روزنامہ خبریں کی 25 ویں سالگرہ پ میں دل کی گہرائیوں سے مبارکباد پیش کرتا ہوں، خبریں شروع سے ہی اپنی خاص انفرادیت کے باعث لوگوں میں یکساں مقبول رہا ہے۔ خبریں نے مختصر عرصے میں اردو صحافت میں ایک معتبر نام بنایا ہے۔ پاکستان میں میڈیا نے نمایاں ترقی کی ہے۔ الیکٹرانک میڈیا کے پھیلاﺅ کے باوجود اخبارات کی اہمیت کم نہیں ہوئی ہے۔ خبریں نے اہم قومی ایشوز پر ہمیشہ ذمہ دارانہ کردار ادا کیا ہے۔ پاکستان پیپلزپارٹی آزاد اور غیر جانبدار میڈیا کی شروع سے حامی رہی ہے۔ آزاد میڈیا جمہوریت کے ماتھے کا جھومر ہے، پیپلزپارٹی آزادی صحافت کے راستے میں کوئی رکاوٹ برداشت نہیں کرے گی۔ روزنامہ خبریں غریب اور محروم طبقات کی آواز ہے۔ میری دعا ہے کہ خبریں اسی طرح ترقی کے منازل طے کرتا رہے۔
