اسحاق ڈار بوریا بستر لپیٹ رہے ہیں،طلال چوہدری کی جیل یاترا ؟خبر میں سنسنی خیز انکشافات

اسلام آباد(ویب ڈیسک)نجی ٹی وی پروگرام میں گفتگو کرتے ہوئے صحافی و تجزیہ کار چوہدری غلام حسین نے گفتگو کرتے ہوئے کہا کہ میں پہلے ہی کہہ چکا ہوں کہ نواز شریف کیسوں کا سامنا نہیں کر سکتے ہیں، ان کے پاس ان کیسوں کے حوالے سے صفائی موجود نہیں۔ اس موقع پر پروگرام کے شریک میزبان سعید قاضی نے کہا کہ یہ اپنے کیسوں کی صفائی عدالت میں دینے کے بجائے عدالت سے باہر طلال چوہدری کے ذریعے دلواتے ہیں جس پر چوہدری غلام حسین کا کہنا تھا کہ یہ سب بھی جیلوں میں جائیں گے یا ملک سے بھاگ جائیں گے یعنی فرار ہو جائیں گے۔ چوہدری غلام حسین نے انکشاف کرتے ہوئے کہا ہے کہ نواز شریف نے وطن واپس آنے سے انکار کر دیا ہے، وہ وطن واپس نہیں آرہے۔اس موقع پر انہوں نے وزیر خزانہ اسحاق ڈار سے متعلق انکشاف کرتے ہوئے کہا کہ اسحاق ڈار کسی بھی وقت ملک سے فرار ہو سکتے ہیں ، ان کا کہنا تھا کہ اس وقت اسحاق ڈار تاشقند اور امریکہ میں ہونیوالی اہم میٹنگز میں نہیں گئے وہ ملک سے اپنا بوریا بستر لپیٹ رہے ہیں اور کسی وقت بھی خبر آسکتی ہے کہ وہ علاج کے سلسلے میں باہر چلے گئے ہیں۔ اس موقع پر سینئر صحافی سعید قاضی کا کہنا تھا کہ اسحاق ڈار کو کچھ تو ریلیف دیا جانا چاہئے ، ان کی دو شادیاں ہیں، اوپر سے ان پر کیس چل رہا ہے جبکہ ان کی مصروفیات بھی ہیںجس پر چوہدری غلام حسین نے انکشاف کرتے ہوئے کہا کہ اسحاق ڈار کا صرف دو شادیوں پر ہی اکتفا نہیں اس حوالے سے میں کل خبر دوں گا۔ ان کا کہنا تھا کہ اس حوالے سے ابھی وقفہ کیا ہے کہیں یہ نہ سمجھا جائے کہ ہم ان کے خلاف مہم چلارہے ہیں، ہمارے پاس حقائق آرہے ہیں۔ چوہدری غلام حسین نے مزید انکشاف کرتے ہوئے کہا کہ اسحاق ڈار کے ساتھ ساتھ مریم نواز بھی ملک سے جانیوالی ہیں۔ مریم نواز اپنی والدہ کلثوم نواز کی عیادت کے بہانہ بنا کر کچھ دنوں میں جانیوالی ہیں۔