اسلام آباد(مانیٹرنگ ڈیسک) پاکستان میں وی آئی پی کلچر کی وجہ سے عام آدمی بری طرح پس رہا ہے جبکہ وی آئی پیز پروٹوکول سے لطف اندوز ہوتے ہیں،پیپلز پارٹی عام آدمی کے نام پر سیاست کرتی ہے اور گذشتہ دنوں چترال سے واپسی پر پی آئی اے کے طیارے میںچیرمین پیپلز پارٹی بلاول بھٹو کی پی آئی اے کی اکانومی کلاس میں سفر کی تصویریں شئیر کرکے وی آئی پی کلچر کی مخالفت کی گئی لیکن اب پیپلز پارٹی کی مرکزی رہنماءسینیٹر شیری رحمان کے لئے ایک پاکستانی فیملی کی نشست کو کینسل کردیا گیا اور انہیںو ی آئی پی کلاس میں سفر کرایا گیا۔کراچی میں فلاحی کاموں کے لئے سوشل میڈیا پر”فکس اٹ“ کے نام سے مہم شروع کرنے والے عالمگیر خان نے سماجی رابطوں کی ویب سائٹ فیس بک پر ایک آدمی کی کہانی شیئر کی ہے جس میں آدمی کا کہنا تھا کہ گذشتہ روز وہ اسلام آباد ائر پورٹ پر پہنچے جہاں ہم نے سیرین ائر لائن کی پرواز ای آر 503 کے ذریعے جانا تھا اور ہم نے پہلے ہی ٹکٹیں حاصل کر لی تھیں،ہماری پرواز 4بجے روانہ ہونا تھی اور ہمیں پہلے سے حاصل کی گئی نشستوں 2C،2D،2Eاور2F کے بورڈنگ پاس بھی دے دئیے گئے جس کے بعد ہم ڈیپارچر لاونج میں چلے گئے، 30منٹ کے بعد میرے بڑے بیٹے احمد کا نام پکارا گیا جب میں کاﺅنٹر پر گیا تو مجھے بتایا گیا کہ ہمیں سیٹ 2ایف تبدیل کرنا ہوگی،میں نے انکار کردیا ، کچھ دیر کے بعد سپروائزر آگئی اور اس نے مجھے بتایا کہ سسٹم کی خرابی کے باعث آپ کو سیٹ 2سی دے دی گئی۔
