لاہور (خصوصی رپورٹ) احتساب عدالت کے جج محمد وسیم نے نادرا ای فلنگ فراڈ کیس میں سزایافتہ ملزم حافظ مشہود کی پلی بارگین کی درخواست منظور کر لی۔ نادرا ای بلنگ میں لوگوں کے ایک کروڑ روپے خوردبرد کیس میں عدالت نے ملزم حافظ مشہود کی پلی بارگین کی درخواست منظور کرتے ہوئے اسے پیسے جمع کروانے کا حکم دیا تو ملزم نے 16لاکھ 77ہزار روپے جمع کرا دیئے جس پر عدالت نے ملزم کو رہا کرنے کا حکم دے دیا۔ عدالت نے اس کیس میں ملزم مشہود کو 5سال قید اور 16لاکھ 77ہزار روپے جرمانے کی سزا سنا رکھی تھی۔
