنی سمجھ اور سوچ ہے۔