لاہو(اے این این ) لاہور ہائیکورٹ نے کرکٹر محمد عرفان کو عمرہ ادائیگی کی مشروط اجازت دے دی،تفصیلات کے مطابق لاہور ہائی کورٹ میں کرکٹرمحمد عرفان کانام ای سی ایل سے نکالنے کیلئے درخواست کی سماعت ہوئی،جسٹس شمس محمودمرزا نے درخواست پرسماعت کی۔درخواست گزار نے عدالت کے رو برو موقف اختیار کیا کہ عمرہ ادائیگی کیلئے سعودی عرب جانا چاہتا ہوں لیکن ای سی ایل میں نام شامل ہونے کی وجہ سے باہر نہیں جا سکتا ہے،ان کا کہناتھا کہ پی سی بی تمام الزامات سے بری کر چکا ہے ،عدالت سے استدعا ہے کہ حکومت کوایگزٹ کنٹرول لسٹ سے نام نکالنے کا حکم دیا جائے ۔اس پر سیکرٹری داخلہ نے عدالت میں جواب جمع کرادیا۔لاہور ہائیکورٹ کے جج جسٹس شمس محمود مرزا نے کرکٹر محمدعرفان کوعمرہ ادائیگی کی مشروط اجازت دے دی۔
