اسحاق ڈار کی احتساب عدالت میں پانچویں پیشی

اسلام آباد (خصوصی رپورٹ) وزیر خزانہ اسحاق ڈار کے خلاف آمدن سے زائد اثاثے بنانے کے نیب ریفرنس میں وزیر خزانہ اسحاق ڈار کے خلاف سماعت وکیل کی عدم حاضری پر 12بجے تک ملتوی‘ استغاثہ کے 28میں سے چوتھے گواہ کا بیان قلمبند۔ آمدن سے زائد اثاثہ جات ریفرنس میں وزیر خزانہ اسحاق ڈار پانچویں مرتبہ احتساب عدالت کے سامنے بطور ملزم پیش ہوئے۔ احتساب عدالت اسلام آباد کے جج محمد بشیر نے ملزم اسحاق ڈار کے خلاف اثاثہ جات ریفرنس کی سماعت کی۔ گواہ کا تعلق اسلام آباد کے حبیب بینک سیکرٹریٹ برانچ سے ہے۔ بیان کے بعد وکیل صفائی خواجہ حارث گواہ پر جرح کریں گے۔ میڈیا نمائندگان اور وکلاءکو نیب کورٹ میں جانے کی اجازت تھی۔ آج صبح اسحاق ڈار احتساب عدالت میں پیش ہوئے تو وکیل کی عدم حاضری کی بنا پر وہ واپس چلے گئے۔ عدالت نے سماعت 12بجے تک ملتوی کر دی۔