محکمہ پولیس میں نوجوانوں کیلئے بڑی خوشخبری

لاہور (خصوصی رپورٹ)صوبائی حکومت نے تھانوں اور ٹریفک پولیس میں نفری کی کمی دور کرنے کے لئے پنجاب بھر میںپولیس اور ٹریفک پولیس میں کانسٹیبل اورٹریفک اسسٹنٹ کی 8988 اسامیوں پر بھرتی کاشیڈول جاری کر دیا ہے ۔35اضلاع میں 2 فیز میں بھرتیوں کا عمل مکمل کیا جائے گا۔پنجاب پولیس اور ٹریفک پولیس میں بھرتی کے لیے پولیس افسران کے بورڈ بھی تشکیل دئیے گئے ہیں جبکہ مطلوبہ آسامیوں پر بھرتی کے لئے فارم تمام اضلاع کی پولیس لائنز میں دستیاب ہوں گے۔ پنجاب کے 6 اضلاع میں ٹریفک اسسٹنٹ کی بھرتی کے لئے 1225 افراد کی منظوری کے ساتھ ،پنجاب پولیس میں کانسٹیبل اور لیڈی کانسٹیبل کے لئے 7763 آسامیوںمیںراولپنڈی میں 292، جہلم میں 112، چکوال میں 62 اور اٹک میں 32،حافظ آباد میں 42،منڈی بہا¶الدین میں237،گجرات میں 397 اسی طرح ٹوبہ ٹیک سنگھ میں 59، جھنگ میں 207،چینیوٹ میں 187 نوجوان ،ڈیرہ غازی خان میں 469،راجن پور میں 262، مظفر گڑھ میں 283 ،لیہ میں 22،بہاولپور میں 128،بہاولنگر میں 269اوررحیم یار خان میں 461 ،میانوالی میں 61،لودھراں میں 150،سرگودھا میں 114،شیخوپورہ میں82 ، 60،ننکانہ صاحب میں 115،گوجرانوالہ میں 598 ،سیالکوٹ میں 293 فیصل آباد میں 796، ساہیوال میں 186، پاکپتن میں 103،ملتان میں 498،خانیوال میں 86، وہاڑی میں 169،خوشاب میں 32، بھکر میں 73، اوکاڑہ میں 114 بھرتیاں کی جائیں گی۔ اسی طرح پنجاب کے6 اضلاع میں ٹریفک اسسٹنٹ کی 1225آسامیوں پر بھرتی کے تحت راولپنڈی میں 135، لاہور میں 425،گوجرانوالہ میں75 ،فیصل آباد میں 100، ملتان میں 90 اور سیالکوٹ میں 400 ٹریفک اسسٹنٹ بھرتی ہونگے۔